Økonomirådgjevar i Stavanger

Vi søkjer ein motivert og sjølvstendig medarbeidar til ledig økonomistilling i Statens vegvesen med kontorstad Stavanger.   

Økonomiseksjonen si viktigaste oppgåve er å bidra til god økonomistyring, og leverer rådgjevingstenester innan budsjett, rekneskap og økonomistyring til prosjekt, budsjettansvarlege og leiarar. Den ledige stillinga vil i hovudsak ha arbeidsoppgåver inn mot bompengeprosjekt, drift, vedlikehald og utbygging av riksvegprosjekt i Rogaland.   

I tillegg til generell økonomisk rådgjeving og leiarstøtte vil du få internkontrolloppgåver for å sikre kvalitet i rekneskapen, og controller- / analyseoppgåver for å sikre god kostnadskontroll og grunnlag for beslutningar.

Vi ønskjer å knyte til oss ein sjølvgåande og initiativrik medarbeidar som har god kunnskap om økonomistyring, fortrinnsvis i offentleg sektor, og som har god kompetanse i bruk av IT-verktøy (rapportgenerator og Excel).

• Økonomisk utdanning på høgskulenivå, minimum 3 år. Lang og relevant erfaring kan kompensere for manglande formell utdanning.

Dersom du har teke heile eller delar av utdanninga di i utlandet, ber vi om ei autorisert omsetjing av dine papir og ei godkjenning frå NOKUT (www.nokut.no).

Eigenskapar som vi vil leggje vekt på:  

• Gode samarbeids- og kommunikasjonsevner (munnleg og skriftleg)
• Sjølvstendigheit og fleksibilitet til arbeidsoppgåver
• Interesse for utvikling og forbetring av rutinar

Som tilsett i Statens vegvesen blir du ein del av eit engasjert fagmiljø som deler kunnskap og jobbar tett saman. Vi gir deg oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr også desse goda:

• introduksjonsprogram og fadderordning
• fleksitid og gode ordningar for å avspasere
• pensjonsordning og høve til å få lån i Statens pensjonskasse
• etatsskular og gode høve for fagleg påfyll

Løn blir avtalt nærare i samsvar med lønspolitikken vår.

Statens vegvesen ønskjer å vere ein arbeidsgjevar som speglar mangfaldet i samfunnet.  Me jobbar for å realisere regjeringa sin inkluderingsdugnad, og vil gjerne ha ein søknad også frå deg som har nedsett funksjonsevne eller hol i CV-en, men som elles fyller kvalifikasjonskrava til stillinga. Me gjer merksam på at opplysningar om nedsett funksjonsevne eller hol i CV-en kan brukast til registrering.

Vi gjer merksam på at søkjarlista kan verte offentleggjord,  sjølv om du har bedt om unntak frå denne. Du vil i så fall verte varsla.

Seksjonsleiar Einar Kvam på mobil 97536996. Søknadsfrist 05.08.2019.