Utløpt

Avdelingssjukepleiar

Arbeidsgiver: Helse Bergen - Voss sjukehus, Somatisk poliklinikk
Stillingstittel: Avdelingssjukepleiar
Frist: 03.04.2018
Ansettelsesform: Fast

Bli kjent med Haukeland universitetssjukehus

Voss sjukehus er organisatorisk ein avdeling i Helse Bergen, men er samstundes eit lokalsjukehus med akuttfunksjon for nærområdet, med funksjonar innan kirurgi, ortopedi, medisin, føde og barsel. Sjukehuset har nær 400 tilsette, og er eit moderne og velutstyrt sjukehus med ulike faggreiner innan spesialisthelsetenesta.

AVDELINGSSJUKEPLEIAR SOMATISK POLIKLINIKK:
Somatisk poliklinikk omfattar kirurgiske og medisinske fag, mellom anna lunge, hjarte, gastro- og generell kirurgi, ortopedi, og ein veksande aktivitet innan endoskopi. Avdelinga er arbeidsplassen for dei ulike legespesialistane på huset, ein god stab av dyktig pleiepersonell, spesialreinhaldar og sekretærar.

Utviklinga innan poliklinikk og dagbehandling er generelt i sterk vekst, og stiller krav til kontinuerleg oppdatering og fagleg kompetanse. Vi søkjer difor etter den rette personen til å utvikle og leie avdelinga, sy saman den daglege drifta for alt personell, og sikre dei gode tilhøva for pasientar og tilsette. Stillinga er ledig frå snarast og tilsetjing etter nærare avtale.

Litt om Voss:
Voss er ei kulturbygd med 14000 innbyggjarar omkransa av naturskjønne omgivnader. Her er det mogelegheit for mange ulike aktivitetar året rundt. Ein kan nemna turar i fjellet, rafting, paragliding, rideturar, Vossajazz, Osafestivalen og Ekstremsportveko, samt fleire store skianlegg på vinterstid. Bygda har eit godt utbygd skule- og barnehagetilbod. Voss har god kommunikasjon til Bergen/Flesland (ein god time) og austover til Oslo då både Bergensbanen og stamvegen Oslo-Bergen går gjennom Voss.

Arbeidsoppgåver

Budsjett og resultatansvar
Samordne drifta av medisinsk og kirurgisk poliklinikk
Tverrfagleg samarbeid med legar og andre faggrupper som er involvert i pasientbehandlinga.
Sørgje for framtidsretta kompetanse hjå personalet
Planleggje, organisere og styre dei samla ressursane til det beste for pasientane.
Framtidsretta samarbeid med Akuttmottak / Legevakt
Personalansvar

Kvalifikasjonar

Brei erfaring som sjukepleiar
Vidareutdanning innan leiing eller administrasjon er ynskjeleg
Norsk autorisasjon

Utdanning

Høgskule/universitet, diplom-/ bachelorgrad
Sjukepleie

Eigenskapar

Trygg på eigne ferdigheiter fagleg og personleg
Gode kommunikasjons- og samarbeidsevner
Evne til å delegere, involvere og motivere andre
Klar på avdelinga sine mål ovanfor medarbeidarane
Planleggje og gjennomføre aktivitet
God organisasjonsforståing
Resultatorientert
Evne til å sjå og tenkje heilskap
Godt humør og evne til å sjå muligheiter i staden for problemer, er også høgt verdsett!

Vi tilbyr

Stillingsbrøk: 100%
Løn etter tariff som leiar nivå 4 i Helse Bergen
Ein spennande og utfordrande arbeidsstad
Opplæring i Helse Bergen sitt modulbaserte utdanningsopplegg for leiarar
God fagleg i leiargruppa

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Lederkategori: Leder
Sted: Sjukehusvegen 16, 5704 Voss
Bransje: Helse og omsorg
Stillingsfunksjon: Sykepleier