Intensivsjukepleiar

Har du lyst på ein jobb som gjev deg faglege utfordringar, allsidige arbeidsoppgåver og gode kollegaer?

Vi søker dyktige, engasjerte og involverte medarbeidarar til teamet vårt.

Kirurgisk serviceklinikk (KSK) er den største somatiske klinikken i føretaket med ansvar for store delar av tilbodet innan operasjon, anestesi, intensivbehandling og akuttmedisin på Haukeland universitetssjukehus.

Postoperativ seksjon er ein dynamisk og spennande arbeidsplass kor ein overvakar og behandlar ca 12 000 pasientar årleg. Postoperativ seksjon overvakar barn og vaksne, hovudsakleg etter generell kirurgi. Vi tar og imot eit stort antall øyeblikkelig hjelp og traumepasientar. Vi legg tilrette for gode opplæringsplanar med fagsjukepleiar og kontaktsjukepleiar ved oppstart.

Thoraxkirurgisk intensiv- og oppvakingsseksjon (TIO) ivaretar hovudsakleg nyopererte hjarte- og lungepasientar. Seksjonen behandlar også kirurgiske og medisinske thoraxpasientar som treng avansert intensivbehandling, og har regionsfunksjon for behandling med VA-ECMO. Dette gir deg ein unik moglegheit til å dyktiggjerast både på intensivpasienten og den postoperative pasienten. Vi samarbeider også med intensiv- og postoperativ seksjon og hjelper kvarandre på tvers av avdelingar.

Det er også bygd ei intervensjonsstove der radiologi og kirurgi sameinast, og ein tilbyr nye former for behandling til hjarte,- kar-, og nevrokirurgiske pasientar. Desse pasientane blir og overvaka hos oss postoperativt.

Vi har eit engasjert miljø der fagutvikling, pasientar og pårørande er i sentrum. Vi ønsker oss ein intensivsjukepleiar som vil ha fagleg vekst, varierte og spennande utfordringar.

Vi søker no etter intensivsjukepleiarar til Postoperativ seksjon og Thorax Intensiv- og oppvakningsseksjon.

Vi treng deg, du er viktig for oss!

Arbeidsoppgåver

Postoperativ seksjon

• Ansvar for overvaking, intensivbehandling og sjukepleie til pasientar i akutt og postoperativ fase
• Arbeidsoppgåvene og prosedyrane er allsidige og varierte, du skal følge opp pasientane i det tverrfaglege miljøet

Thorax Intensiv- og oppvakningsseksjon

• Oppgåvene består i overvaking, sjukepleie og intensivbehandling til nyopererte hjarte-, lunge-, nevro- og karkirurgiske pasientar
• Rettleiing av studentar og kollegaer
• Ivareta pårørande

Arbeidsoppgåvene kan bli endra i takt med avdelinga og /eller sjukehuset sin utvikling

Kvalifikasjonar

• Norsk autorisasjon og vidareutdanning innan intensivsjukepleie
• Kunnskap innan relevant medisinsk-teknisk utstyr og IKT-system er ein fordel
• Kan effektivt organisere og administrere eige arbeid
• Kunne utføre sjølvstendig arbeid innanfor arbeidsområdet
• Personlege eigenskapar vil bil vektlagt
• Du må meistre norsk skriftleg og munnleg svært godt

Personlege eigenskapar

• Du set pasienten i sentrum
• Du er fagleg engasjert, strukturert og nøyaktig
• Du trivast med å jobbe i eit tverrfagleg miljø og meistrar høgt tempo
• Du beheld roen og evnar å prioritere i stressande situasjonar
• Du har gode samarbeidsevner, er arbeidsvillig og intiativrik
  

Vi tilbyr

• Ein arbeidsplass der ein ser og oppmuntrar kvarandre, med engasjerte, stolte og fleksible medarbeidarar
• Vi arbeider saman i eit tverrfagleg miljø, med høg effektivitet og kvalitet
• Seksjonen har fokus på arbeidsmiljø, teamarbeid og kompetanseutveksling.
• Seksjonen har eit variert pasientgrunnlag og god breiddekunnskap
• Døgnet rundt kjem det pasientar til seksjon som treng din kompetanse
• Vi legg til rette gode opplæringsvilkår for nytilsette og fagleg utvikling
• Lønn i samsvar med gjeldande overeinskomst
• Gode pensjons- og forsikringsordningar
  
  

Mangfaldserklæring
Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.