Har du ekte kjærleik for tall? Vi håpar på ein match!

Ein av våre dyktige medarbeidarar skal innan dei neste åra gå over i ei ny tilværelse etter ei lang karriere hjå oss. For å rigge oss for framtida, og sikre ei god kompetanseoverføring, ynskjer vi å styrke vår regnskapsavdeling med ein engasjert og positiv regnskapsrådgjevar.

Stillinga ligg organisert under økonomiavdelinga som tel om lag 20 flotte og dyktige medarbeidarar. Du vil bli ein del av eit stort kompetansemiljø innan fagfeltet. I Fjord1 trur vi på å investere i våre tilsette si faglege og personlege utvikling. Du kommer til eit støttande arbeidsmiljø og eit utviklande læringsmiljø. Din suksess er vår suksess!

I tillegg til å være operativ, får du også ei analytisk rolle. Du må kunne handtere daglege oppgåver, samtidig som du tar initiativ til å forstå og bidra til overordna økonomiske strategiar og analysar.

Vi har for lengst arkivert ringpermen, og ligg langt framme på system og digitale løysingar. Vi arbeidar kontinuerleg med oppdatering, forbetring og utvikling. Vi håpar at du ynskjer å bidra til styrking og utvikling av vårt regnskapsarbeid. Vi heiar på nye idear, effektive prosesser og innovative løysingar.

Vi ser etter deg som vil vere ein bidragsytar til eit godt og inkluderande arbeidsmiljø. Du er ein person som evner å heve blikket, sjå samanhengar og det store bildet. Du har evne til å kommunisere godt med dine kollegaer på alle nivå i organisasjonen, være ein rådgjevar og sparrings partner, forstå problemstillingar og formidle løysingar.

Kanskje er vi ein god match? Vi ventar i spenning på din søknad!

Arbeidsoppgåver

• Prosessforbetring, utvikling og implementering av nye rutinar
• Kvalitetsikring og intern rapportering
• Delta i utarbeiding av konsernrekneskap
• Løpande rekneskapsoppgåver
• Avstemming og avslutning av rekneskap

Ønska kvalifikasjonar

• Høgare utdanning, gjerne innan rekneskap eller økonomi
• Lang erfaring innan feltet kan kompensere for manglande utdanning
• Autorisasjon i rekneskap er ein fordel
• God forståing av system og dataflyt
• Gode norskkunnskaper muntleg og skriftleg

Personlege eigenskapar

• Strukturert og målbevisst
• God på samhandling og kommunikasjon
• Analytiske evner
  
• Sjølvstendig

Vi tilbyr

• Ei interessant og sjølvstendig stilling i Norges leiande ferjeselskap
  
• Moglegheit for å lære, vekse og utvikle seg
  
• Dyktige kollegaer, og eit godt arbeidsmiljø
• Konkurransedyktige betingelsar
• Gode velferdsordningar