Ingeniør/senioringeniør Engineering Elektro

Ulstein er eit familieeigd selskap som arbeider innan den maritime industrien. Vi designar, byggjer og leverer løysingar til skip samstundes som vi tilbyr eit breitt spekter av tenester innan ettermarknad. Vi likar å utfordre bransjen og kome med løysingar som reduserer miljøavtrykk og gir kundane våre konkurransefortrinn. Verdiane våre - å engasjere, innovere og avansere - bidreg til å skape eit godt arbeidsmiljø og gjer Ulstein til ein trygg og ansvarleg arbeidsplass.

Ulstein Verft har aukande aktivitet og søkjer etter ein ingeniør/senior ingeniør innan elektro konstruksjon. Ulstein Verft har ei konstruksjonsavdeling med høgt kompetansenivå og dyktige medarbeidarar. Som tilsett hos oss vil du få spanande og utfordrande oppgåver. Du vert ein del at eit dyktig team der du vert utfordra til å skape kreative og gode løysingar.

Konstruksjonsmiljøet i Ulstein Verft består av om lag 40 medarbeidarar innan områda elektro, maskin, skrog, stålutrustning og innreiing. Elektroavdelinga har per i dag 12 tilsette og vi søkjer deg som primært har spesialkunnskap innan fagfelta bru-system, kraft-system eller 3D modellering

Arbeidsoppgåver

- Konstruksjon og kalkullering av dei respektive skipssystema og utarbeide produksjonsgrunnlag
- Saksbehandling mot klasse, myndigheiter, underleverandørar og kundar
- Teknisk støtte i innkjøps- og produksjonsrelaterte saker
- Fagleg ansvarleg og ressursstying i prosjekt vil kunne vere aktuelt i periodar
- Fagperson i avdelinga innan din spesialkunnskap
- For rette vedkomande, kunne ta rolla som disiplinleiar for fagområdet elektro

Kvalifikasjonar

- Utdanning på bachelornivå eller teknisk fagskule retning elektro/automasjon
- Relevant erfaring, som elektrikar med skipsbyggjarkompetanse, kan kompensere for manglande formell utdanning
- Erfaring frå skipsbygging/konstruksjon er ønskja
- Må kunne kommunisere godt på norsk og engelsk

Personlege eigenskapar

- Sjølvstendig og fagleg engasjert
- Gode kommunikasjons- og samarbeidsevner
- Effektiv og nøyaktig
- Positiv bidragsytar til arbeidsmiljøet

Vi tilbyr

- Interessante, utfordrande og utviklande arbeidsoppgåver
- Karrieremoglegheiter
- Konkurransedyktige lønsvilkår
- Fleksitidsordning
- God pensjons- og forsikringsordning

ULSTEIN er ein internasjonalt anerkjent leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og vår visjon er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre.

Menneska i ULSTEIN er den viktigaste ressursen. Mangfald av ferdigheiter, personlegdomar, erfaring og bakgrunn skapar eit globalt team som kombinerer innovasjon, kvalitet og ekspertise.

Ulstein Verft utviklar og byggjer avanserte spesialfartøy mellom anna innan offshore olje og gass, havvind, RoPax og cruise, og har lang erfaring innan engineering, nybygg, installasjon, kommisjonering og oppgradering. Selskapet er ein del av forretningsområdet Shipbuilding i ULSTEIN, og held ein høg standard innan kvalitet, gjennomføring og leveringspresisjon.