Engasjert seksjonsleiar/driftsleiar

Er du interessert i menneske, logistikk og teknologi?

Er du i tillegg god på å få folk med deg, har oversikt og kan handtere fleire prosjekt på same tid? Då er du den vi ser etter. Hospitaldrift Tekstilforsyning søker etter seksjonsleiar for vaskeriproduksjon. Vi er ei av åtte einingar i Hospitaldrift, som igjen er ein del av Drift/teknisk divisjon ved Haukeland universitetssjukehus. Divisjonen består av sjukehuset sine ikkje-medisinske avdelingar.

Hospitaldrift Tekstilforsyning har som hovudoppgåve å levere ei bærekraftig tekstilteneste og er totalleverandør av tekstilar til bruk i sjukehusdrifta i Helse Bergen. Som seksjonsleiar har du gode moglegheiter til å utvikle seksjonen, dine medarbeidarar og deg sjølv. Ditt bidrag kan gjere kvardagen enklare for pasientar og tilsette ved sjukehuset. Du er sentral i arbeidet med forbetringsprosessar og logistikk saman med eigen eining, våre brukarar, kundar og dei samarbeidande seksjonane i sjukehuset.

Vi søker ei leiar som ser den enkelte og hentar det beste fram i dei og som bidrar til eit positivt og godt miljø for forbetring og teamarbeid.Seksjonen har om lag 45 tilsette. Stillinga rapporterer til leiar for Hospitaldrift Tekstilforsyning og inngår i leiargruppa for eininga.

Arbeidsoppgåver

• Leie, organisere og utvikle seksjonen vidare
• Personal- og budsjettansvar
• Ansvar for ressursstyring, teknisk vedlikehald, bemanning og arbeidsplanar i eigen seksjon
• Sikre opplæring og fagleg utvikling av medarbeidarane
• Delta i anskaffingar og investeringar til seksjonen
• Delta i eininga si leiargruppe og medverke til godt samarbeid på tvers

Kvalifikasjonar

• Leiarerfaring, erfaring frå prosjektleiing
• Høgskole-/universitetsutdanning innan tekniske fag, logistikk, prosess- og produksjonsteknikk, eller annan relevant utdanning
• Erfaring med arbeid innan logistikk, produksjon, lager og forsyningskjeder
• God IKT forståing og god erfaring i bruk av ikt-verktøy
• God analyseforståing og erfaring i bruk av analyseverktøy og styringsdata
• Erfaring og interesse for endrings- og forbetringsprosessar
• God skriftleg og munnleg framstilling

Personlege eigenskapar

• Vi søker ein person som er ein viktig ressurs i prosessar og forbetringsarbeid, som ser den enkelte, finn deira styrke og kan spele vidare på desse
• Du er òg opptatt av samarbeid, har ein inkluderande stil, kommuniserer tydeleg, skapar gode relasjonar og bygger tillit

Vi tilbyr

• Å inngå i ein godt drive seksjon, der vi legg vekt på å hjelpe kvarandre og dele kunnskap
  
• Eit godt arbeidsmiljø med engasjerte og kompetente medarbeidarar og kollegaer
  
• Spennande arbeidsoppgåver med deltaking i fagleg nettverk
  
• Fagleg og personleg utvikling
  
• Arbeidsplass er Haukeland universitetssjukehus
• Lønn etter avtale
• Fleksibel arbeidstid
  
• Gode forsikrings- og pensjonsordningar

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.