Helsesekretær
Helse Bergen
- Frist 23.10.2022
- Ansettelsesform Fast
Helsesekretær
Har du lyst til å jobbe i eit sjukehuslaboratorium med spennande og varierte arbeidsoppgåver samtidig som du har gode kollegaer rundt deg?
Avdeling for medisinsk biokjemi og farmakologi (MBF) er ein av i alt åtte einingar som er organisert under Laboratorieklinikken i Helse Bergen, og har om lag 350 tilsette. Avdelinga har 12 analytiske og 4 ikkje-analytiske seksjonar, tre legegrupper (seksjon for medisinsk biokjemi, Hormonlaboratoriet og seksjon for klinisk farmakologi), i tillegg til NAPOS, NOKLUS Vest og RELIS. Vi utfører årleg om lag 8,5 millionar analysar innan fagområda medisinsk biokjemi og klinisk farmakologi. Arbeidet varierer frå store automatiserte instrument med store prøvemengder til manuelle metodar med få og tidkrevande analysar. I tillegg til ei omfattande rutinedrift som inneber døgnkontinuerleg vaktordning blir det drive forsking og utviklingsarbeid. Laboratoriet er akkreditert etter ISO standard 15189.
Avdelinga har no ledige stillingar som helsesekretær med variert innhald innan helsesekretærfunksjonar. Stillingane passer for deg som er dyktig i blodprøvetaking og som trivast med pasientkontakt. Det vil kunne vere aktuelt med prøvetaking av både barn og vaksne. Stillingane er knytta til avdeling og ikkje spesifikt til ein fast seksjon. Rullering mellom seksjonar etter behov.
Preanalytisk seksjon er den største seksjonen ved avdelinga og har mellom 30 og 40 bioingeniørar og helsesekretærar knytt til seksjonen til ei kvar tid. Prøvetakinga blir utført ved vår poliklinikk på sjukehuset samt i vår prøvetakingsstasjon i Bergen sentrum og Region Nordhordland helsehus. Seksjonen har også ansvar for mottak, registrering og fordeling av prøvar til MBF og andre laboratorium ved sjukehuset. Store delar av prøvefordelinga er automatisert. I tillegg har seksjonen ansvar for alle kontorfaglege oppgåver som blir utført ved laboratoriet, samt oppgåver knytta til prosjekt. Ved dei mindre seksjonane på blant anna Kvinneklinikken og Barne og ungdomsklinikken vil arbeidsoppgavene vere tilnærmet tilsvarande som ved preanalytisk seksjon.
Helsesekretærane kan delta i blodprøvetaking ved:
- Poliklinikkar på HUS (Sentralblokken, Parkbygget, Gamle Hovedbygg, Barne og ungdomsklinikken og Kvinneklinikken)
- MBF sin prøvetakingsstasjon i Bergen sentrum, Zander Kaaes gate 7
- Pasientar ved Psykiatrisk klinikk, Sandviken sjukehus, Divisjon psykisk helsevern
- Faste prøvetakingsrunder ved sengeavdelingar på HUS
- ØH-prøvetaking (øyeblikkelig hjelp) på HUS
Vi søkjer deg som er ein lagspelar, som likar deg i eit aktivt og travelt miljø og som ønsker å bidra til eit godt arbeidsmiljø. Tillit, ansvar og sjølvstende er viktig for oss.
Aktuelle kandidatar blir kontakta fortløpande.
Arbeidsoppgåver
- Blodprøvetaking
- Mottak, registrering og prøvefordeling av innkomne prøvar
- Sending av prøvar til andre laboratorium
- Arkivering og postfordeling
- Svare på telefonhenvendingar
- Noko enkelt analytisk arbeid kan vere aktuelt
Kvalifikasjonar
- Norsk autorisasjon som helsesekretær
- Gode norskkunnskapar både skriftlig og munnleg
Personlege eigenskapar
- Ansvarsbevisst, sjølvstendig og fleksibel
- Samarbeidsvillig og ha evne til å arbeide i team
- Like varierte utfordringar
- Kommunisere godt på norsk både munnleg og skriftleg
- Vere effektiv og trivast i eit travelt arbeidsmiljø
Vi tilbyr
- Lønn i samsvar med gjeldande overeinskomst
- Triveleg arbeidsmiljø
- Fagleg og personleg utvikling
- Delta i avdelinga si vaktordning for helsesekretærar (f.t. kveldsvakter og dagvakt på helg)
Mangfaldserklæring
Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.
Om arbeidsgiveren
Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.
- Sektor: Offentlig
- Antall stillinger: 2
- Sted: Haukelandsveien 22, 5009 Bergen
- Bransje: Helse og omsorg
- Stillingsfunksjon: Helsesekretær
Nøkkelord
Helsesekretær,, Laboratorieklinikken
- FINN-kode 275491863
- Sist endret