Rådgivarar kliniske studiar (Clinical Research Associate og Clinical Research Coordinator)

Vil du arbeide med kliniske studiar og løfte medisinsk forsking i sjukehusa?

Haukeland universitetssjukehus søker etter dyktige rådgivarar innan kliniske studiar. Kliniske studiar er eit satsingsområde ved sjukehusa i Helse Vest, og det er auka behov for forskingsstøtte til fagmiljøa. Stillingane vil inngå tverrfagleg team som vil gi eit heilskapleg tilbod om forskingstøtte. Vi søker personar med høg arbeidskapasitet, nøyaktigheit og fleksibilitet som kan handtere ulike og varierande oppgåver. Som ein Clinical Research Associate og/eller Clinical Research Coordinator vil du ha ei viktig rolle som rådgivar til forskarane i kliniske studiar.

Stillinga er organisert i Seksjon for forsking og innovasjon som er organisert ved Forskings- og utviklingsavdelinga, og har ansvar for støtte- og rettleiingstenester innan forsking for alle sjukehusa i Helse Vest, og innan innovasjon for Haukeland universitetssjukehus.

Seksjonen har ca. 65 medarbeidarar med høg kompetanse på ulike fagområde innan medisin, helsefag, kommunikasjon, jus, økonomi og forvaltning. Vi har ansvar for Regionalt kompetansemiljø for klinisk forsking som legg til rette for tildeling av regionale forskingsmidlar og regionalt samarbeid om forsking og tilbyr regional forskingsstøtte til kliniske studiar. Vidare har seksjonen ansvar for utvikling og forvaltning av felles nasjonale forskingsadministrative system, for Regionalt redelighetsutval for forsking, for Regionalt kompetansemiljø for metodevurderingar, og har ei leiande rolle i oppfølging av nasjonale tenester i spesialisthelsetenesta.

Seksjon for forsking og innovasjon bidrar elles i regionale, nasjonale og europeiske nettverk. Eit eksempel er NorTrials, eit nasjonalt initiativ for å auka samarbeid mellom sjukehusa og næringslivet om kliniske studiar. Eit anna eksempel, det norske og europeiske forskingsstøttenettverket for kliniske studiar, NorCRIN (Norwegian Clinical Research Infrastructures Network), som vi leier, og ECRIN (European Clinical Research Infrastructures Network), som vi deltar i. Som rådgjevar vil du kunne arbeide for og samarbeide med desse nettverka og andre som vi til ei kvar tid er involverte i.

Vi søker etter to til tre nye medarbeidarar som skal arbeide med kliniske studiar i sjukehusa. Aktuelle arbeidsoppgåver er lista under. Dei ulike stillingane kan ha forskjellige kombinasjonar av oppgåver, avhengig av kvalifikasjonar og interesse. Det er ikkje påkravd å ha kompetanse på alle arbeidsoppgåvene. Skriv meir i søknaden om kva du er interessert i og har kompetanse på.

Arbeidsoppgåver

• Generell forskingsstøtte for kliniske studiar, i hovudsak studiar knytt til utprøving av legemiddel
  
• Utarbeiding av studiedokument, søknadsskriving, avtaleoppsett, budsjettering, fagleg- og økonomisk rapportering mv.
  
• Monitorering og oppfølging av kliniske studiar etter gjeldande regelverk, t.d. ICH-GCP, SOPar etc ved sjukehus og andre institusjonar i Helse Vest
  
• Gi råd og rettleie kliniske utprøvarar og forskargrupper i tråd med gjeldande nasjonalt og internasjonalt regelverk, til dømes Good Clinical Practice og ICH-GCP
  
• Handtere førespurnader om mogelege nye studiar frå industrien ("feasibility")
  
• Delta i fagmiljø, nettverk og konferansar og halde faglege innlegg for opplærings- og formidlingsføremål. Noko reising vil bli naudsynt i samband med slike aktivitetar.
  
• Andre oppgåver som ligg til Seksjon for forsking og innovasjon

Kvalifikasjonar

• Formell utdanning på mastergradsnivå, gjerne i farmasi eller andre helse- eller naturvitskaplege fag. Dersom ikkje oppnådd mastergrad, kan lang erfaring frå relevant arbeid kompensere for dette kravet
  
• Erfaring med prosjektkoordinering er ønskeleg
• Erfaring frå kliniske studiar er ønskeleg
  
• Kjennskap til regelverket kring kliniske studiar
  
• God forståing for økonomi/budsjett er ønskeleg
  
• Erfaring med undervisning, møteleiing og teamarbeid er ønskeleg
  
• Gode ferdigheiter i munnleg og skriftleg kommunikasjon på norsk, slik at du snakkar og skriv klart, kortfatta og korrekt
  
• Gode ferdigheiter i munnleg og skriftleg kommunikasjon på engelsk er nødvendig, ettersom vi ofte nyttar engelsk som arbeidsspråk

Personlege eigenskapar

Personlege eigenskapar blir vektlagt.

• Kan arbeide sjølvstendig, systematisk og nøyaktig
• Serviceinnstilt og kan lytte til og samarbeide med andre, på tvers av fag og einingar
• Positiv haldning til å tileigne og dele kunnskap

Vi tilbyr

• Fast stilling med meiningsfylte og utfordrande oppgåver
  
• Tverrfagleg og godt arbeidsmiljø i trivelege lokale på haukelandsområdet
• Fagleg utvikling
• Fleksibel arbeidstid
• Lønn etter avtale og ei god pensjonsordning

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.