Helgestilling heimetenesta og korttid og rehabiliteringsavdelingen

Fleire av studentane våre har fullført studier og skal over i nye stillingar. Me søker deg som ønsker å ha fast helgestilling i heimetenesta aust og på korttids- og rehabiliteringsavdelinga i Time kommune. Avdelingane held til sentralt på Bryne og ligg i gangavstand til togstasjonen.
Ønsker du eit godt arbeidsmiljø med mange læremoglegheiter er dette plassen for deg.
Me tilbyr gode studentordningar for sjuke- og vernepleiarstudentar.

Avdeling aust: Avdelinga held til på Sivdamsenteret på Bryne og gjev heimetenester i brukaren sin heim. Nattpatrulja dekker heile kommunen.

Kortids- og rehabiliteringsavdelingen: Avdelinga ligger i 2. etasje på Sivdameheimen og har 24 plasser. Me har lindrande senger ved avdelinga og dyktige dedikerte medarbeidarar. Det er stor variasjon i pasientgruppa.

Me har ledig fast helg med arbeid dag og kveld kvar 3. helg.

Arbeidsoppgåver

- Pleie og omsorgsoppgåver i brukaren sin heim og på avdeling.
- Oppfølgning av ernæring
- Legemiddelhåndtering
- Dokumentasjon etter lov og forskrift
- Samarbeid med brukarar, pårørande og kollegaer
- Turnus med arbeid kvar 3. helg.

Kvalifikasjonar

- Offentleg godkjenning som sjukepleiar eller helsefagarbeidar
- Sjuke-/vernepleiestudentar vert oppmoda til å søka.
- Studentar og elevar med anna relevant bakgrunn vil verta vurderte
- Erfaring frå heimeteneste og rehabilitering vert lagt vekt på

Du må kunna gjera deg godt forstått på norsk, både munnleg og skriftleg. Dersom du har eit anna morsmål enn norsk må du dokumentera at du har språknivå tilsvarande B2.
Du må vera over 18 år.
Du må ha sertifikat for personbil for å arbeida i heimetenesta.

Det er krav om politiattest.

Du må laste opp relevante vitnemål og attestar. Vitnemål og/eller karakterutskrift kan du henta frå Vitnemålsportalen. Har du utdanning frå utlandet må du leggja ved generell og/eller yrkesgodkjenning frå Direktoratet for høgare utdanning og kompetanse (HKdir).

Personlege eigenskapar

Du må kunna arbeida sjølvstendig i ein hektisk arbeidskvardag og vera fleksibel då arbeidet stadig er i endring.
Du må ha gode relasjonelle ferdigheiter og vera ansvarsbevisst.
Du har evne og vilje til å tileigna deg ny kunnskap som er nødvendig for arbeidet.
Du bidreg til eit positivt og godt arbeidsmiljø.
Personlege eigenskapar vert vektlagd.

Vi tilbyr

- Gode pensjonsordningar
- Løn etter tariff/avtale
- Ein spennande, variert og fagleg utfordrande arbeidsplass i eit godt arbeidsmiljø
- Nært samarbeid med eit breitt fagmiljø i ein organisasjon i utvikling
- Gode stipendordningar for sjuke- og vernepleiestudentar.

Fast stilling 14-21 % dag og kveld 3. kvar helg.

Ønsker du å få eit innblikk i vår kvardag sjå filmen vår under her:
https://play.mediaflowpro.com/ovp/16/15GE737L02

Der det er lovkrav om det, må politiattest registreres før første arbeidsdag tar til.

"Me skal gjera kvarandre gode" er leveregelen for oss som jobbar i Time kommune. Me er opptatt av å utvikla og forbetra tenestene i lag med innbyggarane, besøkande og næringslivet slik at Time skal vera ein trygg og framtidsretta kommune. Kommunen har ca. 20 000 innbyggarar og ligg midt på Jæren, med Bryne som regionssenter og kollektivknutepunkt for buss og jernbane. Time er ein stor jordbrukskommune og har i tillegg eit variert næringsliv, med flest sysselsette innan industri, varehandel, hotell og restaurant. Det er 1340 årsverk i Time kommune, fordelt på om lag 1800 personar.

Time kommune er opptatt av mangfald og me oppmodar derfor alle som er kvalifiserte til å søka hos oss, uansett alder, kjønn, etnisitet, religion, funksjonsevne, seksuell orientering og kjønnsidentitet. Me gjer merksam på at opplysningar om søkaren kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.