![Helse Bergen logo](https://images.finncdn.no/dynamic/480w/logo/result/413162945/iad_178711011333537950611-12-2012_09-31-30.png)
![](https://images.finncdn.no/dynamic/1280w/2018/10/vertical-5/17/8/a81/88a/d0-/d1f/a-1/1e8/-8c/5e-/27d/e2c/722/f68_450336433.png)
Seksjonsleiar Medisin B
- Arbeidsgiver: Helse Bergen
- Stillingstittel: Seksjonsleiar Medisin B
- Frist: 18.06.2024
- Ansettelsesform: Fast
Barne- og ungdomsklinikken (BUK) er landets nest største barneavdeling, regionsjukehus på Vestlandet og førande i behandling av barnesjukdommar. Vi skal dekke lokale, regionale og enkelte nasjonale behov for spesialisthelsetenesta for barn og unge inntil fylte 18 år, og er lokalisert i nye lokale i Glasblokkene ved Haukeland universitetssjukehus.
Vi har eit kontinuerleg fokus på utvikling, samhandling og forbetring, og nyleg samla vi all utgreiing, behandling og oppfølging av barn innan somatikk og psykisk helsevern i Glasblokkene. Dette gir nye og spennande moglegheiter for framtida. BUK har 67 senger fordelt på fem seksjonar: Nyføddintensiv, Medisin A, Medisin B, Medisin C og Barnekirurgi. I tillegg har vi Seksjon for legar, Seksjon for kontor, Energisenteret, Habiliteringstenesta og Stab. I 2023 hadde vi totalt 350 årsverk, om lag 4 000 innleggingar og 33 000 polikliniske konsultasjonar.
Medisin B barn og unge er ein sengepost med ti (åtte) senger til barn med kreftsjukdommar eller sjukdommar i blod og bloddannande organ. Medisin B samarbeider tett med dei andre seksjonane i BUK, og også med andre avdelingar i sjukehuset, som Radiologisk avdeling og Kirurgisk serviceklinikk. Eininga er sengepost for inneliggande pasientar, har eigen poliklinikk, og har og ein del barn som er under behandlingsforløp via dagpost og avansert heimesjukehus..
Vår seksjonsleiar skal no gå av med pensjon, og Barne- og ungdomsklinikken søker ein dedikert og framtidsretta leiar til å fylle rolla som seksjonsleiar ved Medisin B. Vi er på utkikk etter ein leiar med erfaring innan barn og unge og leiing, ein som vil styrke teamet vårt med å levere omsorg med høg kvalitet for våre unge pasientar. Leiar inngår i leiargruppa til BUK. Vi ser etter deg som skjønner betydninga av tett samarbeid med andre seksjonar, og som tenker på heilskapen i Barne- og ungdomsklinikken, både i forhold til fagutvikling, arbeidsmiljø, og god drift.
Arbeidsoppgåver
- Bygge kompetente og trygge medarbeidarar
- Leie og administrere daglege driftsoppgåver ved seksjonen
- Koordinere og samarbeide med andre avdelingar for å sikre heilskapleg pasientomsorg
- Rettleie og støtte personalet for å sikre fagleg utvikling og trivsel
- Implementere og oppretthalde retningslinjer for kvalitetssikring og pasientsikkerheit
- Delta i strategisk planlegging og utvikling av BUK
Kvalifikasjonar
- Erfaring frå drift av sengepost
- Kompetanse på systema i Helse Bergen er ein fordel
- Erfaring med tverrfagleg samarbeid er ein fordel
- Erfaring med og interesse for organisatoriske endringar og forbetringsarbeid er ein fordel
- Helsefagleg bakgrunn, gjerne med erfaring innan pediatri eller kreft
- Leiarerfaring er ein fordel
- Evne til å trivast i ein hektisk og utfordrande klinisk kvardag
- Kjennskap til gjeldande lover og retningslinjer innan helsevesenet
Personlege eigenskapar
- Du har gode samarbeidsevner og og får fram det beste i folk
- Du er drivande og audmjuk og tenker heilskap i alt du gjer
- Du evner å engasjere og involvere medarbeidarane dine
- Du er problemløysande og nytenkande
- Du held humøret og motet oppe, også når det er krevande å vere leiar
- Du er sjølvstendig, hardt arbeidande og tar ansvar for at ting blir gjort
- Personlege eigenskapar er særs viktig i denne stillinga og tilleggast stor vekt
Vi tilbyr
- Eit kompetent og engasjert fagmiljø med mykje teamarbeid og breidde, og stor mulighet for fagleg utvikling
- Gode kolleger og eit godt arbeidsmiljø
- Lønn etter avtale
- Pensjon etter gjeldande regelverk
Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.
Om arbeidsgiveren
Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Sektor: Offentlig
- Sted: Haukelandsbakken 15, 5021 Bergen
- Bransje: Helse og omsorg
- Stillingsfunksjon: Helsepersonell, Sykepleier / Barn/nyfødt, Sykepleier
- Arbeidsspråk: Norsk
Nøkkelord
Seksjonsleder, Medisin B, Seksjonsleiar, Medisin B, Barne- og ungdomsklinikken, BUK, Sykehus
- FINN-kode 353996343
- Sist endret
Lignende annonser
![Helse Bergen logo](https://images.finncdn.no/dynamic/480w/logo/result/413162945/iad_178711011333537950611-12-2012_09-31-30.png)
![Bergen kommune logo](https://images.finncdn.no/dynamic/480w/logo/result/1864419277/iad_838681504734239904bergenkomm.png)
![Agito Norge AS logo](https://images.finncdn.no/dynamic/480w/2024/5/vertical-1/28/3/354/778/713_ce4a4519-f2be-49d2-a36d-aa015eadf24f.png)
![Bergen kommune logo](https://images.finncdn.no/dynamic/480w/logo/result/1864419277/iad_838681504734239904bergenkomm.png)
![Hartvigsen begravelsesbyrå Tromsø AS logo](https://images.finncdn.no/dynamic/480w/2023/8/vertical-0/11/1/314/750/471_73123522.png)
![Haraldsplass Diakonale Sykehus logo](https://images.finncdn.no/dynamic/480w/2024/6/vertical-0/13/2/357/074/892_91513dd1-c94e-4516-b8f0-108f6634c1bd.jpg)
![Austad Diagnostikk logo](https://images.finncdn.no/dynamic/480w/2024/5/vertical-0/31/8/355/208/108_5d321482-f513-4d75-a0a0-9ada92a86ec0.png)
![Bergen kommune logo](https://images.finncdn.no/dynamic/480w/2024/6/vertical-1/13/5/357/068/015_ac7ef381-8ac1-4cc9-bd07-aa06e0a2002e.jpg)
![Helse Bergen logo](https://images.finncdn.no/dynamic/480w/logo/result/413162945/iad_178711011333537950611-12-2012_09-31-30.png)
![Betanien rehabilitering og sykehjem logo](https://images.finncdn.no/dynamic/480w/2024/5/vertical-0/22/8/353/954/338_44feb452-6582-4097-bf09-ac09ba2a3610.jpg)
![Bergen kommune logo](https://images.finncdn.no/dynamic/480w/2024/6/vertical-1/12/6/356/910/206_45a78090-9d2a-433a-be2a-15a5eba93136.jpg)
![Helse Bergen logo](https://images.finncdn.no/dynamic/480w/logo/result/413162945/iad_178711011333537950611-12-2012_09-31-30.png)