Driftsoperatør - Settefiskanlegg

Eide er eit familieeigd selskap, og ein av pionerane i havbruksnæringa. Me har ein visjon om å setje standarden for framtidas havbruk. For å nå denne visjonen er me avhengige av dyktige og motiverte kollegaer.

No ser me etter ein ny kollega på settefiskanlegget vårt K.J Eide i Hålandsdalen. Ved settefiskanlegget vert rogn klekka i eige klekkeri, før fôring startar i kar på land og seinare i anlegget i skogseidvatnet.

Om stillinga

Som driftsoperatør blir du ein viktig del av teamet vårt og vil bidra til at me når verksemda sine mål og visjonar. Du tek aktiv del i den daglege drifta av anlegget og er med på å utvikle gode arbeidsmetodar og driftsrutinar. Stillinga inngår òg i gjeldande vaktordning.

Eksempel på arbeidsoppgåver:

• Fôring og røkting av fisk
• Drift og førebyggjande vedlikehald av anlegget
• Orden, reinhald og smitteførebyggjande arbeid
• Mottak og kontroll av fôr
• Bidra til kontinuerleg forbetring av verksemda sitt kvalitetssystem og arbeidsrutinar

Kven me ser etter?

Me ser etter deg som trivst med praktisk arbeid, tek ansvar og ønskjer å bidra til god fiskevelferd og berekraftig produksjon. Du har gjerne fagbrev eller utdanning innan akvakultur, men relevant erfaring frå havbruk eller anna tilsvarande arbeid vil òg bli vurdert.

Personlege eigenskapar er vel så viktige som formell kompetanse. For oss er det viktig at du identifiserer deg med verdiane våre - uredd, bevisst og nytenkjande.

Ynskte kvalifikasjonar og eigenskapar

• Har fagbrev eller utdanning innan akvakultur, eller anna relevant erfaring
• Er motivert for å arbeide med fisk og oppdrett
• Er oppteken av berekraft, fiskehelse og god produksjon
• Bidreg til ein god HMS-kultur og arbeider strukturert
• Tek ansvar, arbeider sjølvstendig og viser initiativ
• Samarbeider godt og bidreg til eit positivt arbeidsmiljø

Me tilbyr:

I Eide tør me å satse - både på visjonar og på folk. Me bryr oss om kvarandre, fisken vår og miljøet me driv i. Som driftsoperatør hos oss blir du ein viktig lagspelar i eit inkluderande og godt arbeidsmiljø.

Hos oss får du:

• Jobb i ei framtidsretta og spennande næring
• Varierte og meiningsfulle arbeidsoppgåver
• Et arbeidsmiljø der både tryggleik og arbeidsglede står sterkt
• Moglegheiter for fagleg og personleg utvikling
• Konkurransedyktige vilkår

Søknadsinformasjon

Me ynskjer deg velkomen til å sende inn søknad, cv, og relevante dokument. Har du spørsmål knytt til stillinga, ta kontakt med: Frøydis Dale +47 918 61 087 / froydis.dale@efb.no

For meir informasjon om selskapet, sjå våre nettsider og sosiale medium www.efb.no.

Søk i dag og bli ein viktig del av vår spanande reise for å sette standarden for framtidas havbruk.