Vil du jobbe i ein etat med eit viktig samfunnsoppdrag?

Vi har ledig 2 faste 100 % stillingar som rådgjevar ved Sogn og Fjordane friomsorgskontor. Kontorstad er Florø.  Friomsorgskontoret har ansvar for å administrere og gjennomføre straff i samfunnet. Sogn og Fjordane friomsorgskontor har til saman 14 tilsette med hovudkontor i Florø og lokalkontor i Sogndal. 

Rådgjevar: Ein rådgjevar skal meistre sjølvstendig saksbehandling, rådgjeving, analyse og utvikling innanfor eit gjeve fagområde. Rådgjevar skal ha evne til å setje seg raskt inn i problemstillingar, utarbeide analysar, formidle analysar, målsetnader og resultat på ein god måte.

• Sakshandsaming etter straffegjennomføringslova
• Oppfølging av straffedømte som gjennomfører straff i fridom; samfunnsstraff, program mot ruspåverka køyring, møteplikt, narkotikaprogram med domstolskontroll samt oppfølging av bøtelagte
• Samarbeid med konfliktråda om ungdomssoppfølging og ungdomsstraff
• Drive utviklingsarbeid og programverksemd
• Utarbeiding av personundersøking til bruk i straffesaker
• Koordinere og formidle kontakt mellom domfelte og forvaltningsapparatet/hjelpeapparatet
• Ha kontakt med oppdragsgivarar for samfunnsnyttig teneste

Den som blir tilsett, må rekne med endringar i ansvars- og arbeidsområde.

Du må ha

• 3-årig sosialfagleg utdanning
• Minst 3 år med relevant erfaring
• God munnleg og skriftleg framstillingsevne
• God kunnskap og erfaring i bruk av IKT - system eller verktøy
• Førarkort, kl. B

Det er ønskjeleg at du har

• Erfaring fra sosialt arbeid, rus eller psykiatri

• har gode kommunikasjons- og samarbeidsevner
• har evne til å arbeide sjølvstendig og systematisk
• har evne til å motivere for endring

• meiningsfulle oppgåver i ein etat med eit viktig samfunnsoppdrag
• gode pensjons-, forsikrings- og låneordningar i Statens pensjonskasse
• treningsmogelegheiter i arbeidstida

Stillinga vert lønna som rådgjevar kode 1434 med årslønn på 517 600 - 689 100 avhengig av kvalifikasjonar. Dei fyrste 6 månadane er prøvetid. Det blir trekt 2 % innskot til Statens pensjonskasse

Kriminalomsorga meiner at inkludering og mangfald er ein styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing.  

Vi jobbar for å realisere regjeringa sin inkluderingsdugnad om at 5 % av nytilsetjingar i staten skal vere personar med nedsett funksjonsevne eller hol i CV-en.

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene her.  (https://arbeidsgiver.difi.no/positivsaerbehandling)

Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.

Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.

Den som blir tilsett, må rette seg etter organisasjonsmessige eller andre endringar som blir bestemte om arbeidsområdet.

Nærare opplysningar om stillinga får du ved å vende deg til friomsorgsleiar Katrine Heggø, tlf. 95 72 83 82.

For spørsmål om elektronisk utfylling av CV kan Jobbnorge kontaktast på 75 54 22 20.