Utløpt

Kokk med fagbrev. Fast 100% stilling

Arbeidsgiver: Helse Bergen
Stillingstittel: Kokk med fagbrev. Fast 100% stilling
Frist: 31.05.2021
Ansettelsesform: Fast

Bli kjent med Haukeland universitetssjukehus

Hospitaldrift er ei av avdelingane i Drift/teknisk Divisjon i Helse Bergen HF, og leverer ikkje-medisinske tenester og -produkt til føretaket. Mellom anna leverer Hospitaldrift pasienttransport og andre interne transporttenester, mat til pasientar, pårørande og tilsette, reine tekstilar og senger, dagleg reinhald og andre reinhaldstenester, tryggleikstenester, sentralbordtenester.

Hospitaldrift har 8 einingar og ca. 750 medarbeidarar. Hospitaldrift Matforsyning er ei av dei. Eininga har ca. 110 tilsette fordelt på 80 årsverk, og forvaltar årleg ca.110 mill. kroner. Eininga har som hovudoppgåve å ivareta produksjon, utvikling og distribusjon av mat til pasientar, pårørande og tilsette ved Haukeland universitetssjukehus, samt til andre einingar i Helse Bergen og omliggjande kommunar.

Hospitaldrift Matforsyning har ansvar for drift av 2 matutsal på sjukehuset og betener nærare 2.000 gjester dagleg.

Vi har no ledig ein 100% fast stilling som kokk med fagbrev. Som kokk skal du vere med og utvikle Café3 og arbeidstida vil vere måndag - fredag på dagtid.

Arbeidsoppgåver

Ta del i menyplanlegging
Bestilling og mottak av råvarer
Produksjon av varme og kalde rettar.
Skape og gjennomføre aktivitetar i samarbeid med leverandørar
Sikre god eksponering av våre produkt
Leggje opp varme rettar i serveringslina
Kundebehandling
Skape matglede både overfor kollegaer og kundar
Anna forefallande arbeid som naturleg høyrer til på ein kafè
Sikre at eininga når verksemda sine strategiar og målsetjingar

Kvalifikasjonar

Gode kommunikasjonsevner på norsk, både skriftlege og munnlege. Språkkunnskapar må kunne dokumenterast
Erfaring frå restaurantbransjen og/eller kantine
Kjennskap til data
Kjennskap til IK-mat og HMS
Løysingsorientert
Økonomi innan kjøkkendrift

Personlege eigenskapar

Fagleg interesse og engasjement
God orden og evne til å jobbe både sjølvstendig og i team
Strukturert og nøyaktig
Vere fleksibel og kunne arbeide i eit hektisk miljø
Samarbeidsvillig
Utadvendt og serviceinnstilt
Evne til å setje seg inn i våre kundar sine ønskje og behov

Vi tilbyr

Spennande arbeidsplass der eit av våre satsingsområde er: "MAT SOM MEDISIN"
Lønn i samsvar med gjeldande overeinskomst
Gode pensjons- og forsikringsordningar
Triveleg arbeidsmiljø
Høgt fagleg nivå.
Utviklingsmoglegheiter

Om arbeidsgiveren

Helse Bergen, Haukeland universitetssjukehus, har over 13.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Sektor: Offentlig
Sted: Jonas Lies vei 83, 5021 Bergen
Bransje: Helse og omsorg,; Restaurant, mat og uteliv,; Storhusholdning og catering
Stillingsfunksjon: Mat og servering / Kjøkken- og kantinemedarbeider,; Mat og servering / Kokk