Utløpt

Sjukepleiar/vernepleiar til 100% fast stilling

Arbeidsgiver: Helse Bergen
Stillingstittel: Sjukepleiar/vernepleiar. 100% fast stilling
Frist: 11.08.2019
Ansettelsesform: Fast

Bli kjent med Haukeland universitetssjukehus

Har DU lyst på ei ny utfordring?

Psykiatrisk klinikk består av tre avdelingar: psykiatrisk akuttmottak (PAM), avdeling for psykose og avdeling for stemningslidingar.

Psykiatrisk akuttmottak består av ei mottakseining og 2 sengepostar, og er lokalisert ved Sandviken sjukehus. Psykiatrisk akuttmottak (PAM) gjev akutt psykiatrisk hjelp til personar over 18 år. Tilbodet i PAM består av akutt allmennpsykiatrisk vurdering, diagnostisering, behandling og pleie. Opphaldet i PAM er av kort varigheit (1 til 5 dagar). Etter eit opphald i PAM blir pasienten overført til andre sjukehusavdelingar eller utskriven med oppfølging frå eit distriktspsykiatrisk senter eller frå kommunehelsetenesta. PAM tar imot både pasientar som frivillig ønskjer behandling og pasientar som er underlagd tvungent psykisk helsevern.

På sengepostane (PAM 1/PAM 2) har vi i oppgåve å ta imot, ta vare på og behandle menneske i den akutte fasen av ein psykisk liding. Målsettinga er å gje raske og fagleg kompetente vurderingar som kan danne eit grunnlag for vidare diagnostikk og behandling. PAM 2 er ein lukka post med 10 sengeplassar og skjerma eining. Tverrfagleg team består av spesialsjukepleiarar, sjukepleiarar, vernepleiarar, hjelpepleiarar, sosionom, lege, psykiater og psykologspesialist.

Vi treng deg som har lyst på ein utfordring innan akuttpsykiatri og har ledig 100% fast stilling for sjukepleiar/vernepleiar. For å oppretthalde samansettinga i personalgruppa, oppfordrast menn til å søkje.

Arbeidsoppgåver

Mottak av pasientar saman med lege. Pasientoppfølging
Tverrfagleg teamarbeid ift. observasjon, vurdering og behandling
Planleggje og setje i verk miljøtiltak
Sjukepleiedokumentasjon
Samarbeid med andre avdelingar om vidare behandling i sjukehuset, samt DPS og kommune ved utskriving
Pårørandearbeid
Fagutvikling

Kvalifikasjonar

Norsk autorisasjon som sjukepleiar/vernepleiar
Erfaring frå akuttpsykiatri vil vere ein fordel
Må meistre norsk skriftleg og munnleg
Må ha grunnleggjande IKT-kompetanse

Personlege eigenskapar

Det vil bli lagt vekt på personlege eigenskapar
Det er ønskjeleg at du er ansvarsbevisst og trivast i eit aktivt og travelt miljø, og at du bidrar til eit godt arbeidsmiljø
Interesse for sjukepleie som fag
Pasientorientert
Engasjert

Vi tilbyr

Lønn i samsvar med gjeldande overeinskomst
Gode pensjons- og forsikringsordningar
Triveleg arbeidsmiljø
Høgt fagleg nivå
Fagleg og personleg utvikling
Ein arbeidsplass som er ei inkluderande arbeidsliv-bedrift (IA-bedrift)

Om arbeidsgiveren

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Sektor: Offentlig
Sted: Sandviksleitet 1, 5036 Bergen
Bransje: Helse og omsorg
Stillingsfunksjon: Helsepersonell / Vernepleier/miljøterapeut,; Sykepleier,; Helsepersonell