Fagleiar, forskingsmidlar og analyse
- Arbeidsgiver: Helse Bergen
- Stillingstittel: Fagleiar, forskingsmidlar og analyse
- Frist: 10.06.2024
- Ansettelsesform: Fast
Vil du bli vår nøkkelspelar innan utlysing, oppfølging og rapportering av forskingsmidlar?
Haukeland universitetssjukehus søker etter ein dyktig fagleiar innan forskingsmidlar og analyse. Dette er ei fast stilling ved Seksjon for forsking og innovasjon ved Forskings- og utviklingsavdelinga.
Stillinga er organisert i Seksjon for forsking og innovasjon ved Forskings- og utviklingsavdelinga, og har ansvar for støtte- og rettleiingstenester innan forsking for alle sjukehusa i Helse Vest, og innan innovasjon for Haukeland universitetssjukehus.
Seksjonen har ca. 65 medarbeidarar med høg kompetanse på ulike fagområde innan medisin, helsefag, kommunikasjon, jus, økonomi og forvaltning. Vi har ansvar for Regionalt kompetansemiljø for klinisk forsking som legg til rette for tildeling av regionale forskingsmidlar, regionalt samarbeid om forsking og tilbyr regional forskingsstøtte til kliniske studiar. Vidare har seksjonen ansvar for utvikling og forvaltning av felles nasjonale forskingsadministrative system. Seksjonen bidrar elles i regionale, nasjonale og europeiske nettverk for å fremje kliniske studiar. Vidare har vi ansvar for Regionalt redelighetsutval for forsking, Regionalt kompetansemiljø for metodevurderingar, og har ei leiande rolle i oppfølging av nasjonale tenester i spesialisthelsetenesta. Seksjonen er bindeledd mellom dei sjukehusbaserte og dei universitets- og høgskulebaserte forskingsmiljøa, og har viktige roller i regionale og nasjonale nettverk for forsking. Målsetjinga for seksjonen sitt arbeid er at forsking og innovasjon skal styrkast både i kvantitet og kvalitet ved å gje profesjonell forskings- og innovasjonsstøtte og gode IKT-løysingar.
Arbeidsoppgåvene til fagleiar er knytt til handtering av forskingsmidlar, overordna strategi og planar, i tillegg til arbeid med styringsindikatorar for forskingsverksemda. Fagleiar har ansvar for å følge opp forskingsmidlar frå utlysing, vurdering, tildeling og rapportering. Dette arbeidet er forankra i Det regionale samarbeidsorganet for forskning og innovasjon. Fagleiar rapporterar til forskingssjefen som leiar seksjonen, og samarbeider tett med Fagavdelinga i Helse Vest RHF.
Forskings- og utviklingsavdelinga ved Haukeland universitetssjukehus sitt oppdrag er å støtte opp under pasientbehandling, utdanning av helsepersonell, forsking og innovasjon gjennom lokale og regionale funksjonar. I tillegg bidrar vi til opplæring av pasientar, pårørande og tilsette. Avdelinga blir leia av fagdirektøren, og har seks seksjonar, kor Seksjon for forsking og innovasjon er den største. Det er godt samarbeid mellom seksjonane i avdelinga.
Arbeidsoppgåver
- Leie arbeidet med utlysing, tildeling, rapportering og oppfølging av Helse Vest sine forskingsmidlar
- Utvikle arbeidet med prosessar og system for Helse Vest sine forskingsmidlar, irekna gode administrative IKT-system
- Sørge for analyse og nøkkeltal i form av deskriptiv statistikk for forskingsmidlar
- Styrke og utvikle strategisk samarbeid om forsking i sjukehusa, både på regionalt og nasjonalt nivå
- Leie arbeidet med forskingsfinansiering, inkludert å arbeide for auka ekstern forskingsfinansiering frå offentlege og private kjelder
- Leie arbeidet med styringsindikatorar og verksemdrapportering på forsking i sjukehusa
- Organisere og leie ulike arbeidsgrupper
- Utgreiingsarbeid, saksførebuing og oppfølging av saker
- Det kan vere aktuelt med andre oppgåver innanfor temaområdet forsking og innovasjon
Kvalifikasjonar
- Formell utdanning på mastergradsnivå (helsefag, økonomi, samfunnsfag)
- Erfaring frå helsetenesta og/eller helseforvaltninga og/eller universitets- og høgskulesektoren er ønskeleg
- God kjennskap til forskingsfinansiering
- Kjennskap til helseforsking og samhandlingsmønstera mellom helseføretak og universitets- og høgskulesektoren er ønskeleg
- Kompetanse i bruk av Excel og andre verktøy i Microsoft 365-portefølja
- Erfaring med å leia team eller prosjekt vil bli vektlagt
- Særs gode ferdigheiter i munnleg og skriftleg kommunikasjon på norsk, slik at du snakkar og skriv klart, kortfatta og korrekt
- Gode ferdigheiter i munnleg og skriftleg kommunikasjon på engelsk er ønskeleg
Personlege eigenskapar
Personlege eigenskapar blir vektlagt.
- Sjølvstendig, systematisk og nøyaktig med høg arbeidskapasitet
- Evne til å inspirere teamet du skal leie til å prioritere og gjennomføre oppgåver
- Evne til å delegere til og følgje opp team medlemmar
- Evne til å lytte til og samarbeide med andre, på tvers av fag og einingar
- Positiv haldning til å tileigne og dele kunnskap
Vi tilbyr
- Fast stilling med meiningsfylte og utfordrande oppgåver
- Tverrfagleg og godt arbeidsmiljø i trivelege lokale på haukelandsområdet
- Fagleg utvikling
- Fleksibel arbeidstid
- Løn etter avtale og ei god pensjonsordning
Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.
Om arbeidsgiveren
Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
- Nettverk: Facebook
- Sektor: Offentlig
- Sted: Jonas Lies vei 68, 5053 Bergen
- Bransje: Helse og omsorg, Forskning, utdanning og vitenskap, Økonomi og regnskap
- Stillingsfunksjon: Økonomi og regnskap, Helsepersonell, Forskning/Stipendiat/Postdoktor
- Arbeidsspråk: Norsk, Engelsk
Nøkkelord
Fagleder, strategi, fagleder, analyse, fagleder, utvikling, forskning, ledelse
- FINN-kode 353976961
- Sist endret