rådgjevar
Stortinget
- Frist 19.8.2020
- Ansettelsesform Fast
Stortingsarkivet søkjer rådgjevar
I kunnskaps- og dokumentasjonsavdelinga er det ledig fast stilling som rådgjevar i stortingsarkivet.
Stortingsarkivet si oppgåve er å bevare, gjere tilgjengeleg og formidle dokumentasjon knytt til Stortingets virke. Til dette høyrer også arkiv- og støttetenester til den daglege parlamentariske og administrative sakshandsaminga i Stortinget. Stortinget nyttar i dag arkiv- og journalsystemet Ephorte i kombinasjon med SharePoint i dette arbeidet.
Arbeidsoppgaver
Du vil ha særskilde oppgåver innan det vidare arbeidet med problemstillingar og utfordringar knytt til digital langtidsbevaring av Stortingets parlamentariske og administrative dokumentasjon.
Ein viktig føresetnad for arbeidet er at du også inngår i stortingsarkivets vaktplan og har arbeidsoppgåver og ansvar innan felta:
- dagleg drifta av arkiv; slik som postmottak, skanning, journalføring, arkivering og publisering av offentleg journal
- kvalitetskontroll av elektronisk arkiv
- brukarrettleiing og -oppfølging
- Delta i arkivfaglege prosjekt, utviklingsarbeid og arbeid med arkivrutinar og retningsliner.
Kvalifikasjonar og eigenskaper
Vi søkjer deg som har relevant høgare utdanning, minimum på bachelornivå, gjerne innan fagområde som arkiv- og dokumentasjonsforvaltning og IT, med teoretisk forståing for og gjerne praktisk kjennskap til arbeid med digital langtidsbevaring. God kjennskap til Open Archival Information System (OAIS) er ein føresetnad for stillinga. Det er fint om du kan vise til erfaring, men du kan gjerne vere nyutdanna med interesse for digital informasjons- og dokumentasjonsforvaltning. God skriftleg og munnleg framstillingsevne er også viktig. Du må kunne samarbeide, og samstundes evne å arbeide sjølvstendig og ta ansvar.
For tilsetjing er det eit krav om tryggleiksklarering for Hemmeleg etter sikkerheitslova.
Vi tilbyr
Vi kan tilby ein innhaldsrik jobb i eit fagmiljø med inngåande kunnskapar om arkiv- og dokumentasjonsforvaltning og om Stortingets parlamentariske verksemd og historie. Stillinga er lønna som rådgjevar for tida i lønsspenn kr 513 200,- til 639 800-. Frå løna vert det trekt 2 % innskott til Statens Pensjonskasse. For stillinga gjeld seks månadar prøvetid.
Stortinget er oppteken av mangfald, og ynskjer å vere ein arbeidsplass som speglar befolkninga. Vi oppmodar difor alle kvalifiserte kandidatar til å søkje. Stortinget legg arbeidsforholda til rette for personar med nedsett funksjonsevne. I samsvar med offentleglova kan opplysningar om ein søker verte offentleggjort sjølv om søkjaren har reservert seg. Vedkomande vil i så fall verte varsla.
Nærmare opplysningar om stillinga kan rettast til stortingsarkivar Egil Borlaug, tlf. 23313674
Søknad og CV skal helst sendast elektronisk via denne sida "Søk på stillingen" innan 19. august 2020. Før utløp for søknadsfristen kan attestar og vitnemål eventuelt sendast per post til Stortingets HR-seksjon, postboks 1700 Sentrum, 0026 Oslo. Merk konvolutten med HR-seksjonen og stillingens tittel. Attestar og vitnemål vert ikkje returnert.
Her er lenke til vår personvernerklæring. Personvernerklæringen gir deg informasjon om hvordan Stortinget behandler dine personopplysninger når du søker jobb hos oss.
Om arbeidsgiveren
Stortingets administrasjon har som formål å organisere og utvikle det parlamentariske arbeidet, og legge til rette for at stortingsrepresentantene kan ivareta sine verv. Vi formidler kunnskap om folkestyret og Stortingets virksomhet, og vi tar vare på Stortingets bygninger, historiske verdier og kunst.
Stortingets administrasjon er organisert i 7 avdelinger og har rundt 490 medarbeidere.
Våre verdier er hjelpsom, ansvarlig, pålitelig og åpen .
- Sektor: Offentlig
- Sted: Karl Johans gate 22, 0026 Oslo
- Stillingsfunksjon: Arkivar og bibliotekar, Rådgivning, Saksbehandler
Nøkkelord
digital, langtidsbevaring, arkiv-, og, støttetjenester
- FINN-kode 186894064
- Sist endret