Ledig faste stillingar frå sommaren 2022 som sjukepleiar/vernepleiar. Felles utlysing for Avdeling for rusmedisin 

Haukeland universitetssjukehus treng fleire dyktige og engasjerte sjukepleiarar og vernepleiarar som kan jobbe ved einingar innan Avdeling for rusmedisin 

Avdeling for rusmedisin (AFR) tilbyr behandling og oppfølging til menneske med rus- og avhengigheitslidingar. Avdelinga satsar også sterkt på forsking og kvalitetsutvikling innan rushelsetenesta. Avdelinga har om lag 600 tilsette og ti kliniske seksjonar som tilbyr avrusing, stabilisering, poliklinikk, døgnbehandling for både kvinner og menn, familieambulatorium, LAR-behandling og ambulante tenester. Vi har også det einaste medikamentfrie behandlingstilbodet i vår region for unge mellom 18 og 40 år. 

Kandidatar vil bli tilsett i 100 % fast stilling ved Avdeling for Rusmedisin (AFR). Du vil starte di faste stilling med sommarturnus ved ein av våre avdelingar. Frå hausten 2022 vil di faste stilling bli ved ein av AFR sine mange spennande avdelingar. Vidare arbeidsstad vil bli avtalt nærare i dialog med med den tilsette og
AFR v/ Aase Turid Eide Frammarsvik. Her kan du lese meir om AFR

Du kan ønskje sommarturnus ved følgjande avdelingar:

* AFR Askøy * AFR Klokkarvik * AFR Tertnes * AFR Dr. Martens * AFR Legemiddelassistert rehabilitering (LAR) * AFR Heroinassistert behandling (HAB)
* AFR Skuteviken 

Oppstart i stillingane vil vere frå sommaren 2022. Du må kunne arbeide minimum 6 veker i perioden veke 25/26 - 32/33. I avdeling LAR jobbar ein kun dag, i avdeling HAB jobbar ein turnus 08.00 - 18.00 alle dagar inkl. helg. medan resterande avdelingar har drift heile døgnet. 

Du kan lese meir om avdelinga ved å trykkje på navnet. Oppgje i søknaden i prioritert rekkjefølgje kva avdeling du ønskjer sommarturnus.

Bemanningssenteret i føretaket har òg ledig 100 % faste stillingar. Bemanningssenteret er sjukehuset sitt eige interne vikarbyrå. Hos oss vil du få anledning til å arbeide på eit begrensa antall avdelingar ut i frå din erfaringsbakgrunn, dine ønskjer og behovet i sjukehuset. I samarbeid med deg vil du etterkvart få anledning til å arbeide på fleire avdelingar. Om du endå ikkje har funne fagområdet ditt er dette ein unik moglegheit til å prøve ut ulike felt og opparbeide deg brei erfaring.

I løpet av 2021 skal Avdeling for rusmedisin gjennomføre ei omorganisering av tilbodet innan døgnbehandling, for å kunne gje eit tilbod som er i tråd med pasientane sine behov, og av det omfang og med den kompetanse som er nødvendig. Gjennom omorganiseringa har vi eit mål om å i større grad kunne samle døgntilboda våre slik at det blir endå sterkare fagmiljø, betre behandling og mindre slitasje på dei medarbeidarane som må bevege seg mellom lokasjonar.

I januar 2021 vedtok Bergen bystyre å selje Håkonsgaten 1 (Engen-bygget) til Helse Bergen HF og Avdeling for rusmedisin vil disponere dette bygget. Avdelinga har også tidlegare hatt drift  i Engen-bygget, ein LAR-poliklinikk frå 2014 til 2020. I Engen-bygget planlegg vi å samle avdelinga sitt tilbod om avrusing og stabilisering. I tillegg er Heroinassistert behandling (HAB), som er eit nytt tilbod frå 2022, planlagd inn i bygget. Også forskingseininga i avdelinga vil halde til i Håkonsgaten 1.? Det vil vere kvalifisert helsepersonell til stades i Engen-bygget døgnet rundt, og ein bemanna resepsjon. Vi har eit mål om å ta dei nye lokala i bruk rundt årsskiftet 2021/2022. Vi er opptatt av å ha eit godt samarbeid med naboane i området, og vil i god før innflytting kome med meir informasjon til dei som bur og arbeider i nabolaget.

Arbeidsoppgåver

• Oppfølging av pasientar, individuelt tilpassa miljøterapi, skape sturktur i kvardagen, aktivitet og støttesamtalar
• Tverrfagleg samarbeid i team med oppfølgingsansvar som primærkontakt
• Bidra til å skape ei trygg postatmosfære med omsorg, støtte og struktur for kvar enkelt pasient

Kvalifikasjonar:

• Du er ferdig utdanna som sjukepleiar i løpet av vinteren 2021 eller våren 2022. Du har eller vil få norsk autorisasjon etter endt utdanning
• Ønskjeleg med erfaring innan fagfelta Psykiatri/Rus
• Personleg eigna for å jobbe med pasientgruppa er ein føresetnad
• Må meiste norsk skriftleg og munnleg 

Personlege eigenskapar

• Evne til å arbeide målretta med arbeidsoppgåver
• Du evner å kommunisere og samarbeide godt med pasientar, pårørande og kollegaer
• Du trivast i eit til tider hektisk miljø, har godt humør og ønskjer å bidra til eit godt arbeidsmiljø

Vi tilbyr

• Ein arbeidsplass med høg fagleg kompetanse                                                                                                                                                                                           
• Løn i samsvar med gjeldande overeinskomst
• Gode pensjons- og forsikringsordningar
• Engasjerte medarbeidarar i ein spennande avdeling med nybrotsarbeid