Fast stilling for psykologspesialist/ psykolog i ambulant rusbehandling med fokus på tidleg intervensjon

Spanande stilling for psykologspesialist/psykolog som ønskjer å jobbe med tidleg intervensjon og ambulante tenester retta mot ungdom og vaksne i tverrfagleg spesialisert rusbehandling.
 
Avdeling for rusmedisin (AFR), Haukeland universitetssjukehus, har ansvar for behandling og oppfølging av menneske med skadeleg bruk av rusmiddel og avhengigheit. AFR har over 600 tilsette i fleire døgnseksjonar, forskingsseksjon, LAR, poliklinikkar, samt Seksjon Ambulant som den utlyste stillinga er tilknytt. Seksjonen er i ein spanande utvikling knytt til både forsking og utvikling av differensierte tenester. Avdelinga har faste fag og forskingsdagar, og legg til rette for spesialisering, samt felles kompetanseheving.
 
Seksjon Ambulant jobbar med målsetting om å sikre tidlegare oppstart av gode behandlingsløp, samt hjelpe menneske med rusmiddelavhengigheit som ikkje kan nyttiggjere seg ordinær poliklinisk behandling grunna si tilstand. Seksjon Ambulant står sentralt i AFR si satsing på fleksible og ambulante tenester. Vi jobbar tverrfagleg og har lege, psykologar, sjukepleiarar, vernepleiar, sosionom og erfaringskonsulent tilsett. Dei ambulerande behandlarane i Seksjon Ambulant møter ruspasientar der dei har behov for det; gjerne i heimen eller på tur. Vi driv oppfølging av unge til eldre pasientar med eit vidt spekter av rusproblem.
 
Seksjonen står midt i ein fagleg utvikling og startet hausten 2020 to prosjekter med fokus på tidleg oppdaging og intervensjon. Det eine prosjektet er retta mot Akuttposten der pasientar leggjas inn med intoks og overdosar. Prosjektet omhandlar å tilby rask oppstart av behandling før pasienten skrivast ut av posten. Det andre prosjektet (URO - UngRusOppdagelse) omhandlar å tilby ein ambulant vurderingssamtale innan 1-2 virkedagar til unge i alderen 15-25 år ved kontakt på telefon. Dei som vurderast å ha eit rusproblem og som ynskjer hjelp, får tilbod om sømlause behandlingsforløp. I tillegg utførar ambulant seksjon tilsyn ved mistanke om rusproblematikk på somatiske sengepostar i Helse Bergen, samt ambulant rusbehandling for pasientar som grunna sin liding ikkje nyttiggjer seg ordinær poliklinisk behandling. Seksjonen skal dei neste åra satse på kompetanseheving i Mentaliseringsbasert terapi for alle tilsette.
 
Psykologspesialisten/psykologen som blir tilsett vil bidra med utredning og behandling, samt utføring av dei beskrivne oppgåvene som ligg til seksjonen. Dei vil i tillegg bidra til ei spanande fag- og tenesteutvikling i seksjonen. Stillinga vil gi psykologspesialisten/psykologen varierte arbeidsoppgåver og faglege utfordringar. Stillinga fordrar personar som er fleksible, kan ta oppdrag på kort varsel og som liker å møte pasienter utafor poliklinikk, som ynskjer å jobbe med tenesteutvikling og som kan ta faglig ansvar.
 
Stillinga er 100 % fast tilsetting. Tiltreding i stillinga 1. september 2021, eller etter nærmare avtale. Det er ynskjeleg med søkjarar med erfaring frå ambulant arbeid, frå arbeid med ungdom, unge vaksne og rusbehandling. Søkjarar med erfaring frå MBT-behandling oppmodast særleg til å søkje.

Arbeidsoppgåver

• Oppdrag i tidleg intervensjonsprosjekt på kort varsel
• Ambulant og poliklinisk arbeid med utgreiing og behandling av ungdom og vaksne med rusproblematikk, dette ofte ROP tilstandar
• Samhandling internt og eksternt mot somatisk einingar og psykisk helsevern, samt kommunale tenester
• Bidra til fag- og tenesteutvikling i seksjonen
• Bidra til å byggje psykologfagleg kompetanse i seksjonen med internundervising og rettleiing
• Psykologspesialist vil få overordna fagleg ansvar for pasientar som andre behandlarar følgjer opp

Kvalifikasjonar

• Norsk autorisasjon for psykolog
• Erfaring med klinisk arbeid med menneske med alvorlege ruslidingar og psykiske lidingar hos ungdom og vaksne
• Erfaring med ambulant arbeid vil telje positivt
• Erfaring frå MBT-behandling vil telje positivt
• Særs gode kunnskapar i norsk, både munnleg og skriftleg

Personlege eigenskapar

• Du trivast med å arbeide i eit spesialisert tverrfagleg miljø
• Du er open og fleksibel, meistrar høgt tempo og raske endringar, og toler å stå i krevjande situasjonar
• Du har god fagleg og etisk vurderingsevne
• Du arbeider målretta, samvittighetsfullt og strukturert både sjølvstendig og i team
• Du likar å jobbe med pasientar over tid
• Du bidrar positivt til eit fagleg og kollegialt godt miljø

Vi tilbyr

• Løn etter avtale
• Gode pensjons- og forsikringsordningar
• Sosialt og støttande arbeidsmiljø
• Høgt fagleg nivå
• Fagleg og personleg utvikling
• Ein arbeidsplass som er ei inkluderande arbeidsliv-bedrift (IA-bedrift)