Assisterande Einingsleiar i Utgreiingsmottak 1

Utgreiingsmottak 1 åpna i 2016  og er ein del av Mottaksklinikken som vart etablert i 2014. Føremålet med etableringa er å sikre at Øyeblikkelig hjelp- pasienten får rask og riktig diagnose, rett behandling på rett stad i sjukehuset og til rett tid. 

Eininga har 23 senger og har pasientar frå alle fagområda. Her blir pasientane tatt i mot av eit tverrfagleg team beståande av legar, sjukepleiarar og andre helsefagarbeidarar.  Liggjetida er inntil 3 døgn.

Vi har ledig ei spennande stiling som assisterande einingsleiar. 

Vi søkjer ein fagleg sterk, framtidsretta og motiverande sjukepleiar til stilinga som assisterande einingsleiar til Utgreiingsmottak I.
Vi ønskjer deg som trivast når det er travelt, som er kreativ og nytenkjande. Vi tilbyr ei stilling med mange utfordringar og spennande oppgåver. Stillinga vil vere på dagtid med arbeid kvar 4. helg

Arbeidsoppgåver

• Medansvar for den daglege drifta 
• Utarbeide retningslinjer og delta i prosjekt
• Oppfølging av nytilsette og studentar
• Forbetringsarbeid
• Delegerte administrative oppgåver
• Delegert ansvar for intern opplæring og undervising saman med fagsjukepleiar
• Representere einingsleiar ved fråvære

Kvalifikasjonar

• Norsk autorisasjon som sjukepleiar 
• Relevant sjukehus erfaring
• Erfaring frå utvikling av rutinar og prosedyrar
• Erfaring frå tverrfagleg samarbeid
• God IKT- kompetanse

Personlege eigenskapar

• Du er opptatt av å halde deg fagleg oppdatert
• Ansvarbevisst, sjølvstendig og strukturert
• Evner å byggje relasjonar og følgje opp resultat
• Gode kommunikasjons- og samarbeidsferdigheiter
• Evne til å arbeide målretta og er beslutningsdyktig
• Du trivast godt med å undervise, og formidlar faget på ein strukturert og pedagogisk måte
• Du er god til å finne nye løysingar, og bidrar aktivt med kunnskap og kompetanse
• Endringsvillig og klar for nye utfordringar
• Du er bevisst di rolle i å skape eit godt arbeidsmiljø

Vi tilbyr

• Eit engasjert og godt arbeidsmiljø med kompetente og stolte medarbeidarar
• Relevant opplæring
• Lønn i samsvar med gjeldande overeinskomst
• Ein arbeidsplass som er ei inkluderande arbeidsliv-bedrift (IA-bedrift)

Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.