Vil du jobbe i eit fengsel med utviklingsmoglegheitar ?

Fengselsbetjent i ressursteam

Om stillinga

Bergen fengsel søkjer 1 fengselsbetjent til ressursteam.

Ressursteamet består av 5 fengselsbetjentar som skal aktivisera, motivera og fylgje opp isolerte innsette.
Formålet med ressursteamet er å gje eit tilbod om fellesskap og aktivitet som kan motverka isolasjon og eventuelle skadeverknader av isolasjon. Tiltaka må tilpassast individuelt eller i gruppe i forhold til utfordringar og funksjonsnivå som den enkelte innsette har.
Teamet har eit nært samarbeide med avdelinga, helsetenesta og andre faggruppar i fengslet. 

Arbeidsoppgåver

• Trygging og oppfølging av nyinnsette, innsette som er isolert og andre med spesielle utfordringar
• planleggje og tilpasse aktivitetar etter den enkeltes behov og evner
• delta i ulike aktivitetar saman med ein eller fleire innsette
• samhandling med helsetenesta og andre faggrupper
  
  Den som blir tilsett, må rekne med endringar i ansvars- og arbeidsområde.

Utdanning og erfaring

Du må ha

• bestått fengselsbetjentutdanning frå Høgskolen og utdanningssenteret for kriminalomsorga KRUS
• god kunnskap og erfaring i bruk av IKT
• god munnleg og skriftleg framstillingsevne
• førarkort klasse B

Det er ønskjeleg at du har

• bachelor i straffegjennomføring
• kompetanse eller erfaring frå arbeid med psykisk syke eller andre livsutfordringar
• kompetanse eller erfaring frå arbeid med aktivisering av menneske

Personlege eigenskapar

• gode evner til å byggje relasjoner og til å ha fokus på jevnleg oppfølgjing
• evne til å jobbe sjølvstendig, målretta og systematisk med målgruppa
• evne til å tenkje kreativt og finne riktig aktivitet og tilnærmingsmåte til den enkelte innsette i samspel med kolleger, leiing
• og eksterne samarbeidspartnarar
• tålmodig, ansvarsfull og kunne setje grenser
• ha evne til å motivera menneske i vanskelege livssituasjonar
• ha god forståing for tryggleik

personlege eigenskapar vil bli vektlagd

Vi tilbyr

• meiningsfulle oppgåver i ein etat med eit viktig samfunnsoppdrag
• gode pensjons-, forsikrings- og låneordningar i Statens pensjonskasse.
• bedriftshelseteneste, velferdslag, treningsrom, parkering og kantine
• rettleiing av psykolog
• stillinga har turnus og uniformsplikt

Stillinga blir løna som 0264 fengselsbetjent, kr 460 600 - 557 100 pr. år,  avhengig av ansiennitet/kvalifikasjonar.

Det blir trekt 2 % innskot til Statens pensjonskasse

Generell informasjon

Kriminalomsorga meiner at inkludering og mangfald er ein styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing.  

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene her. (https://arbeidsgiver.difi.no/positivsaerbehandling) 
 

Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.

Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.

Den som blir tilsett, må rette seg etter organisasjonsmessige eller andre endringar som blir bestemte om arbeidsområdet.

Nærare opplysningar om stillinga får du ved å vende deg til inspektør Målfrid Kallekleiv  tlf. 55393645, mob. 99642258

For spørsmål om elektronisk utfylling av CV kan Jobbnorge kontaktast på 75 54 22 20.

Kriminalomsorga sitt samfunnsoppdrag er å gjennomføre varetektsfengsling og straffereaksjonar på ein måte som er tillitvekkjande for samfunnet og som motverkar strafflagde handlingar. Målet vårt er at den domfelte etter soning skal velje å leve eit kriminalitetsfritt liv. Visjonen vår er «Straff som endrar» og verdiane våre er: tryggleik, openheit og nytenking som er førande for åtferda vår og som organisasjon.Les meir om verksemdsstrategien vår her. Kriminalomsorga består av Kriminalomsorgsdirektoratet (KDI), Høgskolen og utdanningssenteret for kriminalomsorga KRUS og fem regionar med cirka 60 lokale fengsel og friomsorgskontor.Kriminalomsorgen region vest omfattar fem fengsel, tre friomsorgskontor, ein overgangsbustad og Senter for narkotikaprogram meddomstolskontroll. Region vest har ca. 500 tilsette i Vestland og Møre og Romsdal. Regionadministrasjonen ligg i Bergen.Bergen fengsel er eit av dei største fengsla i landet med om lag 200 plassar for både kvinner og menn. Fengselet legg til rette for utvikling forinnsette og gjev moglegheit for ny kompetanse.