Sjukepleiar og vernepleiar til vikariat innan Avdeling for rusmedisin 

Helse Bergen er Vestlandets største og viktigste arbeidsplass og treng dyktige og engasjerte vernepleiarar og sjukepleiarar som kan jobbe ved avdelingar innan Avdeling for rusmedisin

Avdeling for rusmedisin (AFR) tilbyr behandling og oppfølging til menneske med rus- og avhengigheitslidingar. Avdelinga satsar også sterkt på forsking og kvalitetsutvikling innan rushelsetenesta. Avdelinga har om lag 600 tilsette og ti kliniske seksjonar som tilbyr avrusing, stabilisering, poliklinikk, døgnbehandling for både kvinner og menn, familieambulatorium, LAR-behandling og ambulante tenester. Vi har også det einaste medikamentfrie behandlingstilbodet i vår region for unge mellom 18 og 40 år. Les meir om AFR

• AFR, Seksjon Askøy har ledig 100% vikariat for sjukepleiar eller vernepleiar. Vikariatet er for 6 månader med mogleg forlenging. Arbeidssted vil bli på seksjon Askøy, med arbeid i snitt kvar tredje helg.

• LAR Poliklinikk Fana og Ytrebygda har ledig 100% vikariat som vernepleiar eller sjukepleiar. Dagarbeid 08.00 - 15.30 med arbeid kvar 3 laurdag. Vikariatet er ledig til 31.12.2024 med mogleg forlenging

Aktuelle kandidatar blir fortløpande kalla inn til intervju. Søkarar som av ulike årsaker ønsker redusert stilling blir også oppmoda til å søke.

Seksjon Askøy er ein døgneining for stabilisering og døgnbehandling og held til i moderne, flotte lokale kun ein halv times køyretid frå Bergen sentrum. Det er òg godt båt- og bussamband til Askøy. Seksjon Askøy tar i mot ruspasientar med samansette problem. Vi har 12 senger for elektiv behandling av menn med rusproblem, der ein mellom anna jobbar med indivuell tilnærming og gruppeterapi. Her er det òg ein brukarstyrt seng. I tillegg tilbyr vi stabiliseringsopphold for kvinner og menn i ei ening på 13 senger. Gjennom behandlingstilboda våre ønsker vi å legge til rette for utforsking av nye meistringsopplevingar, og at den enkelte kan finne tilbake til eit godt daglegliv. Eit viktig fokus i behandlinga er også å legge til rette for vidare meistring etter innlegginga. Dette kan innebere samarbeid med hjelpetiltak, utarbeiding av Individuell plan og/eller tilvising til vidare behandling. Tiltredelse vil skje snarest, etter nærare avtale.
Kontakt: Jane Andal, 56155171

LAR poliklinikk Fana og Ytrebygda er lokalisert i tidlegere kommunehuset på Nesttun, kort veg frå Bybanen. LAR-Seksjonen er organisert i 7 geografiske team. Kvart team er tverrfagleg samansett av psykolog, lege, sjuke- og vernepleiarar og sosionomar. LAR teama har ansvar for substitusjonsbehandling med LAR-legemiddel, samt psykososial behandling og rehabilitering av pasientar. Vi har eit stort fokus på å tilby LAR pasientar integrert behandling og rehabilitering i samarbeid med kommune og DPS. Trongen for behandling er stor og pasientane treng eit helse- og sosialfagleg tilbod som er tilpassa deira livsførsel og komplekse sjukdomsbilete.
Kontakt: Irene Tvedt, Tlf. 90053651

Kvalifikasjonar

• Du har norsk autorisasjon
• Ønskeleg med erfaring innan fagfelta Rus/Psykiatri
• Personleg eigna for å jobbe med pasientgruppa er ein føresetnad og du må meiste norsk skriftleg og munnleg

Vi tilbyr deg

• Ein arbeidsplass med høg fagleg kompetanse
• Lønn i samsvar med gjeldande overeinskomst og gode pensjons- og forsikringsordningar
• Engasjerte medarbeidarar i ein spennande avdeling med nybrotsarbeid

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Helse Bergen, Haukeland universitetssjukehus, har over 13.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.