Juridisk rådgjevar

Ønsker du jobb i et stort juridisk miljø med varierte arbeidsoppgåve? Har du erfaring eller interesse for å jobbe med anskaffing, entreprise, erstatning og forvaltning? Har du erfaring eller interesse for å jobbe med personvern? Og har du erfaring som møtesekretær i folkevald organ? Da er dette en stilling som vi håper du vil søke på!

Juridisk seksjon har som overordna ambisjon å dekke det aller meste av Vestland fylkeskommune sitt rettshjelpsbehov.
I dette ligg å synleggjere og tilby kompetent juridisk rådgjeving for heile Vestland fylkeskommune.
Juridisk seksjon har også som mål å legge til rette for møtegjennomføring i folkevalde organ i samsvar med lov og reglement, samt at fylkeskommunen tar i vare sine oppgåve knytt til stortings-, kommune og fylkestingsval.

Det er nå ledig fast stilling som juridisk rådgjevar. Stillinga er lagt til Bergen eller Leikanger. Det kan bli ledig vikariat ut 2026. Kandidater som vil bli vurdert iht vikariat bes oppgi dette i søknad.

Arbeidsoppgåver

Som juridisk rådgjevar vil du i denne stillinga arbeide innan tre område:

Juridisk rådgjeving og sakshandsaming for avdeling for infrastruktur og veg:

Entrepriserkontraktar, anskaffingar og forhandling, generelle spørsmål om eigedom, inngåande erstatningskrav utanfor kontraktsforhold, utgåande erstatningskrav, rådgjeving i samband med enkeltsaker og klagesaker knytt til veglov, nabolov, plan og bygningslov og offentleglov mv.

Juridisk rådgjeving og sakshandsaming for avdeling for opplæring og kompetanse:

Du vil her arbeide i team med kollegaer i juridisk seksjon kor teamet skal koordinere arbeidet med personvern, sikre og dokumentere behandlingsaktivitetane, bidra til at det vert sett i gang og gjennomført naudsynte tiltak ved behandling av personopplysningar, sikre at informasjonsplikta overfor den registrerte er oppfylt, bidra ved handtering av avvik, bidra ved spørsmål frå den registrerte knytt til den registrerte sine rettar, bidra ved implementering av overordna rutinar knytt til personvernegelverket, samt gje råd og rettleiing ved spørsmål.

Juridisk rådgjeving og sakshandsaming som møtesekretær for folkevalde organ:

Vestland fylkeskommune er sjølvstyrt og underlagt folkevald leiing. Som møtesekretær for folkevalde organ vil du arbeide med dei formelle ramma og gje munnlege og skriftlege råd og rettleiing både til folkevalde og administrasjon.

Då juridisk seksjon gir bistand til heile Vestland fylkeskommune, må aktuell kandidat i tillegg rekne med andre oppgåve ut frå behov, kompetanse, erfaring og individuelle eigeskapar.

Kvalifikasjonar

• Krav om juridisk embetseksamen eller master i rettsvitskap
• Ønskjeleg med interesse for fleire av dei aktuelle arbeidsoppgåvane
• Ønskjeleg med noko erfaring, særleg som møtesekretær, men nyutdanna er velkomen til å søkje

Personlege eigenskapar

Du kjenner deg igjen i verdiane våre som er open, kompetent og modig.

Positiv og omgjengeleg som person
Serviceinnstilt
Gode samarbeidsevner
Sterk på prioritering for å sikre levering innan fastsett frist

Vi tilbyr

Hos oss får du:

• ein meiningsfull og samfunnsnyttig arbeidskvardag
• ei spanande stilling i eit arbeidsmiljø med høg fagleg kompetanse
• gode moglegheiter for fagleg utvikling
• løn etter avtale
• gode offentlege pensjons- og forsikringsordningar

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.