Ledig stilling som produsent ved Det Norske Teatret

Vi søkjer ein strukturert og engasjert produsent som vil vere med å planleggje og gjennomføre teaterproduksjonar frå idé til ferdig framsyning.

Som produsent får du ei sentral rolle i gjennomføringa av teateret sine produksjonar og prosjekt, med ansvar for koordinering, framdrift og ressursstyring.

Stillinga rapporterer til produksjons- og plansjef.

Arbeidsoppgåver

• Vere teateret sitt bindeledd i produksjonen/prosjektet frå etablering til avslutning.

• Delegert budsjettansvar for eigne produksjonar/prosjekt.

• Ha hovudansvar for oppfølging og framdrift frå rammemøte til prøvestart.

• Kontraktering og oppfølging av alle engasjerte kunstnarar i kunstnarlege lag.

• Oppfølging og handsaming av avvik i heile produksjons-/prosjektperioden.

• Evaluering og rapportering.

Kvalifikasjonar

• Relevant høgare utdanning innan scenekunstproduksjon, kulturleiing eller tilsvarande.

• Relevant erfaring kan kompensere for formell utdanning.

• Erfaring med teaterproduksjonar eller koordinering av andre kulturproduksjonar eller større arrangement.

• God økonomiforståing og erfaring med budsjettoppfølging.

• God organisasjonsforståing og kjennskap til bransjen, samt kunnskap om overeinskomstar og tariffavtalar, er ein fordel.

• God skriftleg og munnleg framstillingsevne på norsk og engelsk.

Personlege eigenskapar

• Er strukturert, løysingsorientert og har god gjennomføringsevne.

• Er trygg i rolla som koordinator og leiar av prosessar, og har evne til å vere tydeleg når det krevst.

• Har gode samarbeidsevner og trivst med å arbeide på tvers av fagmiljø.

• Handterer fleire oppgåver samstundes og held oversikt i hektiske periodar.

• Er sjølvstendig, initiativrik og ansvarsbevisst.

Vi tilbyr

• Ei sentral rolle i eit spennande og kreativt arbeidsmiljø.

• Stor tilgang til kunstnarlege opplevingar

• God kollektiv pensjons- og gruppelivsforsikring

• Gunstig ferieordning

• Arbeidstid er hovudsakeleg på dagtid i vekedagane, men arbeid på kveld og i helg må påreknast.

Det Norske Teatret ønsker å spegle samfunnet og oppfordrar kvalifiserte kandidatar som kan auke mangfaldet i organisasjonen vår til å søkje.