![](https://images.finncdn.no/dynamic/1280w/2018/10/vertical-5/17/8/a81/88a/d0-/d1f/a-1/1e8/-8c/5e-/27d/e2c/722/f68_450336433.png)
Assisterande seksjonsjordmødre på seksjonane Føde AB og Føde D Storken
Helse Bergen
- Frist 09.06.2024
- Ansettelsesform Fast
Assisterande seksjonsjordmødre Føde AB og Føde D Storken
Om Kvinneklinikken:
Fødeavdelinga på Kvinneklinikken har årleg om lag 4000-4500 fødslar. Vi har tre kombinerte føde-/barselseksjonar der vi varetar fødande etter tre seleksjonsnivå. Vi har òg dei polikliniske einingane Svangerskap og barselpoliklinikk og Fostermedisin og ultralyd. Fødeavdelinga er ein spennande arbeidsstad for jordmødrer som ønsker å utvikle heilskaplege omsorgsmodellar innan svangerskap-, fødsel- og barselomsorg. Det er tett samarbeid mellom dei tre føde-/barselseksjonane, og både faglege og administrative oppgåver blir utført i samhandling mellom einingane.
Litt om Føde AB:
Dette er ei kombinert eining for kvinner med risiko i svangerskap, fødsel og barseltid. Deler av eininga ligg i U2 etasje, medan barselromma som høyrer til seksjonen ligg i 2.etasje i Glasblokkene.
Litt om Føde D:
Dette er ei kombinert eining for friske fødande med ei forventa ukomplisert fødsel. Seksjonen ligg i 4.etasje i Glasblokkene.
Les meir om oss
Assisterande seksjonsjordmor vil arbeide tett med leiar i eigen eining, samt leiarar og assisterande seksjonsjordmødrer ved dei andre einingane, og slik inngå i fleire leiarteam. Dei ulike leiarteama arbeider tett med organisasjonens tillitsvalde og verneombod om felles målsettingar.
I leiarteama vil du få spennande oppgåver knytta til fag- og organisasjonsutvikling, samt erfaring med drift og personalleiing. Deltaking i organisasjonsutviklingsprosjekt, opplæring av nytilsette, arbeid med fagprosedyrar og utvikling av turnus er mellom nokre av oppgåvene du vil få arbeide med. I leiarteama ved Føde AB, Føde C og Føde D Storken vil vi saman finne løysingar og arbeidsfordeling mellom leiar og assisterande seksjonsjordmødrer. Her vil du kunne vere med å påverke kva oppgåver du ønsker å legge vekt på i stillinga.
Arbeidstid: Assisterande seksjonsjordmor ved Føde AB vil ha dagarbeid og 37,5 timar per veke med fri helg og heiligdag. Assisterande seksjonsjordmor ved Føde D Storken vil i tillegg til dagarbeid i vekene, arbeide helgar som ved ordinært turnusarbeid. For tida 16 helgar per år. Denne stillinga har 35,5 timar arbeid per veke og fri på heilagdagar. Oppstart etter avtale.
Arbeidsoppgåver
- Legge til rette for opplæring og utvikling for tilsette ved eininga
- Utvikle og revidere prosedyrar knytta til ansvarsområdet
- Arbeide for at eininga har god orden, gode rutinar og gode arbeidsvilkår
- Bidra til kompetanseheving på tvers av Fødeavdelinga
- Bidra inn i arbeidet med teamsamansetting knytta opp mot dag-til-dag-styring
- Bidra til fagleg utvikling gjennom undervisning og møte, samt følge opp arbeidet til ulike kompetansegrupper
- Ha oversikt over og behandle avvikssaker (synergi) i eininga, samt bidra til endring og læring i forlenging av dette arbeidet
- Utvikle arbeidsplan kan vere aktuelt
- Gjennomføre medarbeidarsamtalar
- Stedfortreder for seksjonsjordmor
Kvalifikasjonar
- Erfaring med elektronisk fosterovervaking (STAN-sertifisert)
- Jordmorutdanning med norsk autorisasjon
- Grunnleggande IKT-kompetanse
- Meistre norsk munnleg og skriftleg
- Vidareutdanning/ tilleggsutdanning utover oppnådd grad kan bli lagt vekt på
- Utdanning eller erfaring innan leiing kan bli lagt vekt på
- Prosjekterfaring kan bli lagt vekt på
Personlege eigenskapar
- Du arbeider godt både sjølvstendig og i team
- Du er inkluderande og kommunisererer godt med pasientar, pårørande og kollegaer
- Du arbeider målretta med arbeidsoppgåver og forbetringsarbeid
- Du tilpassar deg lett og er løysingsorientert og fleksibel
- Du kan motivere tilsette og bidrar til å finne gode løysingar
- Du trivast med å arbeide i eit tverrfagleg miljø og meistrar høgt tempo
- Du er opptatt av å bidra til at Fødeeiningane halde ein høg fagleg standard
Vi tilbyr
- Lønn i samsvar med gjeldande overeinskomst
- Triveleg arbeidsmiljø
- Høgt fagleg nivå
- Fagleg og personleg utvikling
- Gode pensjons- og forsikringsordningar
Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.
Om arbeidsgiveren
Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor: Offentlig
- Antall stillinger: 2
- Sted: Haukelandsveien 22, 5021 Bergen
- Bransje: Helse og omsorg
- Stillingsfunksjon: Helsepersonell, Sykepleier / Jordmor
- Arbeidsspråk: Norsk
Nøkkelord
Assisterande seksjonsjordmor, Føde AB og Føde D Storken, Assisterende seksjonsjordmor, Føde AB og Føde D Storken, jordmor, Føde AB og D Storken, Ass. seksjonsjordmor, KK
- FINN-kode 354251882
- Sist endret