Vil du arbeide på skulen vår?

Om stillinga

Ved Eikanger skule har me ledig ein 100 % fast stilling som lærar f.o.m. 01.08.26, eller etter avtale.

Eikanger skule er ein fådelt skule med 67 elevar plassert på Eikangervåg, berre 13 minutt frå Knarvik. Skulen ligg flott plassert langs Osterfjorden med god tilgang til skog, fjell og sjø. Sidan 2013 har Eikanger skule vore sertifisert som «Dysleksivenleg skule». Ved skulen er det lagt vekt på å skape eit inkluderande og støttande læringsmiljø for alle elevar.

Eit av dei viktigaste satsingsområda det siste året har vore innan språk, lesing og skriving. Skuleåret 2025-2026 har vi delteke på desentralisert ordning for kompetanseutvikling (dekomp), og hatt i eit samarbeid med Nasjonalt Lesesenter ved Universitetet i Stavanger. Språk, lesing og skriving er eit område vi vil jobbe vidare med det komande året gjennom samarbeid og erfaringsdeling i profesjonsfelleskapet.

Les meir om skulen her (https://alver.kommune.no/artikkel/eikanger-skule)

Arbeidsoppgåver

• arbeide i tråd med kommunen og skulen sine satsingar og retningslinjer
• planlegge og gjennomføre undervisning i tråd med gjeldande læreplanar
• systematisk samarbeid med kollegaer og leiing om elevane si læring og utvikling
• aktiv deltaking i skulen sitt utviklingsarbeid
• følgje opp elever med vedtak om individuell tilrettelagt opplæring
• samarbeide med relevante eksterne samarbeidspartnarar
• skape trygge og gode læringsarenaer der alle elevane er inkluderte
• oppfølging av elevar for å sikre god fagleg og sosial utvikling, og eit trygt, godt og inkluderande læringsmiljø
• skule-heim samarbeid
• kontaktlæraransvar kan verte aktuelt

Kvalifikasjonskrav

• Godkjent undervisningskompetanse for barnetrinnet etter opplæringslova § 17-3 og § 17-4 
• Utdanning som gjev undervisningskompetanse i  1.-7. trinn.  Grunnskulelærarar med denne kompetansen vert prioritert
• God kompetanse i grunnleggjande lese-, skrive- og rekneopplæring og begynnaropplæring 
• Gode skriftlege og munnlege kommunikasjonsevner
• Autoritativ klasseleiar som evnar å byggje gode relasjonar til elevar og føresette
• Gode faglege og didaktiske kunnskapar
• Erfaring frå undervisning og kontaktlærarerfaring er ønskeleg
• I tråd med opplæringslova vert det stilt krav om politiattest ved tiltrede

Vi tilbyr

• Tett fagleg samarbeid mellom kollegaer
• Rettleiing for nyutdanna lærarar dei to første yrkesåra
• Samarbeid med skulen sitt ressursteam 
• Moglegheit for kompetanseutvikling, etter - og vidareutdanning
• Gode pensjons- og forsikringsordninger
• Løn- og tilsetjingsvilkår i samsvar med lov- og avtaleverk

Alver kommune - Ein spennande organisasjon for engasjerte og kompetente medarbeidarar! 

Velkomen til Alver kommune, ein kommune som har vakse til å bli ein av dei største kommunane i fylket. Med om lag 30 000 innbyggjarar og 2 700 dedikerte tilsette, har vi eit sterkt samfunn som søkjer å løyse utfordringar og utvikle seg vidare. 

Vår plassering nord for Bergen gir oss privilegiet av ei variert og fascinerande natur. Frå rolege fjordar og opne havområde til majestetiske fjell og lokale toppar, byr Alver kommune på ei rekkje utandørs opplevingar. Vi er også stolte av å huse verdas beste korps og vere vertskap for eit rikt kulturliv. 

Vi verdset meiningsfulle oppgåver og ser på kvar einaste medarbeidar som ein verdifull bidragsytar til vårt viktige samfunnsoppdrag. Som ein del av vårt team vil du få moglegheita til å engasjere deg og bruke din kompetanse til å forme framtida til vår kommune. Vi legg vekt på å skape eit arbeidsmiljø der du kan bløme og utvikle deg. Alver kommune har heiltidskultur som satsingsområde i heile organisasjonen.  

Bli med på vårt eventyr i Alver kommune, der vi søkjer etter dedikerte og dyktige menneske som ønsker å vere ein del av vår felles suksesshistorie. Vi ser fram til å ønskje deg velkommen og gi deg ei meiningsfull og givande karriere hos oss.