Assisterande einingsleiar ved Mottaksklinikken, Legeeininga  

Er du på utkikk etter nye utfordringar, er fleksibel, lojal, framtidsretta og engasjert?   Da er vi på utkikk etter deg!

Legeeininga i Mottaksklinikken har ledig stilling som assisterande einingsleiar. 

Mottaksklinikken vart etablert i 2014. Føremålet med etableringa var å sikre at Øyeblikkelig hjelp-pasienten får rask og riktig diagnose, rett behandling på rett stad i sjukehuset og til rett tid. Klinikken var under oppbygging fram til 2018 og har sida hatt 61 utgreiingssenger og 10 senger for overvaking av akutte og alvorlege rustilstandar, i tillegg til 5 observasjonssenger og Akuttmottak. Klinikken er inndelt i sju einingar, herunder ei lita FOU-eining og ein, etter kvart, ganske stor legeeining.

Tverrfagleg, tverrprofesjonell og teamorganisert er stikkord for korleis vi jobbar i eininga. Mottaksklinikken er sentral i Mottaksmodellen, som er Helse Bergen sin framtidsretta måte å organisere mottak og fordeling av akuttpasientar inn i sjukehuset. Ein modell som involverer alle klinikkar rundt pasientstraumen, og som har pasienten i sentrum. Med meir enn 370 tilsette er klinikken også sentral i etableringa av den nye spesialiteten i Akutt- og Mottaksmedisin for legar og vidareutdanning i Akuttmedisinsk sjukepleie. Mange av våre tilsette har allereie fått vidareutdanninga og spesialiteten og fleire er i utdanningsløpet.

Forskingsaktiviteten er i sterk vekst og det pågår fleire store prosjekt i klinikken. Likeeins har vi eit kontinuerleg fokus på pasientsikkerheit og kvalitetsforbetring.

Vi søkjer etter ein assisterande einingsleiar som vil være ein viktig støttespelar for einingsleiar for å oppnå mål og gode resultater.

Arbeidsoppåver består av:

• Bistå einingsleiar med dagleg drift
• Sikre at teneste vert utøvd i samsvar med kvalitetskrav og lovverk
• Bidra til at ein arbeidar etter klinikkens mål og innanfor budsjett
• Arbeidstidsplanlegging, oppdekking og ajourføring i våre personalsystem
• Følgje opp kompetanseplanar for legane
• Avviksbehandling og kvalitetsarbeid
• Bidra i utvikling av teneste og implementering av nye arbeidsmetodar
• Delta i teamarbeid, vere ein del av leiateamet i legeeininga, samhandling internt i klinikken og med eksterne samarbeidspartnarar
• Bidra til eit positivt arbeidsmiljø samt systematisk HMS-arbeid
• Delegerte oppgåvar innanfor eit eller fleire av felta fag-, personal- og budsjettansvar kan tilkomme
• Vere stedfortredar for einingsleiar etter behov

Vi er ein dynamisk organisasjon i endring. Arbeidsoppgåvar kan verte endra eller tilkome

Kvalifikasjonar

• Relevant høgskuleutdanning - gjerne innan helsefag
• Erfaring frå arbeidstidsplanlegging er ein fordel
• Ønskjeleg med relevant vidareutdanning/leiarerfaring
• Gode datakunnskapar samt interesse for IKT og digitalisering
• Kjennskap til aktuelt lovverk og god økonomiforståing
• Forståing for endrings- og omstillingsarbeid

Personlege eigenskapar

Vi søkjer deg som:

• Har gode kommunikasjons- og samarbeidsevner
• Evner til å arbeide målretta og er beslutningsdyktig
  
• Ansvarbevisst, sjølvstendig og strukturert
  
• Er engasjert i drift og opptatt av kvalitets- og HMS-arbeid
  
• Er synleg, tydeleg og motiverande, med evne til å løfte fram dine kollegaer og arbeide for eit godt arbeidsmiljø
  
• Trivast med hektiske, vekslande arbeidsdagar som ikkje alltid er like forutsigbare

Personleg egnethet vil bli vektlagt

Vi tilbyr

• Eit engasjert og godt arbeidsmiljø med kompetente og stolte medarbeidarar
• Relevant opplæring
• Løn i samsvar med gjeldande overeinskomst
• Ein arbeidsplass som er ei inkluderande arbeidsliv-bedrift (IA-bedrift)

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.