Vitskapleg assistent

Ved Høgskulen på Vestlandet (HVL) er det ledig ei åremålsstilling i 100% som vitskapleg assistent ved Fakultet for lærarutdanning, kultur og idrett.

Om stillinga:

Stillinga har ei varigheit på to år frå startdato. Oppstart i stillinga så snart som mogeleg etter avtale.

Stillinga er knytt til prosjektet TRANSFER (Evaluation and Research-Policy-Practice Transfer to Promote Equity and Inclusion), finansiert med EU-midlar innanfor rammeprogrammet for forsking og innovasjon «Horizon Europe» under the call Evaluation and use of evidence in education policy and practice. Prosjektet varer i tre år og startar 1. september 2026. Stillinga skal ha oppstart same dato.

I TRANSFER deltek forskarar frå 12 universitet, høgskular og forskingsinstitusjonar i åtte europeiske land (Sveits, Tyskland, Spania, Finland, Ungarn, Litauen, Irland og Noreg). TRANSFER har som mål å styrkje kunnskapsoverføringa mellom forsking, politikk og praksis for å redusere sosial ulikskap i utdanning og fremje inkludering. Vi byggjer eit berekraftig, likskapsorientert evidensøkosystem som aktivt integrerer forskarar, politikarar, praksisfeltet i utdanning og sosialtenester, samt barn og unge i sårbare livssituasjonar og deira foreldre gjennom deltakarorienterte evalueringsprosessar og kunnskapsoverføring.

Prosjektet er organisert i ulike arbeidspakkar (WP) som fokuserer på konseptuell og metodologisk utvikling, empirisk forsking og formidling av forskingsresultat. Personen som blir tilsett, skal medverke i fleire av arbeidspakkane.
 

Arbeidsstad er campus Bergen og stillinga inngår i Institutt for pedagogikk, religion og samfunnsfag, campus Bergen.

Ansvars- og arbeidsoppgåver:

Stillinga har følgjande ansvars- og arbeidsoppgåver:

• Praktisk støtte i datainnsamling og databehandling (t.d. intervju, dokumentanalyse), medverknad i planlegging og gjennomføring
• Litteratursøk, referansehandtering og førebuing av datamateriale
• Bidrag til internasjonal samanlikning
• Bidrag til rapportar og vitskaplege publikasjonar og presentasjonar
• Administrative oppgåver i samband med prosjektgjennomføringa
• Deltaking i prosjektmøte lokalt, nasjonalt og internasjonalt, og samarbeid med internasjonale og lokale partnarar
• Deltaking i forskingsgrupper og relevante vitskaplege aktivitetar ved fakultetet

Kvalifikasjonar:

Kvalifikasjonskrav:

• Fullført bachelorgrad eller minst tre års relevant høgare utdanning innafor eit fagområde som er relevant for prosjektet
• Erfaring med forskingsarbeid
• Erfaring med kvalitative og/eller kvantitative forskingsmetodar
• God munnleg og skriftleg framstillingsevne på norsk eller eit anna skandinavisk språk, samt engelsk

Ønska kvalifikasjonar:

• Kjennskap til forskingsmetodar og bruk av relevante digitale verktøy (t.d. SPSS, NVivo, Excel, referansehandtering)
• Erfaring med vitskapleg arbeid retta mot inkludering i utdanning og/eller erfaring med evaluering og/eller forskingsbasert praksisendring (practice transfer) i utdanningssektoren

• Erfaring med publisering eller formidling av forskingsresultat

   

Personlege eigenskapar:

I vurderinga vil det bli lagt vekt på:

• At søkjarar må kunne arbeide sjølvstendig, strukturert og ha gode samarbeids- og formidlingsevner
• Personlege og mellommenneskelege eigenskapar
• At søkjar er faglig ambisiøs med stort potensiale

Stillingskategorien vitskapeleg assistent er regulert av Forskrift til universitets- og høyskoleloven (https://lovdata.no/dokument/SF/forskrift/2024-06-28-1392/KAPITTEL_3#KAPITTEL_3) § 3-21.

I forskrifta står det mellom anna at "Personer som har vært ansatt som stipendiat eller har oppnådd doktorgrad kan ikke ansettes som vitenskapelig assistent".

Korleis søkje på stillinga?

Send søknad og CV ved å klikke på knappen merka "Søk stillinga" på denne sida.

Vi gjer merksam på at søknadar vert vurdert ut frå den informasjonen som er lagt inn i www.jobbnorge.no (http://www.jobbnorge.no) ved søknadsfristens utløp. Det er søkjar sitt ansvar å sørgje for at alle relevante vedlegg er lagt inn innan fristen,  irekna:

• vitnemål
• attestar

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv lasta opp attesterte omsetjingar. Om vedlegga overstig 25 MB må dei komprimerast før opplasting eller leggjast ved som lenkje, total maksgrense for opplasting av vedlegg er 50 MB.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning.  (https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d)

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her. (https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d/automatisk-godkjenning-et-raskere-alternativ)

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søkjarar kan ikkje sende søknadar på e-post til enkeltpersonar ved høgskulen. 

Vi tilbyr:

• Gode pensjons- og forsikringsordningar i Statens pensjonskasse
• Spanande fagmiljø med moglegheit for kompetanseheving - og utvikling
• Høve for trening i arbeidstida

Stillinga som vitskapleg assistent er lønna i stillingskode 1019 / 1020. 

Frå løna vert det trekt 2 % innskot til Statens pensjonskasse.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.

Høgskulen på Vestlandet er underlagt forskrift for eksportkontrollsystem. Forskriften kan komme til anvending i behandlingen av søknadane.

Kontaktperson ved Høgskulen på Vestlandet er:

Professor Solvejg Jobst

Tlf.: 45 81 03 04

E-post: solvej.jobst@hvl.no

Inkludere, utfordre og samhandle

Les meir på våre heimesider. (http://www.hvl.no)

Høgskulen på Vestlandet (HVL) er ein av dei største høgskulane i landet, med om lag 1 900 tilsette og 16 500 studentar fordelte på fem campus i Førde, Sogndal, Bergen, Stord og Haugesund.

Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.
 

HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.

Fakultet for lærarutdanning, kultur og idrett har fire institutt med tilsette i Bergen, Sogndal og på Stord. Fakultetet er ein av dei største lærarutdanningsinstitusjonane i landet med rundt 5 700 studentar og 530 tilsette, og tilbyr barnehagelærarutdanning, grunnskulelærarutdanning for 1.-7. og 5.-10. trinn, praktisk-pedagogisk utdanning, bachelorutdanningar, masterutdanningar og Ph.d.-program. Fakultetet har eit omfattande etter- og vidareutdanningstilbod. Forskingsaktiviteten ved fakultetet blir organisert i forskingsprogram og forskargrupper.

Institutt for pedagogikk, religion og samfunnsfag har ca. 200 tilsette i Bergen, Sogndal og på Stord.

Instituttet gjev undervisning på alle nivå og er involvert i barnehagelærarutdanninga, grunnskulelærarutdanningane, bachelorutdanningar og praktisk-pedagogisk utdanning. I tillegg bidreg instituttet i to-årige masterutdanningar og i Ph.d.-programmet Studier av danning og didaktiske praksisar. Instituttet har eit omfattande etter- og vidareutdanningstilbod.

Tilsette på instituttet er involvert i forsking som er relevant for utdanningane våre og deltar i fagleg nettverksarbeid både nasjonalt og internasjonalt. Instituttet har som mål å vere i front av profesjonsorientert kompetanseutvikling innanfor sine fagfelt. I denne samanhengen er vi i kontinuerleg samarbeid med  viktige aktørar i regionen om til dømes vidareutdanning og skule- og barnehagebasert kompetanseutvikling.