Fagbioingeniør

Avdeling for patologi er ein av Laboratorieklinikken sine fem store avdelingar, og er delt inn i fleire seksjonar: histologi, autopsi, cytologi, og merkantil seksjon. Seksjon for histologi har fleire spesialfunksjonar som nevropatologi, nyrepatologi, oralpatologi, elektronmikroskopi og immunhistokjemi. Avdelinga har stor forskingsverksemd i samarbeid med Universitet i Bergen og andre einingar i sjukehuset, mellom anna Biobank Haukeland. Avdelinga sine laboratoriemetodar og autopsiseksjonen sine  tenester er godkjende av Norsk akkreditering.

Avdelinga har i overkant av 100 tilsette, derav overlegar, legar i spesialisering, bioingeniørar, ingeniørar, molekylærbiologar, fagarbeidarar og merkantilt tilsette. Vi tar årleg imot 110.000 prøvar og utfører om lag 300 obduksjonar. Vi er mange fagpersonar som arbeider tett saman og har eit stort fokus på kvalitet og pasientsikkerheit.

Fagområdet patologi vil i åra som kjem gjennomgå store endringar med innføring av ny teknologi. Digitalisering vil føre til endringar i arbeidsflyt og arbeidsprosessar, og leggje til rette for bruk av kunstig intelligens. Molekylære analysar aukar og er organisert på Laboratorieklinikknivå, i Seksjon for kreftgenomikk. Avdelinga skal moderniserast og er under ombygging for å kunne ta imot den aukande mengden prøvar som vert venta i åra som kjem. Seksjon for cytologi har stor variasjon i analyserepertoar, frå molekylærbiologisk analyse av HPV til mikroskopisk screeningundersøking av cervixprøvar. Ved Seksjon for histologi ventar vi ein betydeleg aktivitetsauke framover med krav til korte svartider og auka bruk av tilleggsundersøkingar som immunhistokjemi og molekylære analysar. Ved Seksjon for autopsi har vi færre obduksjonar enn tidlegare, men obduksjonane som vert gjort er meir komplekse.

Arbeidsoppgåver

• Bioingeniøren vil knyttast mot Seksjon for biopsi der mellom anna registrering av vevsprøvar, makrobeskjering av prøvar, assistere legar i makrobeskjering, framføring og støyping av vev i parafinblokker er sentrale arbeidsoppgåver. Skjering og farging av snitt er også daglege gjeremål. Arbeidsoppgåvene vil vere varierte og vil kunne endre seg over tid
• Fagansvaret som tilfaller stillinga vil innebere å ha ansvar for fargelab og inkluderer m.a validering og verifisering av fargemetodar, opplæring av nye medarbeidarar, tolking av eksterne kvalitetssendingar og ansvar for fargemetodane som blir benytta
• Bioingeniørane ved avdelinga har blodprøvetaking som ei av arbeidsoppgåvene
  
• Tilsettinga skjer ved avdelinga, og dersom behovet blir endra vil det kunne vere aktuelt med bytte av seksjon

Kvalifikasjonar

• Det vil bli lagt vekt på relevant erfaring og personleg eignethet
• Norsk autorisasjon som bioingeniør
• Må meistre norsk både munnleg og skriftleg 

Personlege eigenskapar

• Du er målretta og får oppgåvene gjort
• Engasjement for fagfeltet og har eit ønskje om vidareutvikling av kompetanse
  
• Du må kunne jobbe godt både sjølvstendig og i team
  
• I jobben er du positiv, oppfinnsam og løysingsorientert
  
• Du viser fagleg tryggleik, tillit og respekt
  
• Du trivast i eit dynamisk arbeidsmiljø
  
• Du er punktleg og påliteleg 

Vi tilbyr

• Lønn etter gjeldande overeinskomst
  
• Dagtidsarbeid, ikkje kveld og helg
  
• Triveleg arbeidsmiljø
  
• Høgt fagleg nivå
  
• Fagleg og personleg utvikling
  
• Gode pensjons- og forsikringsordningar 

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.