Assisterande seksjonsleiar til Akuttmedisinsk avdeling
- Arbeidsgiver
- Helse Bergen - Kirurgisk serviceklinikk, Haukeland universitetssjukehus
- Stillingstittel
- Assisterande seksjonsleiar til Akuttmedisinsk avdeling
- Frist
- 21.03.2018
- Ansettelsesform
- Fast
Vi søkjer deg som er opptatt av god flyt og samhandling, og som ønskjer å bidra til vidare utvikling av ambulanseeininga til Haukeland universitetssjukehus.
Om Akuttmedisinsk avdeling
Kirurgisk serviceklinikk er ein av dei største klinikkane ved sjukehuset og Akuttmedisinsk avdeling er den største avdelinga i Kirurgisk Serviceklinikk med vel 260 tilsette.
Akuttmedisinsk avdeling har ansvaret for ambulansedrifta og naudmeldetenesta i føretaket og dekker områda frå Austevoll i sør, Gulen i nord, til Eidfjord i aust og Sotra i vest. Vi er organisert i ambulanseområder, akuttmedisinsk kommunikasjonssentral (AMK) og luftambulansen i Bergen. Det er til ein kvar tid om lag 20 lærlingar i ambulansefaget ved akuttmedisinsk avdeling , vi har eigne instruktørar for utrykkingskøyring og vi driv akuttmedisinsk opplæring av ulike personellgrupper. Samhandling med kommunane i vårt opptaksområde blir stadig viktigare og som leiar i avdelinga blir du sentral i arbeidet med å oppretthalde og vidareutvikle prosessane vi allereie har.
Du er ein fleksibel og ansvarleg person som ønskjer å bidra til at ambulanseområda sine ressursar blir forvalta til det beste for sjukehuset og pasientane våre.
Ambulanseeininga har dei siste åra vore i endring både med omsyn til omfang og driftsmodell. Ambulansedrifta vil no endrast frå å være delt inn i to seksjonar til tre seksjonar. Dei tre områda vil bli Sør-Vest (Fusa-Os-Fana-Austevoll-Straume-Godvik-Askøy), Nord (Åsane-Osterøy-Knarvik-Austrheim-Gulen) og Sentrum-Øst (Bergen sentrum-Dale-Voss-Eidfjord-Kvam). Årsbudsjettet for kvar seksjon blir om lag 50 millionar. Det vil være om lag 80 tilsette i kvar seksjon og det vil være, saman med seksjonsleiar, tilknytt ein assisterande seksjonsleiarar.
Som assisterande seksjonsleder vil du ha fag-, økonomi og personaloppgåver. Du vil rapportere til seksjonsleiar og være del av den utvida leiargruppa i Akuttmedisinsk avdeling. Det forventas at du følgjer opp og besøker dei ulike ambulansestasjonane tilknytt seksjonen du vert tilsett i, men pt. vil oppmøtestad være Voss.
Arbeidsoppgåver
- Utvikling av seksjonen i samarbeid med seksjonsleiar
- Personaloppgåver
- Bemanning og arbeidsplanar, dag til dag-styring av tilsette
- Fagleg utvikling av dei tilsette
- Kompetansekartlegging, kompetanse- og fagutvikling
- Dagleg oppfølging av drifta av ambulansestasjonane
- Ansvar og oppfølging av andre saker
Kvalifikasjonar
- Helsefagleg utdanning med godkjenning i Noreg. Særs relevant arbeidserfaring kan kompensere for manglande helsefagleg utdanning.
- God kjennskap til turnus- og arbeidstidsplanlegging
- Kunnskap i Gat eller tilsvarande verktøy er en fordel
- Leiarerfaring er ønskeleg
- Erfaring frå beredskapsarbeid og/eller prehospital erfaring er ønskeleg
- Kjennskap frå spesialisthelsetenesta og helsetenesta er ønskeleg
- Erfaring frå samarbeid på tvers av yrkesgrupper og avdelingar
- Erfaring frå utvikling av rutinar og prosedyrar
- God IKT - kompetanse (Windows operativsystem og Office-pakka)
- Gode evner til saksførebuing og skriftleg framstillingsevne
- Må meistre norsk språk godt, både munnleg og skriftleg
- Må ha førarkort klasse B, og det er ønskeleg med klasse C1
Utdanning
- Administrasjon/organisasjon/leiing
- Ambulansefag
- Fagskule/fagbrev
- Høgskule/universitet, diplom-/ bachelorgrad
- Profesjonsstudium
- Sjukepleie
- Sjukepleie/Paramedic
Eigenskapar
- Tek ansvar og trivst i eit aktivt og travelt arbeidsmiljø
- Er fleksibel i forhold til arbeidstid og oppgåver
- Arbeider strukturert
- Er engasjert og engasjerer andre
- Er resultatorientert og tar avgjerder til det beste for heile avdelinga
- Har fokus på å skape og å bidra til eit godt og lærande arbeidsmiljø
- God i formidling
- Gode samarbeidsevner
- Arbeider godt både sjølvstendig og i team, og kan ta eigne initiativ
- Kan både få og gi tilbakemeldingar når det er nødvendig
- Handlekraftig, lojal, robust og inkluderande
Vi tilbyr
- Stillingsbrøk: 100%
- Varierte og utfordrande arbeidsoppgåver i eit aktivt og resultatorientert arbeidsmiljø
- Lønn etter avtale
- Fagleg og personleg utvikling
Om arbeidsgiveren
Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.
- Sektor
- Offentlig
- Sted
- ., 5021 Bergen
- Bransje
- Helse og omsorg
- Stillingsfunksjon
- Ledelse,
- Helsepersonell,
- Sykepleier
