Utløpt

Juridisk rådgivar/seniorrådgivar

Arbeidsgiver: UDI
Stillingstittel: Juridisk rådgivar/seniorrådgivar
Frist: 16.12.2022
Ansettelsesform: Fast

Bli kjent med Utlendingsdirektoratet (UDI)

Trivst du med ein variert arbeidskvardag og vil bruke kompetansen din på eit viktig samfunnsoppdrag som har innverknad på livssituasjonen til enkeltmenneske? Då er stillinga som juridisk rådgivar/seniorrådgivar ved UDIs regionkontor Vest i Bergen stillinga for deg. Hos oss blir du ein del av eit dynamisk og tverrfagleg arbeidsmiljø med høg fagleg kompetanse og stort engasjement.

Regionkontor Vest er ein del av mottaks- og returprosessen i UDI. Dette er prosessen for brukarar som har krav på eit mottakstilbod og ytingar knytte til dette. Prosessen startar med det same ein asylsøkjar møter opp på innkomstsenteret, og varer fram til retur eller busetjing. Mottak og retur skal sikre at asylsøkjarar blir møtte på ein respektfull og god måte, og leggje til rette for rask integrering eller rask retur.

Vi er ein beredskapsorganisasjon, og migrasjonssvingingane har direkte innverknad på arbeidet vårt ved at vi opp- og nedskalerer mottaksplassar etter behov, og vi har svingingar i talet på bebuarar som vi følgjer opp. Som juridisk rådgivar/seniorrådgivar vil du bli ein del av denne beredskapen ved at du skal finne løysingar for personar med særskilde behov i mottakssystemet. Du blir ein del av eit tverrfagleg team som jobbar med å sikre at personar med særskilde behov blir tidleg identifiserte, og at dei får riktig butilbod og oppfølging i mottakssystemet. Du skal medverke med juridisk rettleiing, utgreiingsarbeid og regelverksutvikling.

Ettersom talet på bebuarar med særskilde behov vil variere, må du rekne med at arbeidsoppgåvene dine vil kunne variere og endre seg over tid. Du vil få andre oppgåver, for eksempel oppfølging av mottak. UDI driftar ikkje mottak sjølv, men vi set drifta ut på anbod og inngår avtalar med leverandørar som driv mottaka for oss. Ei av arbeidsoppgåvene våre er å følgje opp kontraktane vi har inngått, for å sikre at drifta er i tråd med krava vi stiller. Du skal også behandle søknader om økonomiske ytingar frå bebuarar i mottak.

Vi er opptekne av læring og kontinuerleg forbetring for å sørgje for god økonomiforvaltning, internkontroll og gode tenester til brukarane. Det er viktig for oss at du er med på å vidareutvikle tenestene våre.

Arbeidsoppgaver

Du skal :

samarbeide på nasjonalt nivå med blant andre vertskommunar, statsforvaltarar og andre etatar, for eksempel helsevesen og politi, for å fremje sektoransvar og sikre at bebuarane får oppfylt rettar som dei har ifølgje lovverket
svare på høyringar, greie ut problemstillingar som skal løftast til Justis- og beredskapsdepartementet, og medverke til regelverksutvikling på feltet
behandle søknader om ulike tiltak, vurdere kva behov enkeltbrukarar har, og avgjere eigna butilbod og tenester
rettleie mottakstilsette ved særskilde butilbod og andre UDI-tilsette om oppfølging av bebuarane

Som mottaksoppfølgjar skal du:

utøve kontraktforvaltning og kontroll av drifta av asylmottak, og tilstøytande avtalar
rettleie tilsette i asylmottak om innhaldet i krav til drifta
behandle saker knytte til oppfølging av kontraktpart for drift av asylmottak og brukarar i UDIs mottakssystem

Du må regne med å hjelpe til med andre oppgåver og på andre område i mottaks- og returprosessen når det er nødvendig.

Kvalifikasjoner

Du må ha:

juridisk embetseksamen / master i rettsvitskap
kunnskap om offentleg forvaltning
god organisasjonsforståing av helsevesenet og helseforvaltninga på nasjonalt, regionalt og lokalt nivå
god digital forståing, gjerne erfaring med Office 365
svært god munnleg og skriftleg framstillingsevne på norsk

Det er ønskjeleg at du har:

erfaring og/eller tilleggskompetanse frå helserett
erfaring frå fylkeslege, kommunale helsetenester eller offentleg forvaltning
kjennskap til utlendingsforvaltninga
erfaring frå analyse-, utgreiings-, strategi- og regelverksarbeid
saksbehandlingskompetanse
erfaring med tilsynsarbeid og kontraktoppfølging
erfaring med kontinuerleg forbetring

Personlige egenskaper

Du identifiserer deg med UDIs kjerneverdiar: menneskeverd, profesjonalitet og heilskap
Du er analytisk, strukturert og god til å prioritere
Du er sjølvstendig, løysingsorientert og evnar å sjå ting i samanheng
Du er ein lagspelar med svært gode samarbeidsevner
Du er god på å byggje relasjonar
Du er god på å formidle fag og komplekse problemstillingar på ein lettfatteleg måte.
Du har stor arbeidskapasitet og trivst med mange arbeidsoppgåver parallelt

Vi vil leggje stor vekt på at du er personleg eigna.

Vi tilbyr

Varierte og utfordrande arbeidsoppgåver med gode utviklingsmoglegheiter i ei verksemd med eit av Noregs viktigaste samfunnsoppdrag, i eit arbeidsfellesskap prega av høg fagleg kompetanse, stort engasjement og dyktige medarbeidarar
Ei spennande rolle som vil innebere samarbeid på tvers av einingar i region- og mottaksavdelinga over heile landet og eksternt med UDIs leverandørar og offentlege aktørar
Fem veker ferie, trening i arbeidstida og fleksitidsordning

Stillinga er lønt som rådgivar/seniorrådgivar (1434/1364) i lønnsspennet mellom 580 000 og 730 000 kroner brutto per år, avhengig av kvalifikasjonar. For spesielt kvalifiserte kandidatar kan høgare lønn vurderast. To prosent trekk til Statens pensjonskasse sikrar deg gode ordningar for pensjon, lån og forsikring

I Utlendingsdirektoratet er vi opptekne av mangfald, og vi oppfordrar derfor alle kvalifiserte til å søkje hos oss, utan omsyn til alder, kjønn, funksjonshemming, hòl i CV-en og nasjonal eller etnisk bakgrunn. Vi tilpassar arbeidsplassen dersom du har behov for det.

Berre kandidatar som søkjer via Webcruiter, vil bli vurderte for stillinga. Du må fylle ut Webcruiters CV og søknadsfelt sjølv om du vel å leggje ved søknad/CV i eige format i tillegg. Du må hente vedlegg frå vitnemålsportalen i søknadsprosessen i Webcruiter. Har du utdanning frå utlandet, må du leggje ved godkjenning frå Nokut.

I samsvar med offentleglova kan namnet til ein søkjar bli offentleggjort sjølv om han/ho har bedt om ikkje å bli oppført på søkjarlista. Vedkommande vil i så fall bli varsla.

Om arbeidsgiveren

Utlendingsdirektoratet (UDI) gjennomfører regjeringens innvandrings- og flyktningpolitikk og gir faglige innspill til utvikling av politikken. Vi skal legge til rette for lovlig innvandring og hindre misbruk av regelverket. Vi tilbyr også innkvartering til asylsøkere, og bidrar til retur av personer uten lovlig opphold. Menneskeverd, profesjonalitet og helhet er grunnleggende verdier i direktoratet. UDI ligger under Justis- og beredskapsdepartementet. Se også www.udi.no

Sektor: Offentlig
Sted: Kaigaten 5, 5015 Bergen
Stillingsfunksjon: Jurist,; Rådgivning,; Saksbehandler