Forskar

Stillinga er ein del av Forskningssenter for digitale psykiske helsetenester (SFI) med Helse Bergen HF som prosjekteigar. Hovudmålet til senteret er å auke bruken og effekten av digitale psykiske helsetenester.

Stillinga som forskar inngår i forskingsmiljøet innan digitale psykiske helsetenester ved Divisjon psykisk helse, Haukeland universitetssjukehus. I første omgang vil vedkommande leie arbeidspakke 4: Implementering  i Forskningssenter for digitale psykiske helsetjenester (forhelse.no). I denne arbeidspakken forskar vi på faktorar som påverkar effekten av implementering og effekten av skreddersydde implementeringsstrategiar (basert på Normalization Process Theory – NPT) ved å samanlikne skreddersydd løysing med ordinære implementeringsstrategiar i ein stor multisenterstudie. Ønska oppstart for denne stillinga er mai 2022.

Arbeidsoppgåver

Stillinga vil i tillegg til forsking innebere

• prosjektleiing
• samhandling med næringsliv og helsetenestene som inngår i senteret
• rapportering, rettleiing og rekruttering av nye medarbeidarar

Kvalifikasjonar

• Søkjar må ha fullført doktorgrad
• Søkjar må ha god kjennskap til, og forståing av, det norske helsevesenet
• Erfaring med kvalitativ og/eller kvantitativ forsking innan digitale psykiske helsetenester er ein fordel
• Erfaring med implementeringsforsking er ein fordel
• God skriftleg og munnleg framstillingsevne på norsk og engelsk er eit krav

Personlege eigenskapar

• Søkjar må kunne jobbe sjølvstendig og på ein strukturert måte, men må også ha evne til å samarbeide med andre forskarar og partnarar i senteret
• Søkjar må ta ansvar og vere ein pådrivar
• Søkjar må ha evne til å handtere mykje informasjon og periodar med stort arbeidspress
• Søkjar må ha gode kommunikasjonsevner både munnleg og skriftleg
• Søkjar må være initiativrik, kreativ og løysingsorientert

Det blir lagt avgjerande vekt på personlege eigenskapar for stillinga

Vi tilbyr

• Løn i samsvar med gjeldande overeinskomst
• Eit spennande og innovativt arbeidsmiljø
• Varierte arbeidsoppgåver
• Medlemskap i god pensjons- og forsikringsordning

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.