Molekylærbiolog Seksjon for kreftgenomikk

Seksjon for Kreftgenomikk er ei nyoppretta eining i Laboratorieklinikken med ansvar for avansert molekylær kreftdiagnostikk. Seksjon for Kreftgenomikk skal samarbeide med Avdeling for patologi, Avdeling for medisinsk genetikk, Avdeling for medisinsk biokjemi og farmakologi, Regionalt kompetansesenter for arveleg kreft, Seksjon for bioinformatikk og Biobank Haukeland. Dei tilsette vil ha ulik yrkesfagleg bakgrunn med høg fagleg kompetanse (bioingeniørar, molekylærbiologar og legar).

Seksjon for Kreftgenomikk har ansvar for avansert molekylær kreftdiagnostikk. Seksjonen nyttar ulike molekylære analysemetodar på kromosom, DNA og RNA for å undersøke endringar i genomet som er viktige for diagnostikk og behandling.

Seksjon for kreftgenomikk lyser ut ein molekylærbiologstilling som hovudsakleg vil jobba ved Eining for tumorgenomikk, der ein jobbar med solide svulstar på FFPE vev, fersk materiale og blod/beinmarg. Molekylærbiologen vil og være involvert i andre oppgåver ved seksjonen. 

Arbeidsoppgåver

• Stillinga vil hovudsakleg ha arbeidsoppgåver og ansvar knytt til dagleg analytisk drift. Dette kan innebere nukleinsyre ekstraksjon, FISH, qPCR, Sanger-sekvensering, fragment-analyse, NGS med meir
  
• Ein må ta ansvar for instrumentdrift, analytisk kvalitetskontroll, prosedyreskriving, vedlikehald og opplæring innanfor sitt fagområde
  
• Ved behov bidra til utvikling av nye arbeidsrutinar og analysar samt oppdatering av eksisterande metodar
  
• I tillegg må ein halde seg fagleg oppdatert innan seksjonen sitt fagspesifikke område og eige fagområde spesielt

Kvalifikasjonar

• Søkar må ha master eller doktorgrad innan molekylærbiologi eller liknande
  
• Det er ønskeleg med erfaring frå genetisk arbeid og molekylærbiologiske teknikkar
• Vitskapeleg kompetanse og/eller diagnostisk erfaring innanfor tumorbiologi, medisinsk genetikk, bioinformatikk, molekylær patologi eller neste generasjons sekvensering vil vere ein fordel
• Det vil også vere ein fordel å ha kjennskap til seksjonen sine analysemetodar, samt programvare som nyttast ved seksjonen
  
• Søkar må meistre norsk både skriftleg og munnleg og det er ein fordel med gode kunnskapar i engelsk

Personlege eigenskapar

• Stillinga føreset evne til sjølvstendig arbeid og det blir lagt vekk på personlege eigenskapar, samarbeids- og kommunikasjonsevner
  
• Søkar må trivast i eit tverrfagleg og aktivt miljø under oppbygging
  
• Sjølvstendig, resultatorientert, engasjert og strukturert
• Gode gjennomføringsevne

Vi tilbyr

• Lønn i samsvar med gjeldande overeinskomst
  
• Utfordrande arbeidsoppgåver
  
• Høgt fagleg nivå
  
• Gode pensjons- og forsikringsordningar
• Fleksibel arbeidstid

Mangfaldserklæring
Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.