Elektromontør Sterkstraum

Teknisk avdeling er ei av til saman 9 einingar underlagd Drift/teknisk Divisjon i Helse Bergen HF. Drift/teknisk Divisjon består i hovudsak av dei fleste ikkje-medisinske einingar i Helse Bergen. Divisjonen har om lag 1200 tilsette, med eit mangfaldig og variert kompetansespekter.

Ansvarsområde for Drift/teknisk Divisjon:
Ansvar for drift, reinhald, sikkerheit, vedlikehald av 455.000 m2 areal med bygningar og ansvar for medisinsk-teknisk utstyr til i overkant av 1 milliard kroner. Hovudansvar for planlegging av investeringar i nybygg, ombyggingar og innhenting av tilbod til utstyr som årleg ligg rundt 400 millionar kroner. I tillegg har divisjonen ansvar for arealplanlegging og arealdisponering/ arealtildeling på sjukehuset. Vi utstyrer òg sjukehuset med mat, klede og transporttenester.

Arbeidsstad for stillinga er Elektroseksjonen, som er ein av 10 einingar ved Teknisk avdeling. Elektroseksjonen sørgjer for at alle elektrotekniske installasjonar ved Helse Bergen er i god stand og verkar som planlagd til ein kvar tid. Det er 18 trivelege tilsette ved seksjonen. Vi ser etter deg som har ei løysingsorientert tilnærming til oppgåver og utfordringar. Helse Bergen er ei høgteknologisk verksemd og vi ønskjer at du trivast med samarbeid på tvers av faggrupper, i seksjonen og ved føretaket elles.

Viktige arbeidsoppgåver for elektroseksjonen er mellom anna, drift av det elektriske anlegget på Haukeland universitetssykehus som inkluderer UPS anlegg, periodisk vedlikehald av naudlys, Gruppe 0,1 og 2 rom. (medisinske områder), brannalarmanlegg. Kontroll i forbindelse med overtagelse av nybygg. Tverrfagleg samarbeid med andre einingar på Haukeland.

Arbeidsoppgåver

• Drift, vedlikehald og ettersyn av dei elektriske anlegga i Helse Bergen
• Dagleg oppfølging av SD anlegg
• Drift og vedlikehald av lysanlegg
• Service av elektrisk utstyr, kontroll/verifisering Gr 0, 1 og 2 rom
• Lukke avvik etter Internkontroll
• Feilsøk og reparasjonar av elektrisk utstyr og mindre ombyggingar
• Kunne delta i vaktordning ved behov

Kvalifikasjonar

• Fagbrev som elektrikar (Gruppe L )
• Førarkort klasse B
• Det vil bli lagt vekt på relevant erfaring frå tilsvarande arbeid
• Du held deg oppdatert på gjeldande lovar og forskrifter
• Kunne bruke PC som arbeidsverktøy
• Må meistre norsk med god skriftleg og munnleg formuleringsevne
• Evne å fagleg sette seg inn i Helse Bergen sine anlegg
• Kjennskap til el-installasjonar og kontrollar i medisinske område er ein fordel
• Teknisk interessert

Personlege eigenskapar

• Ha ei praktisk tilnærming til oppgåver
• Arbeide strukturert med eit klart mål
• Kundeorientert i ditt arbeid
• Arbeide sjølvstendig og samstundes trivast i team når det er ønskeleg
• Vere løysingsorientert
• Trivast i eit miljø kor ein vidareutviklar seg sjølv og sine kollegaer
• Kunne samarbeide med andre yrkesgrupper

Vi tilbyr

• Fagleg og personleg utvikling
• Triveleg arbeidsmiljø medengasjerte og dyktige medarbeidarar
• Gode pensjons- og forsikringsordningar
• Fleksitid
• Tilsetting etter nærare avtale
• Betalt lunsj
• Lønn etter avtale

Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.