Intensivsjukepleiar

Nasjonalt brannskadesenter ved Kirurgisk klinikk, Haukeland universitetssjukehus har ledig faste stillingar som intensivsjukepleiar. Turnus med arbeid pt. kvar 3. helg. Stillingane er ledig frå snarast og frå desember 2021.

Avdelinga har nasjonal behandlingsteneste for avansert behandling av brannskadar og har 8 sengeplassar fordelt på 4 intensivsenger og 4 standard senger. Vi behandlar både barn og vaksne. Arbeidet er tverrfagleg og vi har eit tett samarbeid med andre yrkesgrupper.

For stillingane er det krav om dokumentert autorisasjon. Søkjarar utanfor Skandinavia må dokumentere kunnskap i norsk skriftleg og munnleg. Vedkommande som får tilbod om tilsetjing må leggje fram tilfredsstillande politiattest (vandel), jfr Lov om helsepersonell § 20a (gjeld arbeid med barn og utviklingshemma).

Arbeidsoppgåver

• Nasjonalt brannskadesenter er ein spennande arbeidsplass med mange sjukepleiefaglege utfordringar
• Sjukepleie til akutt kritisk sjuke intensiv- og overvakingspasientar
• Arbeid knytt til intensivbehandling, sår og sårbehandling, ernæring, mobilisering og planlegging av rehabilitering etter brannskadar
  

Kvalifikasjonar

• Norsk autorisasjon og vidareutdanning innan intensivsjukepleie er eit krav
• Må meistre godt norsk både munnleg og skriftleg
• Erfaring frå sjukehus

Personlege eigenskapar

• Vi ønskjer oss medarbeidarar som søkjer faglege utfordringar, og som liker å arbeide i team, også tverrfagleg team
• Søkjar må ha evne til å takle raske omstillingar, høgt arbeidstempo og vere løysingsorientert
• Søkjar må ha evne til å arbeide målretta med arbeidsoppgåver og ha respekt for kvar enkelt pasient
• Søkjar må ha evne til å jobbe sjølvstendig og bidra/fungere i krevjande situasjonar
• Du må kunne trivast i eit aktivt og travelt miljø, vere positiv og bidra til eit godt arbeidsmiljø

Vi tilbyr

• Ei moglegheit til å opparbeide seg ein unik kompetanse då vi har nasjonal funksjon 
• Spennande arbeidsstad
• Høgt fagleg nivå
• Triveleg og godt arbeidsmiljø
• Fagleg og personleg utvikling
• Kurs for nye tilsette
• Internasjonalt kurs i akutt brannskadebehandling
• Ulempetillegg
• Lønn i samsvar med gjeldande overeinskomst
• Vi er ein IA bedrift

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.