Psykolog/psykologspesialist

Seksjon for fengselshelseteneste har ansvar for poliklinisk psykisk helsevern for personar som er under straffegjennomføring innan Helse Bergen sitt område. Seksjonen er og delaktig i ulike spesifikke tiltak som Narkotikaprogram med domstolskontroll, Rusmeistringseining, Ungdomseining, samt behandlingstiltak for valds- og seksuallovbrotsdømde.

Hovudtyngda av arbeidet er lokalisert til Bergen fengsel på Hylkje, 18 min køyretur frå Bergen sentrum. Utgreiing og behandling av personar under straffegjennomføring gjev god meining og gjev moglegheit til å nå pasientar som i mange tilfelle ikkje klarar å følge opp eit behandlingstilbod ute. I tillegg til ordinære polikliniske arbeidsoppgåver vil ein viktig del av jobben vere å behandle og hjelpe personar som har falt utanfor samfunnet til å kunne meistre eit vanleg liv. Ein del av behandlingstilbodet er retta mot å førebygge at ein person utset andre for vald eller seksuelle overgrep. Behandling under straffegjennomføring gjev moglegheit til å nå personar som ofte ikkje ville oppsøkt psykisk helsevern. Vi meiner at behandling av pasientar under straffegjennomføring blir gjort best med fleksibilitet, individuell tilpassing til den enkelte pasient og eit tett samarbeid med andre relevante instansar.

Det er no ledig fast stilling for psykolog/ psykologspesialist. Det er aktuelt med fleire typer oppgåver i seksjonen men for tida er det mest aktuelt med oppgåver knytta til personar som er dømde til seksuallovbrot. Kandidatane må og pårekne å bidra der det er behov for det i seksjonen.

Arbeidsoppgåver

• Utgreiing og behandling av psykiske lidingar hos pasientar som er under straffegjennomføring, etter tilvising
• Samarbeide med primærhelsetenesta og kriminalomsorg om tiltak
• Samarbeide med ulike instansar som skal syte for hjelp etter endt tid for soning
• Utgreiing av risiko, behov og responsivitet for seksuallovbrudsdømde, med tilpassa behandling individuelt og i gruppe
• Delta i psykoedukasjon i gruppe ved behov, som sinnemeistring, stressmeistring, m.m
• Delta i fagutviklingsoppgåver og internundervisning
• Yte rettleiing til samarbeidspartnarar

Kvalifikasjonar

• Offentleg godkjend psykolog, gjerne med godkjend spesialitet men det er ikkje eit krav
• Erfaring frå psykisk helsevern med vaksne, særleg vurderingar av lidingar knytt til psykose og suicidproblematikk, samt ADHD og alvorlege personlegdomslidingar
• Fordel med kjennskap til og interesse for straffegjennomføringssystemet
• Fordel med erfaring frå spesialisthelsetenestetiltak i fengsel
• Fordel med erfaring frå arbeid med valds- og/eller overgrepsproblematikk
• Må meistre norsk i skrift og tale
• Må legge fram marknadsfri utvida politiattest
  

Personlege eigenskapar

• Evne til å trivast i klinisk arbeid med ei utfordrande pasientgruppe
• Fleksibilitet og positiv innstilling til samarbeid
• Sjølvstendig
• Interesse for fagutvikling
  

Vi tilbyr

• Varierte arbeidsoppgåver i eit spennande fagfelt
• Eit godt og positivt arbeidsmiljø med engasjerte medarbeidarar
• Fagleg rettleiing

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.