Psykologspesialist/psykolog

Ved Regionalt Senter for Høyrsel og Psykisk Helse (RSHP), eining for barn og unge er det ledig eitt års vikariat for psykologspesialist/psykolog med klinisk erfaring.

Noreg har eit eige tilbod til høyrselshemma personar med psykisk liding som består av Nasjonal behandlingstjeneste for høyrsel og psykisk helse i Oslo (NBHP), samt regionale tenestetilbod i alle helseregionane. Helse Vest sitt tilbod består av to einingar; eining for vaksne og eining for barn. Dei to stillingane ved eininga for barn er plasserte ved BUP Fana. Senteret har ansvar for utgreiing og behandling av psykiske plager hjå barn og unge med høyrselshemming i Helse Vest sitt opptaksområde. Det er del av det tverrfaglege miljøet ved BUP Fana og pasientane får ta i bruk ressursane ved poliklinikken. Arbeidsoppgåvene er betydeleg meir varierte enn i ordinær poliklinikk med alt frå lette og avgrensa problemstillingar til meir alvorlege og samansette plager. Det er sett av tid og ressursar til fagleg fordjupning, nettverksarbeid og samarbeid med dei andre sentera.                                                                                                                                                                                                            

Ved tilbod om stilling må du leggje fram tilfredsstillande politiattest (vandelsattest), jf. Lov om helsepersonell § 20a (gjeld arbeid med barn og utviklingshemma)

Arbeidsoppgåver

• Utgreiing, diagnostikk og behandling
• Undervising, rettleiing og nettverksarbeid

Kvalifikasjonar

• Norsk autorisasjon
• Kunnskap om høyrselhemming og teiknspråk er ein fordel, men ikkje ein føresetnad
• Erfaring med utgreiing og behandling

Personlege eigenskapar

• Interesse for arbeid med barn og unge med sansetap
• Trygg og sjølvstendig i møte med pasientar, færesette og samarbeidspartar
• Meistre norsk og digitale kommunikasjonskanalar 

Vi tilbyr

• Løn i samsvar med gjeldande overeinskomst
• Rettleiing og kurs
• Variert pasientarbeid med mindre tidspress enn tradisjonell poliklinikk
• Rom for å påverke og utvikle tilbodet
• Eit godt og støttande arbeidsmiljø

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.