Utløpt

Case manager/sjukepleiar eller vernepleiar

Arbeidsgiver: Helse Bergen
Stillingstittel: Case manager/sjukepleiar eller vernepleiar
Frist: 02.04.2024
Ansettelsesform: Vikariat

Bli kjent med Haukeland universitetssjukehus

Klinikk sikkerheitspsykiatri er ein psykiatrisk spesialklinikk for personar med alvorleg sinnsliding og betydeleg risiko for valdeleg åtferd, eventuelt med kompliserande tilleggsproblematikk som alvorleg personlegdomsforstyrringar og rusmisbruk.

Klinikk Sikkerheitspsykiatri består i dag av 5 seksjonar: Regional sikkerheitsavdeling, Lokal sikkerheitsavdeling, Seksjon fengselhelseteneste, Kompetansesenter for sikkerheit-, fengsel- og rettpsykiatri, og Seksjon sikkerheitspoliklinikk.

Seksjon sikkerheitspoliklinikk, med dagtilbod og ambulante tenester blei starta opp i 2022. Tilbodet har som mål å gje eit utvida og meir heilskapleg tilbod til pasientar underlagd dom til tvungen psykisk helsevern og pasientar underlagd tvungen psykisk helsevern som utgjer fare for andre.

Viktige arbeidsoppgåver for sikkerheitspoliklinikken er m.a. å tilby eit meir differensiert pasientforløp for denne pasientgruppa, og tilbodet er med på å styrkje rehabiliteringa og betre tilbakeføringa til kommunane. Sikkerheitspoliklinikken har som mål å gje bedre pasientbehandling og samstundes sikre samfunnsvernet. I samband med dette søker vi etter 1 sjukepleiar/vernepleiar med vidareutdanning som ønsker å ta del i dette viktige samfunnsoppdraget, og vere med på å vidareutvikle tilbodet for sikkerheitspasientar.

Stillinga er 100% vikariat knytta til arbeidsoppgåver i sikkerheitspoliklinikken med arbeid hovudsakleg på dagtid 08:00-15:30. Vikariatet er ledig frå 03.06.2024 til 04.08.2025 med mogleg forlenging og for fast tilsetjing. Erfaring frå sikkerheitspsykiatri og/eller poliklinkk/FACTer ein fordel. Grunna arbeidsoppgåver som krev at begge kjønn er likt representert i tilsettgruppa vil det underrepresenterte kjønn prioriterast.

Arbeidsoppgåver

Psykososial oppfølging av pasientar i poliklinikk gjennom individuelle samtalar
Ha det overordna ansvaret for behandlingsplan og oppfølging i pasientforløpa (case manager)
Relasjonsbygging og motivasjonsarbeid for å skape endring
Ambulant oppfølging av pasientar
Delta aktivt i å drifte dagavdelingstilbod
Utstrakt samarbeid med dei andre klinikkane i Divisjon psykisk helsevern i Helse Bergen, primærhelsetenesta og kommunale botilbud i Helse Bergen sitt opptaksområde
Rettleiing av pårørande, butilbod, og andre samarbeidspartar
Tett og fleksibelt samarbeid i tverrfagleg team med høg fagleg kompetanse

Kvalifikasjonar

Norsk autorisasjon som sjukepleiar eller vernepleiar
Vidareutdanning innan Rus og psykiatri, SEPREP eller psykisk helsearbeid
Erfaring frå sikkerheitspsykiatri og/eller poliklinisk verksemd
Interesse for og kunnskap om risikovurdering, alvorleg personlegdomsforstyrringar vi bli lagt vekt på
Personleg eigenheit for stillinga
Gode norskkunnskapar, både munnleg og skriftleg
Førarkort for bil klasse B
Den som får tilbod om stilling, må legge fram tilfredsstillande politiattest (vandel), jfr psykisk helsevernloven § 4A-7 andre ledd

Personlege eigenskapar

Behandlar pasientar profesjonelt, empatisk og er imøtekommande
Held deg roleg, objektiv og kontrollert i stressande situasjonar, og arbeider stabilt under press
Initiativrik, interessert i og har respekt for kvar enkelt pasient
Trivast i eit aktivt og travelt miljø
Har evne til å arbeide strukturert og sjølvstendig
Er ein god teamarbeidar og liker å jobbe tverrfagleg
Bidrar til eit godt arbeidsmiljø
Etterspør rettleiing

Vi tilbyr

15 000 kroner pr år i særtillegg
Lønn iht gjeldande overeinskomst
Grundig opplæring
Kompetanseutvikling i form av fagdagar, samt deltaking i interne og eksterne kurs
Spannande og utfordrande arbeidsoppgåver i eit fagfelt som gjev anledning til god fagleg og personleg utvikling
Eit godt og inkluderande arbeidsmiljø med kompetente medarbeidarar
Medlemsskap i pensjonsordning, 2% pensjonstrekk, yrkesskadeforsikring, gruppelivsforsikring og tjenestereiseforsikring
Treningsrom

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Om arbeidsgiveren

Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Sektor: Offentlig
Sted: Sandviksleitet 1, 5036 Bergen
Bransje: Helse og omsorg
Stillingsfunksjon: Sykepleier / Psykiatri,; Sykepleier,; Helsepersonell / Vernepleier/miljøterapeut
Arbeidsspråk: Norsk