Voss sjukehus søkjer sjukepleiarar til 100% faste stillingar 

Voss sjukehus treng dyktige og engasjerte sjukepleiarar

OM SJUKEHUSET
Voss sjukehus har akuttberedskap innan indremedisin, kirurgi og ortopedi, føde- og gynekologi. Sjukehuset har høg aktivitet og ynskjer å halde fram den positive utviklinga. Opptaksområdet er på om lag 30.000 innbyggjarar fordelt på seks kommunar. I tillegg kjem det pasientar frå Bergen og kommunar frå Sogn og frå Hardanger. Sjukehuset skal byggjast ut i 2023 - 2026 med ca 4.000 nye kvadratmeter med nye, flotte tilhøve for legar og sjukepleiarar. 
Besøk vår heimeside for å lese meir om oss: Voss sjukehus.

OM VOSS
Voss har flott natur som gjev særs gode høve til naturopplevingar og aktivitetar for born og vaksne innan ei heil mengd ulike idrettar. Ekstremsportsmiljøet er viden kjent gjennom til dømes Ekstremsportsveko. Nord-Europas mest moderne gondolbane er opna i desse dagar og ligg nokre steinkast frå sjukehuset. Kulturlivet er rikt og variert, og det er eit godt utbygd skuletilbod med to nye vidaregåande skular. Det er god kommunikasjon vestover til Bergen/ Flesland og austover til Oslo.

Medisinsk sengepost:
Faste 100% stillingar ledige frå januar eller etter avtale med avdelingssjukepleiar.
Avdelinga er ei generell indremedisinsk avdeling med 26 heildøgnsengeplassar. Her møter du pleieassistentar, helsefagarbeidarar, sjukepleiarar og legar.
På avdelinga behandlar me pasientar med ulike diagnosar, innan til dømes hjarte, lunge, nyre, mage, tarm, hjerneslag, infeksjonar, diabetes og kreft.
Me har nært samarbeid med andre postar og spesialavdelingar ved sjukehuset som laboratoriet, poliklinikkar, røntgenavdelinga og Fysioterapi og tverrfaglege tenester.
Medisinsk sengepost er ei aktiv avdeling med varierte arbeidsoppgåver, godt arbeidsmiljø og høg fagleg kompetanse.
Dersom du ynskjer å opparbeide deg brei og solid erfaring, samt god kompetanse innafor fleire spennande fagområde, søk jobb hjå oss!  
Kontaktperson: Sissel Marie Finne Tlf 56533780
 
Dialyseavdelingen har ledig fast stilling hvor 50% er knytta til dialyseavdelingen og 50% fast stilling er knytta til anna eining, og kan evt kombinerast med stilling som ein allerede har. 
Stillinga er ledig frå januar eller etter avtale med avdelingssjukepleiar.
Dialyseavdelingen har opningstid mandag – lørdag på dagtid.
Dialyseavdelingen gjev livsnødvendig behandling til pasientar som har behandlingstrengande nyresvikt. Pasientane får hemodialysebehandling der blodet vert rensa for avfalsstoff og overskuddsvæske.
Avdelingen har 8 behandlingsplassar og antall dialysebehandlingar siste årene har vore på om lag 1500.
Me ynskjer velkommen til deg som er faglig nysgjerrig, engasjert, har gode samarbeidsevner og som har lyst å arbeide med pasientar med kronisk nyresjukdom.
Me tilbyr eit stabilt og godt arbeidsmiljø med erfarne dialysesjukepleiarar.
Ta gjerne kontakt om du vil koma innom og sjå kva me held på med.  
Kontaktperson: Avd.spl Benedikte Brekke tlf.: 56533563/60
 
Somatisk poliklinikk har ledig to 100% stillingar som sjukepleiar frå 1. januar 2023
Somatisk poliklinikk består av medisinsk og kirurgiske fagområde. Vi dekkjer områda lunge, gastroenterologi, kardiologi, generell medisin, ortopedi, sår, generell kirurgi, pre poliklinikkar for bariatri- og ortopedioperasjonar.
Vi har ledig 100% fast kombinasjonsstilling for autorisert sjukepleiar.
 Stillinga er delt med 60 %  i Somatisk poliklinikk og 40 %  på kirurgisk og ortopedisk sengepost. Stillinga innehar turnusarbeid med arbeid kvar 3. helg.
Kirurgisk og ortopedisk sengepost er ein heildøgnspost innanfor felta generell kirurgi, ortopedi og gynekologi. Avdelinga har 19 sengeplassar.  
Det er ynskjeleg med spesialkompetanse innan operasjon, sårbehandling eller anna relevant erfaring. Voss sjukehus tilbyr vidareutdanning i pleie og behandling av ikkje-helande sår i tilknyting til denne stillinga.
Somatisk poliklinikk har også ledig 100% fast stilling som spesialsjukepleiar. Anna aktuell videreutdanning kan bli vurdert. Stillinga vil bli knytt til gastroenterologi og skopiverksemda.  
Kontaktperson: Avd.spl Linn De Wolfe tlf.: 56533929

_______________________________________________________________________________________________________________________________________________________________________

Felles for stillingane: 

Arbeidsoppgåver:

• Medikamenthandtering
• Yte omsorg for pasient og pårørande
• Observasjon og oppfølging av inneliggande pasientar
• Kontakt med pasient og pårørande
• Teamarbeid med andre yrkesgrupper for beste pasientbehandling

Du må :

• Ha norsk autorisasjon som sjukepleiar
• Ha erfaring som sjukepleiar
• Meistre norsk skriftleg og munnleg

Vi søkjer deg som:

• Bidreg positivt til eit fagleg og kollegialt godt miljø
• Likar å vere fagleg oppdatert, og har pasienten i fokus
• Er sjølvstendig, strukturert, nøyaktig og tek ansvar
• Er samarbeidsvillig, fleksibel, har gode kommunikasjonsevner og liker å jobbe i tverrfaglege team
• Tilpassar deg, har organisasjonsforståing og ønskjer å bidra til eit godt arbeidsmiljø
• Behandlar pasientar profesjonelt og empatisk, er imøtekommande og viser respekt

Vi tilbyr deg:

• Ein arbeidsplass med høg fagleg standard
• Eit tverrfagleg arbeidsmiljø med fokus på fagleg og personleg utvikling
• Løn i samsvar med gjeldande overeinskomst
• Gode pensjons- og forsikringsordningar
  

Vi tilbyr

• Ein arbeidsplass med høg fagleg standard
• Eit tverrfagleg arbeidsmiljø med fokus på fagleg og personleg utvikling
• Stillingsstorleik kan om ynskjeleg tilpassast etter avtale
• Løn i samsvar med gjeldande overeinskomst
• Gode pensjons- og forsikringsordningar