Utløpt

Rådgjevar - prosjektleiar

Arbeidsgiver: Helse Bergen
Stillingstittel: Rådgjevar - prosjektleiar
Frist: 07.02.2021
Ansettelsesform: Fast

Bli kjent med Haukeland universitetssjukehus

Har du erfaring som program-/prosjektleiar og ønskjer å bidra i utviklinga av ein av vestlandets største og mest komplekse verksemder? Vil du jobbe med utvikling og forbetring av sjukehusdrift med pasienten i fokus? Vi søkjer erfaren prosjektleiar til å leie større kliniske innføringsprosjekt på tvers av avdelingane i sjukehuset.

Haukeland universitetssjukehus skal i åra som kjem ta i bruk fleire nye IKT-løysingar og ny teknologi. Målet er at desse løysingane skal gje ein betre kvardag for pasientar og medarbeidarane. Løysingane blir utvikla og klargjort av regionale prosjekt, men sjukehuset har ansvar for å førebu og ta i bruk teknologi i eigen organisasjon. Som prosjektleiar må du jobbe tett saman med leiinga i sjukehuset og dei tilsette for å lukkast, og evne å forstå kompleksiteten i verksemda.

Seksjon for e-helse har mellom anna ansvar for innføring av nye løysingar i sjukehuset. Vår oppgåve er å leggje til rette for at klinikken kan realisere nytten av ny teknologi som blir tatt i bruk. Seksjonen er bindeledd mellom klinikkar i sjukehuset og IKT-personell som utarbeider IKT-løysingane. Våre medarbeidarar har fokus på kvalitetsforbetring, tryggleik og effektivitet gjennom digitalisering, og arbeidet tett saman med leiinga og dei tilsette i sjukehuset.

Som prosjektleiar i Seksjon for e-helse får du ein unik moglegheit til å bidra i utviklinga av sjukehuset og jobbe tett med digitalisering av helsetenesta. Du kan vise til erfaring frå innførings- og endringsarbeid i større verksemder, og har god teknologiforståing.

Arbeidsoppgåver

Leie, planleggje og gjennomføre innførings- og endringsprosjekt
Tett dialog med leiarane i sjukehuset
Motivere og inspirere prosjektdeltakarar
Rapportering til styringsgruppe
Samarbeide tett med regionale leveranseprosjekt

Kvalifikasjonar

Erfaring frå innføring av teknologi i større organisasjonar
Formalisert utdanning og erfaring innan prosjekt, og kan vise til dokumenterte resultat frå prosjekt
Erfaring frå endringsarbeid og forbetringsarbeid i store organisasjonar
Gjerne leiarerfaring
Kunnskap om helsesektoren er ein fordel
Erfaring frå arbeid i grenseflata mellom prosess, teknologi, organisasjon og endring
Erfaren brukar innan IKT verktøy
Gode kommunikasjonsferdigheiter både skriftleg og munnleg
Høgare utdanning innan IKT, øk/adm, teknologi/informatikk, prosjektleiing
Sertifisering PRINCE2, PMI eller tilsvarande

Personlege eigenskapar

Du brenn for å finne løysing på komplekse problemstillingar både åleine og i samarbeid med andre
Du er god på å byggje relasjonar og evner å samarbeide og kommunisere godt
Du sett deg raskt inn i komplekse problemstillingar og løyser dei på ein gjennomtenkt og analytisk måte
Du er flink til å gjennomføre, kan planleggje godt og vere strukturert - òg når det er høgt tempo
Du trivst med å halde progresjon i arbeidet, men er tolmodig og uthaldande i kompliserte prosessar

Vi tilbyr

Moglegheit til å bidra i utviklinga av Haukeland universitetssjukehus
Utfordrande oppgåver og fagleg utvikling
Tverrfagleg arbeidsmiljø med dyktige kollegaer
Gode pensjons- og forsikringsvilkår
Lønn etter avtale
Ein arbeidsplass som er ein inkluderande arbeidsliv (IA)-bedrift

Om arbeidsgiveren

Helse Bergen, Haukeland universitetssjukehus, har over 13.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Sektor: Offentlig
Sted: Møllendalsbakken 7, 5009 Bergen
Bransje: IT,; Konsulent og rådgivning
Stillingsfunksjon: Prosjektledelse,; Rådgivning