Ingeniør/ fagarbeidar

Seksjon for utvikling og design ved Medisinsk-teknisk avdeling søker medarbeidar med bakgrunn innen mekaniske eller elektro-mekaniske fag.

Medisinsk-teknisk avdeling (MTA) leverer forvaltningstenester innan medisinsk teknologi og informatikk til Helse Bergen. Ofte i akutte situasjonar der medisinsk teknisk utstyr er i bruk. Vi tar òg del i forsking, utvikling og innovasjonsoppgåver.

Arbeidsoppgåvene i avdelinga spenner over område som: Delta i innkjøp, installasjon av nytt utstyr, planlegge og utføre service, tilverke utstyr som blir nytta i forskingsstøtte, pasienttilpassa utviklingsoppgåver og å utarbeida rutinar og dokumentasjon. MTA legg stor vekt på kompetansebygging med kursing både internt og eksternt.

Medisinsk-teknisk avdeling arbeider for å trygge pasientar og brukarar gjennom gode rutinar for tenesteleveranse og tett samarbeid med klinikkane.
Vi forvaltar ein utstyrspark på om lag 40 000 einingar, verd i overkant av 2 milliardar kroner. MTA tar hand om utstyret gjennom heile prosessen frå anskaffing til avhending, og våre tilsette held ved lag ein høg kompetanse gjennom generell og utstyrsspesifikk opplæring. Avdelinga har i dag 88 tilsette.Medisinsk-teknisk avdeling er ein del av Drift/teknisk divisjon.

Avdelinga har òg for tida andre stillinger ledig. Sjekk gjerne kva som ligg ute på nettsidene til Helse Bergen.

Arbeidsoppgåver

Seksjon for utvikling og design har oppgåver knytta til forsking, utvikling, innovasjon og forvaltning av medisinsk utstyr. Både på Haukeland universitetssjukehus i Bergen og på Voss sjukehus.

I denne stillinga er vi interessert i ein person som primært skal jobbe med forvaltning av laboratorieutstyr, slik som sentrifuger og mikroskopi. Dette er utstyr som er akkreditert, og difor krev stor grad av dokumentering av utførte prosedyrar. Stillinga er lokalisert på Haukeland universitetssjukehus i Bergen.

• Reparasjon og vedlikehald av utstyr som nemnt ovanfor med tilhøyrande programvare
• Delta i innkjøp av nytt utstyr
• Systematisk kontroll og kvalitetssikring
• Brukarstøtte
• Mottakskontroll og risikovurdering
• Andre oppgåver etter behov

Den som blir tilsett må rekna med å få hovudansvar for utstyrsgruppene innanfor laboratorieutstyr i seksjonen. Opplæring i feilsøking og vedlikehald blir nokre gonger gjennomført hos leverandør/produsent, slik at ein må rekna med å reisa på kurs både i og utanfor Noreg i samband med jobben.

Kvalifikasjonar

• Fagbrev/ingeniør-utdanning innan mekaniske eller elektro-mekaniske fag
• Vi kan vurdere anna utdanning ved særskild relevant erfaring
• Det er ein fordel med jobberfaring innan vedlikehald av elektro-mekanisk utstyr
• Kjennskap til relevante IKT-verktøy/FDV-system

Språk:

• Må meistre godt norsk både munnleg og skriftleg
• Må meistre engelsk både munnleg og skriftleg

Personlege eigenskapar

Forventa åtferd frå deg er:

• Du arbeider ryddig og systematisk
• Du må kunne arbeide sjølvstendig etter opplæring
• Du tar sjølv initiativ og har evner til å gjennomføre arbeidsoppgåver
• Du samarbeider godt med andre menneske
• Du er vennleg og hjelpsam mot kollegaene dine
• Du strekker deg langt for å yte beste mogleg sørvis
• Du er fleksibel og tar raskt på deg nye oppgåver

Vi tilbyr

• Ei utfordrande og spennande stilling ved eit av dei største sjukehusa i Noreg
• Ein allsidig jobb med gode moglegheiter for utvikling
• Opning for å delta i strukturert opplæringsløp, faglege forum, konferansar og liknande
• Eit stabilt arbeidsmiljø prega av stort mangfald både i utdanningsnivå og profesjon (fag)
• Årleg fellessamling for alle i avdelinga med fokus på arbeidsmiljø
• Fleksibel arbeidstidsordning
• Pensjon og forsikringsvilkår i KLP
• Lønn etter avtale

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.