Vil du bli personvernrådgiver i Statens vegvesen?

Personvernrådgivar, Utbygging

Om stillinga

For å nå ambisjonane og måla våre, styrkjer vi no kompetansen og kapasiteten innanfor personvern og tilset fleire personvernrådgivarar i Statens vegvesen.

Vi ser etter deg som har brei forståing av personvern, og som har høg fagleg og personleg integritet. Du bør også ha god forståing av teknologi.

Stillinga er lagt til Kontrakt og marknad i staben til divisjonsdirektør for divisjon Utbygging. Dette fordi personvern i stor grad også handlar om styring og sikring av etterleving av regelverket i heile divisjonen. Kontrakt og marknad i Utbygging skal sikre meirverdi i prosjekta gjennom kompetansen vår.

Avdelinga har ein stab på 30 medarbeidarar, som hjelper divisjonen og utbyggingsprosjekta med rådgiving, utvikling av konkurransegrunnlag, kontraktar, rammeverk (som handbøker, rettleiarar og andre hjelpedokument) og kompetanseutvikling innanfor følgjande hovudområde:

• Prosjektstyring
• Anskaffelser
• Entrepriserett
• Rådgiverkontrakter
• Samhandling
• HMS
• Lønns og arbeidsvilkår
• Klima og miljø
• Markedskontakt, marknadsutvikling og -analysar

Arbeidsstad er fortrinnsvis ved hovudkontoret til divisjonen i Bergen, men andre lokasjonar der Statens vegvesen har kontor kan også vurderast.

Det må påreknast noko reiseverksemd.

Arbeidsoppgåver

Stillinga skal bidra til at divisjonen etterlever personopplysningslova og personvernforordninga. Som personvernrådgivar held du oversikt over behandlingar i divisjonen, førar desse i protokollen til etaten, og dessutan gir råd til divisjonen knytt til personvernlovgivinga og interne retningslinjer.

Andre oppgåver kan mellom anna vere:

• opplæring innan personvern gjennomføre kurs og anna opplæring innan personvern i einingane til divisjonen
• arbeid med dokumentasjon knytt til etterleving dokumentere korleis divisjonen etterlever personvern
• arbeid med personvernkonsekvensvurderingar og avvikssaker behandle personvernavvik og vurdere personvernkonsekvensar

Kvalifikasjonar

Du må ha mastergrad i rettsvitskap eller forvaltningsinformatikk. Kravet kan fråvikast ved lang erfaring innan personvern.

Det er ein fordel om du har erfaring innan personvernområdet, men nyutdanna med interesse for personvern blir også oppmoda til å søkje. Relevant arbeidserfaring og/eller masteroppgåve innanfor personvern vil bli tillagde vekt.

Du må vere løysingsorientert og kunne jobbe strukturert og sjølvstendig. For å lykkast i jobben er det viktig at du er god til å kommunisere, og at du samarbeider godt med andre. Du må ha god organisasjonsforståing og evne å jobbe tverrfagleg. Du må vidare ha god skriftleg og munnleg framstillingsevne på norsk.

Dersom du har teke heile eller deler av utdanninga di i utlandet, tilrår vi ei autorisert omsetjing av papira og godkjenninga dine frå HKDIR (https: hkdir.no/utdanning-fra-utlandet).

Har du spørsmål om stillinga?

Kontakt leiar John Atle Haugland tlf. 915 22 215

Kvifor skal du velja oss?

Som tilsett i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidsretta løysingar på ditt fagfelt. Vi gir deg ansvarsfulle oppgåver og du vil få utvikle deg, både fagleg og personleg, i takt med nye utfordringar i samfunnet. Vi tek godt i mot deg, og du blir ein del av eit fellesskap med godt arbeidsmiljø i heile landet.

Vi tilbyr deg også desse goda:

• fleksitid og gode ordningar for å avspasere
• god pensjonsordning og moglegheiter for lån i Statens pensjonskasse
• moglegheit for trening i arbeidstida eller støtte til treningsaktivitet
• gode moglegheiter for fagleg påfyll
• Billig leie av firmahytter i heile landet

Lønn blir avtalt i samsvar med lønnspolitikken vår.

Krav til søknaden

Fyll ut felta "Utdanning" og "Arbeidserfaring" og last opp relevante vitnemål og eventuelle attestar.

Positiv særbehandling

Statens vegvesen er opptekne av mangfald og ynskjer å vere ein inkluderande arbeidsplass som speglar befolkninga. Vi har behov for medarbeidarar med ulike bakgrunn, erfaringar, kompetanse og perspektiv for å løysa samfunnsoppdraget vårt. Vi oppmodar difor alle kvalifiserte kandidatar til å søkje. Dersom det er kvalifiserte kandidatar med funksjonsnedsetjing, hol i CV-en eller innvandrarbakgrunn, vil vi kalla inn minst éin søkjar frå kvar av desse gruppene til intervju. For at du skal bli vurdert som søkjar i desse gruppene (bli positivt særbehandla), må du oppfylla visse krav. Du kan lesa meir om positiv særbehandling på arbeidsgivarportalen.

Søkjarlista er offentleg

Dersom du ynskjer å reservere deg frå oppføring på offentleg søkjarliste, må dette grunngjevast. Viss vi ikkje kan ta ynsket ditt til følgje, tek vi kontakt med deg.