Fagbioingeniør med nestleiarfunksjon ved MBF-Voss

Ser du etter ein jobb med stor variasjon innan fleire fagfelt, gode utviklingsmoglegheiter og godt arbeidsmiljø? Då er dette jobben for deg!

På Voss kan vi tilby deg dette, og meire til. Voss er ein kommune i Vestland fylke omkransa av flott natur med moglegheit for mange ulike aktivitetar. Opplev norsk natur på sitt beste med turar i fjellet, rafting, paragliding, alpint og rideturar. Voss kommune har om lag 16000 innbyggjarar og har eit rikt kulturliv med mange festivalar som Vossajazz, Osafestivalen og Ekstremsportveko. I juni blir Voss Cup arrangert, ein av norges største barneturneringar i fotball. Kommunen er i vekst og står framfor ei utvikling i åra som kjem. Voss ligg sentralt i forhold til Bergen og fleire destinasjonar på Vestlandet. Per i dag er reisetid til Bergen med tog cirka 1 time og 15 minutt. Med bil brukar du cirka 1 time og 30 minutt.

Ved laboratoriet på Voss sjukehus er det stor variasjon i arbeidsoppgåver, og du vil bli tilført stor fagleg kompetanse på fleire område. Laboratoriet utfører tenester til Voss sjukehus, og bidrar til gode helse- og omsorgstenester til befolkninga i tråd med vårt samfunnsoppdrag.

Laboratoriet ved Voss sjukehus dekker fleire fagfelt som legg til rette for ein variert og utfordrande arbeidskvardag. Vi tilbyr fagfelt innan:

• hematologi og koagulasjon
• klinisk kjemi/immunoassay
• preanalyse og blodprøvetaking
• tapping av blodgivarar og transfusjonsmedisin
• mikrobiologi

I tillegg til eit breitt fagfelt, godt arbeidsmiljø og tett samarbeid med andre yrkesgrupper på sjukehuset kan vi tilby:

• Rekrutterings- og beholdertillegg på kr. 50 000,-. Tillegget blir regulert prosentuelt etter stillingsstørrelse og er eit årleg tillegg på topp av lønn etter overeinskomst
• Årleg kompetansetillegg på kr. 15 000,- ved oppstart av aleinevakter
• Flytte- og/eller bustadsgodtgjersle på inntil kr. 40 000,- første 12 månader

Laboratoriet er døgnbemanna, med for tida tredelt turnus. Aften- og nattevakter er aleinevakter. Turnus blir satt opp i samarbeid med dei tilsette, og du vil kunne vere med å påverke vakt og helgefordelinga i denne. Det er totalt 15,2 årsverk tilknytta seksjonen som held til i lyse, trivelege lokale på Voss sjukehus. Laboratoriet er akkreditert etter ISO standard 15189.

Det er no ledig fast fagstilling med nestleiarfunksjon ved MBF-Voss. Fagområdet er knytta til oppfølging og utvikling av kvalitetsarbeid på seksjonen. Stillinga inngår for tida i tredelt turnus.

Vi er klare til å inkludere DEG i vårt team ved laboratoriet på Voss sjukehus. Oppstart etter avtale. Aktuelle kandidatar vil bli kontakta fortløpande.

Voss sjukehus er ein del av Helse Bergen HF. Meir informasjon om sjukehuset kan leses ved å følgje lenka: https://helse-bergen.no/avdelinger/voss-sjukehus

Arbeidsoppgåver

• Delta i dagleg rutine ved seksjonen
• Stedfortredar for seksjonsleiar
• Kalibrering og vedlikehald av vekt og pipetter
• Metodevalidering
• Oppfølging og utarbeiding av prosedyrar
• Oppfølging av intern og ekstern kvalitetskontroll i samarbeid med seksjonsleiar og andre fagbioingeniørar ved seksjonen
• Bidra til utvikling av kvalitetsarbeidet ved seksjonen
• Andre oppgåver kan tilkome

Kvalifikasjonar

• Norsk autorisasjon som bioingeniør
• 3 års erfaring frå arbeid i laboratorium
  
• Det er ein fordel med erfaring frå prosedyreskriving, metodevalidering og databearbeiding
• Må meistre godt norsk både munnleg og skriftleg
  

Personlege eigenskapar

• Løysingsorientert, nøyaktig og strukturert
• Fleksibel og endringsvillig
• Ansvarsbevisst
• Gode kommunikasjons- og samarbeidsevner
  
• Kan jobbe sjølvstendig og organisere eigen arbeidskvardag

Vi tilbyr

• Lønn i samsvar med gjeldande overeinskomst i Helse Bergen. For nestleiarfunksjon følgjer eit årleg funksjonstillegg på kr. 30 000,-
• Rekrutterings- og beholdertillegg på kr. 50 000,-
• Kompetansetillegg på kr. 15 000,-
• Flytte- og/eller bustadsgodtgjersle på inntil kr. 40 000,- første 12 månader
• Gode pensjons- og forsikringsordningar
• Spennande jobb saman med gode kollegaer
  

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.