Ønskjer du å jobbe med rådgiving for dei store utbyggingsprosjekta til Statens vegvesen?
- Arbeidsgiver
- Statens vegvesen
- Stillingstittel
- Kontraktsrådgivar, entreprise
- Frist
- 15.04.2024
- Ansettelsesform
- Fast
Om stillinga
Kontrakt og marknad Utbygging søkjer etter ein kontraktsrådgivar som vil vere med å vidareutvikle Statens vegvesen som ein framtidsretta byggherre. Kontorstad er fortrinnsvis Bergen, men også andre lokasjonar, som Molde, Bodø og Drammen kan vurderast. Det må påreknast noko reiseverksemd.
Kontrakt og marknad på Utbygging skal sikre meirverdi i prosjekta gjennom kompetansen vår. Avdelinga har ein stab på 25 medarbeidarar, som hjelper divisjonen og utbyggingsprosjekta med rådgiving, utvikling av konkurransegrunnlag, kontraktar, rammeverk (som handbøker, rettleiarar og andre hjelpedokument) og kompetanseutvikling innanfor følgjande hovudområde:
• Prosjektstyring
• Anskaffelser
• Entrepriserett
• Rådgiverkontrakter
• Samhandling
• HMS
• Lønns og arbeidsvilkår
• Klima og miljø
• Markedskontakt, marknadsutvikling og -analysar
Arbeidsoppgåver
Vi søkjer etter kandidatar som trivst i eit hektisk og utviklande miljø og som kan bidra sterkt i ein eller fleire av følgjande oppgåver:
• Bistå med rådgiving til prosjektorganisasjonen ved gjennomføring av entreprisekontraktar og rådgivarkontraktar
• Delta i utvikling av innkjøp, kontraktar og rammeverk som handbøker, rettleiarar og andre dokument knytt til entrepriserett og kontraktsrett
• Kurs, webinarer og andre relevante kompetanseutviklingstiltak for divisjonen
Kvalifikasjonskrav
• Mastergrad i rettsvitskap eller juridisk embetseksamen
• God skriftleg og munnleg norsk formuleringsevne
Vi ser helst at du har nokre års erfaring, men nyutdanna vil også bli vurdert. Om du har omfattande og relevant erfaring, og gode personlege føresetnader for stillinga, kan det kompensere for manglande formell utdanning. Dersom du har teke heile eller deler av utdanninga di i utlandet, tilrår vi ei autorisert omsetjing av papira og godkjenninga dine frå HKDIR.
Vi vil vektleggje at du
• Har erfaring og kompetanse innanfor til entrepriserett og rådgivarkontraktar
• Har erfaring med rådgiving knytt til utvikling eller gjennomføring av
samspelkontraktar
• Har erfaring og interesse for utvikling av kontraktsstrategiar, under dette bruk
av innkjøp og kontrakt som strategisk verktøy i prosjektutvikling og
prosjektgjennomføring
• Har erfaring med standardkontraktar i anleggsbransjen
• Er fagleg sterk, har høg arbeidskapasitet og er kundefokusert
• Er løysingsorientert og evnar å definere handlingsrom, samtidig som du er
tydeleg på rammevilkår
Kvifor skal du velja oss?
Som tilsett i Statens vegvesen blir du ein del av eit solid og kunnskapsdelande fagmiljø. Du påverkar samfunnsutviklinga og får bidra til framtidsretta løysingar på ditt fagfelt. Vi gir deg ansvarsfulle oppgåver og du vil få utvikle deg, både fagleg og personleg, i takt med nye utfordringar i samfunnet. Vi tek godt i mot deg, og du blir ein del av eit fellesskap med godt arbeidsmiljø i heile landet.
Vi tilbyr deg også desse goda:
- fleksitid og gode ordningar for å avspasere
- god pensjonsordning og moglegheiter for lån i Statens pensjonskasse
- moglegheit for trening i arbeidstida eller støtte til treningsaktivitet
- gode moglegheiter for fagleg påfyll
Lønn blir avtalt i samsvar med lønnspolitikken vår.
Krav til søknaden
Fyll ut felta "Utdanning" og "Arbeidserfaring" og last opp relevante vitnemål og eventuelle attestar.
Positiv særbehandling
Statens vegvesen er opptekne av mangfald og ynskjer å vere ein inkluderande arbeidsplass som speglar befolkninga. Vi har behov for medarbeidarar med ulike bakgrunn, erfaringar, kompetanse og perspektiv for å løysa samfunnsoppdraget vårt. Vi oppmodar difor alle kvalifiserte kandidatar til å søkje. Dersom det er kvalifiserte kandidatar med funksjonsnedsetjing, hol i CV-en eller innvandrarbakgrunn, vil vi kalla inn minst éin søkjar frå kvar av desse gruppene til intervju. For at du skal bli vurdert som søkjar i desse gruppene (bli positivt særbehandla), må du oppfylla visse krav. Du kan lesa meir om positiv særbehandling på arbeidsgivarportalen.
Søkjarlista er offentleg
Dersom du ynskjer å reservere deg frå oppføring på offentleg søkjarliste, må dette grunngjevast. Viss vi ikkje kan ta ynsket ditt til følgje, tek vi kontakt med deg.
Om arbeidsgiveren
Statens vegvesen vil leie an i utviklinga av eit effektivt, sikkert og heilskapleg transportsystem tilpassa morgondagen sine behov og teknologi. Vi bygger, driftar og vedlikeheld riksvegane, og vi tek vare på heilskapen gjennom vårt nasjonale ansvar for beredskap på veg og ved utvikling av tydeleg regelverk og standardar for alle. Gjennom arbeid og tilsyn med trafikantar og køyretøy, ny teknologi og utviklinga av digitale tenester sikrar vi trafikantane smarte, trygge og miljøriktige transportval.Verksemda våre er organisert gjennom Vegdirektoratet og seks nyetablerte divisjonar.
- Nettverk
- Facebook, LinkedIn
- Sektor
- Offentlig
- Sted
- Nygårdsgaten 112, 5008 Bergen
- Flere arbeidssteder
-
- Fylkeshuset. Julsundvegen 9, 3. etg, 6412 Molde
- DREYFUSHAMMARN 31, 8012 Bodø
- Bransje
- Juridiske tjenester,
- Konsulent og rådgivning,
- Offentlig administrasjon
- Stillingsfunksjon
- Jurist,
- Jurist / Advokat,
- Jurist / Advokatfullmektig
Nøkkelord
Prosjektstyring, Anskaffelser, Entrepriserett, Rådgiverkontrakter, Markedskontakt marknadsutvikling og -analysar
Spørsmål om stillingen
- Kontaktperson
- John Atle Haugland
- Stillingstittel
- Avdelingsdirektør
- Telefon
- 91 52 22 15
- Kontaktperson
- Erlend Ballangrud Borgli
- Stillingstittel
- Seniorrådgiver
- Telefon
- 41 43 69 72
Nygårdsgaten 112, 5008 Bergen