Avdelingsleiar for yrkessjåfør og transport- og logistikk

Har du ei sterk interesse for transport- og logistikkfaget og ønskjer å bidra til utviklinga av framtidas yrkesutdanning? Os vidaregåande skule søkjer ein engasjert og erfaren avdelingsleiar for utdanningsprogramma våre innan yrkessjåfør, transport og logistikk. Den som blir tilsett vil også bli ein del av skulen si leiargruppe, der vi saman utviklar skulen for framtida.

Som avdelingsleiar vil du ha det overordna ansvaret for fagleg og administrativ leiing av avdelinga, inkludert personalansvar for 11 tilsette. Du får ei sentral rolle i å utvikle og gjennomføre strategiar som sikrar høg kvalitet i undervisinga, og som møter behova i arbeidslivet og gir elevane våre eit solid fagleg grunnlag. I tett samarbeid med eit kompetent og dedikert team av tilsette, får du moglegheita til å vidareutvikle avdelinga og forme framtidas yrkesutdanning på skulen vår.

Os vidaregåande skule har tilbod om både yrkesfag og studiespesialisering innan idrettsfag, realfag eller språk- og samfunnsfag. Skulen har om lag 700 elevar og 130 tilsette, fordelt på to lokasjonar.

Skulen tilbyr fem yrkesfaglege utdanningsprogram: bygg- og anleggsteknikk, elektro- og datateknologi, helse- og oppvekstfag, sal, service og reiseliv, og teknologi- og industrifag.

I tillegg har vi landsliner innan anleggsteknikk og yrkessjåfør, påbygg til generell studiekompetanse og særskilt tilrettelagd opplæring.
Skulen sitt elevsyn er å møta eleven med respekt, fleksibilitet og ei positiv innstilling.

Visjonen vår byggjer på føremålsparagrafen i opplæringslova: Vi arbeider med samfunnets viktigaste verdi og bidreg til ei god framtid gjennom å utvikla sosialt kompetente og fagleg dyktige elevar og lærlingar for vidare liv, utdanning og yrke.

Arbeidsoppgåver

• Sikre at avdelinga følgjer gjeldande lovar, forskrifter og retningsliner
• Leia og utvikla avdelinga mot skulen sine mål og verdigrunnlag
• Sikre høg kvalitet i undervisinga og leggje til rette for fagleg og pedagogisk utvikling
• Personalansvar for tilsette, inkludert rekruttering, oppfølging og kompetanseutvikling
• Samarbeida med tilsette og deira organisasjonar
• Bygge og vidareutvikla tett samarbeid med næringslivet for å sikre fagleg oppdatert innhald i undervisninga
• Budsjettansvar og ressursstyring for avdelinga, inkludert timeplanlegging
• Samarbeid med opplæringskontor og opptak til kurs
• Ha oversikt over og sørge for god forvaltning av kjøyretøy og utstyr
  
  

Kvalifikasjonar

• Krav om høgare utdanning frå universitet eller høgskule
• Ønskjeleg med erfaring som leiar
• Ønskjeleg med utdanning innanfor faga transport, logistikk, pedagogikk* og/eller leiing
• Ønskjeleg med erfaring frå undervisning, gjerne innan yrkesfaglege program
• Det er ein fordel å ha god kjennskap til transport- og logistikkbransjen
• Du må ha god digital kompetanse, helst med kjennskap til timeplanprogram

*Det er krav om pedagogisk kompetanse, kandidatar utan dette kan bli tilsett på vilkår om å ta slik utdanning

Personlege eigenskapar

• Sterke leiareigenskapar med evne til å motivere og utvikle medarbeidarar
• Gode kommunikasjonsevner og samarbeidsevner
• Evne til strategisk tenking og planlegging
• Strukturert og løysingsorientert
• Fleksibel og tilpassingsdyktig med evne til å handle raskt når det trengst
• Engasjert, inspirerande og glad i folk
• Sterk relasjonsbyggar med evne til å skape tillit hos både elevar, tilsette og eksterne samarbeidspartnarar
• Den som blir tilsett må ha høg arbeidskapasitet og få energi av ein variert arbeidsda

Personlege egenskaper vil bli vektlagt i tilsettinga

Vi tilbyr

• Ei utfordrande og meiningsfull leiarstilling i eit utviklingsorientert miljø
• Moglegheit til å påverke og forme framtidas yrkesfaglege utdanning saman med gode kollegaer
• Gode moglegheiter for fagleg og personleg utvikling, inkludert leiarutvikling
• Ein trygg og stødig arbeidsgjevar
• Gode pensjonsordninger og løn etter avtale