Er du jurist som vil jobbe i eit fagleg sterkt miljø med saker med stor merksemd?

Familie- og oppvekstavdelinga arbeider med politikkutvikling og forvalting på familie- og oppvekstområdet. Ansvaret til avdelinga er på områda barne-, ungdoms- og familiepolitikk. Mellom anna arbeider avdelinga med barne- og familierett, spørsmål om sosiale skilnader og vald mot barn og unge, forvalting av tilskotsordningar og dei sentrale overføringane til barnefamiliane (no om lag 38 mrd. kroner).

Avdelinga har tre seksjonar:

• seksjon for barnefamiliars levekår
• seksjon for samliv, barnerett og internasjonale konvensjonar, og
• seksjon for førebygging, oppvekst og analyse.

Stillingane er i Seksjon for samliv, barnerett og internasjonale konvensjonar.

Seksjonen arbeider med barne- og familierett og internasjonal rett, som er eit vidt fagfelt, og som kjem tett på mange andre rettsområde. Seksjonen støttar òg heile avdelinga i juridiske spørsmål, m.a. når det gjeld barnekonvensjonen og andre internasjonale konvensjonar, inkludert i spørsmål om EØS-rett. Seksjonen forvaltar òg tiltak som gjeld foreldrestøtte, samlivstiltak og familievern.

Seksjonen har mange komplekse saker, med stor merksemd politisk og samfunnsmessig og frå pressa.

I seksjonen vil du få utfordrande arbeidsoppgåver i skjeringspunktet mellom fag og politikk, og arbeide opp mot den politiske leiinga i departementet, regjeringa og Stortinget. Du kan rekne med å få oppgåver på heile seksjonen sitt ansvarsområde, mellom anna med høyringsnotat, lovproposisjonar, spørsmål frå Stortinget, tekst til statsbudsjettet og medieførespurnader. Du får arbeide særleg med lovgivinga som gjeld foreldreskap, barn sine rettar, samarbeid mellom foreldre, foreldretvistsaker, adopsjon, familievern og inngåing og oppløysing av ekteskap.

Vi er opptatt av gode og effektive arbeidsprosessar, og du må trivast i eit tverrfagleg arbeidsmiljø. Vi er òg opptatt av god formidling. Seksjonen har tett og godt samarbeid på tvers i avdelinga, med andre avdelingar og med andre departement.

• har master i rettsvitskap, 5-årig program
• kan uttrykkje deg godt både munnleg og skriftleg, òg på engelsk
• har god digital kompetanse

• er fagleg sterk og er motivert
• gjerne har kompetanse i  menneskerettar og/eller EØS-rett
• har evne til raskt å sette deg inn i nye problemstillingar
• taklar utfordringar og endringar
• trivst i eit arbeidsmiljø med til tider høgt arbeidspress
• er samfunnsengasjert og har interesse for politiske prosessar

• er analytisk og strukturert
• søkjer fagleg utvikling og læring, også utanfor eige fagfelt
• er fleksibel og samarbeider godt, også tverrfagleg
• er tiltaksam og held fristar
• er sjølvstendig og løysingsorientert

Vi vil oppmode nyutdanna kandidatar til å søkje.

For innplassering som rådgjevar krevst to års erfaring, og som seniorrådgjevar krevst minst fire års erfaring.

• interessante og utfordrande arbeidsoppgåver med gode høve til eigenutvikling og til å arbeide sjølvstendig og tverrfagleg
• eit godt arbeidsmiljø, der du får eigen fadder og engasjerte og dyktige kollegaer
• fleksibel arbeidstidsordning, trening i arbeidstida, god pensjons- og forsikringsordning gjennom Statens pensjonskasse
• løn etter regulativet i staten i stillingskode førstekonsulent/rådgjevar/seniorrådgjevar med løn frå kr. 468 300 til kr 730 000. For særleg godt kvalifiserte kandidatar kan høgre lønn bli vurdert

Dato for ønskt oppstart: 

Fast stilling: 16.09.21.

Vikariat 22.09.21- 25.04.22, med moglegheit for forlenging

Vi ber om at attester og vitnemål leggjast ved søknaden. Vi gjer merksam på at søkjarar kan bli oppførte på offentleg søkjarliste sjølv om dei har bedt om konfidensiell behandling. Søkjarar vil i så fall bli varsla før offentleggjering

Kontaktperson for stillinga: Avdelingsdirektør Trude Elisabeth Sveen, Trude-Elisabeth.Sveen@bfd.dep.no

BFD ønskjer som arbeidsgivar å spegle mangfaldet i samfunnet. Difor oppmodar vi alle kvalifiserte kandidatar uavhengig av bakgrunn, til å søkje jobb i departementet. Departementet arbeider for å realisere regjeringa sin inkluderingsdugnad om at 5 % av nytilsette i staten skal vere personar med nedsett funksjonsevne eller hol i CV-en. Opplysingar om dette kan bli brukt til registreringsføremål. Vi sørgjer for å leggje til rette arbeidsplassen der det er behov for det.