Rådgjevar

Seksjon for kompetanseutvikling er ein del av Forskings- og utviklingsavdelinga (FoU) ved Haukeland universitetssjukehus. Seksjonen har om lag 40 medarbeidarar med kompetanse innan medisin og helsefag, pedagogikk og kompetanseutvikling. Hovudarbeidsområda i seksjonen er planlegging, gjennomføring og evaluering av kompetanseutviklingstiltak, både i samarbeid med avdelingar i sjukehuset, universitet, høgskular, kommunar og andre samarbeidspartar, samt hjelpe leiarar i føretaket innan kompetanse- og utdanningsspørsmål.

Ein av våre medarbeidarar skal ut i permisjon, og vi lyser difor ut eit vikariat med eit års varigheit. Team for digital læring søker etter ein engasjert person som ønsker å styrke arbeidet med innhaldsproduksjon til digitale læringsressursar og Læringsportalen. Læringsportalen er ein kursdatabase der ein kan melde seg på både klasseromskurs og e-læringskurs.

Team for digital læring utviklar digitale læringsressursar for heile regionen, og sit på ansvaret for kursbiblioteket til Helse Vest. Dei digitale læringsressursane vi utviklar består hovudsakleg av opplæringsplanar, opplæringsfilmar og e-læringskurs.

Vi ser etter ein god lagspelar som evnar å arbeide sjølvstendig og strukturert. Personlege eigenskapar og kompetanse vil bli vektlagt.

Kjerneoppdraget til Team digital læring er arbeid med utvikling, integrering og forvalting av dei digitale læringsressursane i Helse Vest.

Arbeidsoppgåver

• Innhaldsproduksjon til digitale læringsressursar (til dømes e-læringskurs eller opplæringsvideoar) retta mot medarbeidarar i Helse Vest
• Manusutvikling og formgjeving av digitale læringsressursar
• Prosjektleiing, fasilitering og rettleiing
• Delta i arbeidet med regional brukarstøtte til medarbeidarar ift Læringsportalen
• Filming, fotografering, lydopptak og redigering av desse

Kvalifikasjonar

Krav til stillinga:

• Høgare utdanning på bachelor- eller masternivå, særs relevant erfaring kan kompensere for manglande utdanningsnivå
• Kommunikasjon, pedagogikk, journalistikk, tekstforfatting eller anna relevant fagbakgrunn
• Interesse for og erfaring med rettleiing og opplæring
• God kjennskap til og interesse for IKT-verktøy
• Gode norskkunnskapar, skriftleg og munnleg
• Administrativ erfaring.
  

Ønskeleg:

• Erfaring med fotografering og fotoredigering
• Erfaring med filming og videoredigering
• Erfaring innan prosjektleiing/prosjektstøtte
• Erfaring med utvikling av e-læring
• Kjennskap til spesialisthelsetenesta

Personlege eigenskapar

• Er initiativrik, sjølvstendig og systematisk
• Analytisk og løysingsorientert
• God på nettverksbygging
• Strukturert og leveransedyktig
• Har stor arbeidskapasitet og gjennomføringsevne
• Trivast med å arbeide i tverrfaglege team
• Detalj-, kvalitets- og systemorientert
• Serviceinnstilt, fleksibel og bidrar til eit godt arbeidsmiljø

Vi tilbyr

• Lønn etter avtale
• Gode pensjons- og forsikringsordningar
• Eit års vikariat

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.