Vil du arbeide ved skulen vår?

Frå 01.08.2026 har me ledig avdelingsleiarstilling ved Hordabø skule. Saman med rektor og SFO-leiar vil du utgjere leiarteamet ved skulen. Skulen har også to teamleiarar som arbeider tett saman med leiinga. Stillinga er 100% mellombels,  og inneheld både administrativt arbeid og noko undervisning. 

Felles visjon for skulane er; Ein plass for alle - læring og meistring  i fellesskap.

Stllinga er eit vikariat, mellombels for skuleåret 2026/2027

Om Hordabø skule

Hordabø skule ligg i Bøvågen, nord på Radøy. Me har i dag rundt 120 elevar og 25 tilsette. Me har gode uteområde som legg til rette for læring gjennom leik og aktivitet. Skulen har fokus på å skape eit trygt og godt skulemiljø for alle elevar. I tillegg til læringsmiljøarbeidet er språk, lesing og skriving eitt av våre satsingsområde.
 

Arbeidsoppgåver

Ønskjer du å arbeide med skuleleiing i eit triveleg og inspirerande arbeidsmiljø? Du vil vere med på å skape eit trygt, godt og inkluderande skulemiljø der elevane trivst og lukkast. 

Vi leitar etter deg, som kan tenkje deg varierte dagar, der du mellom anna: 

• er del av leiargruppa ved skulen 
• er aktivt med i utviklingsarbeid 
• har undervisning og arbeid knytt til elevaktivitetar
• har oppfølging av elevsaker, individuell tilrettelagd opplæring og samarbeid med føresette 
• kaller inn, følgjer opp og rettleiar vikarar
• ulike administrative oppgåver fordelt i leiargruppa ut frå kompetanse, organisering av skulen og ønskjer.

• stillinga kan få personalansvar for deler av tilsettgruppa

   

Kompetanse

• Vi ser etter ein avdelingsleiar med godkjent lærarutdanning og sterke faglege og didaktiske kunnskapar. 
• Du er ein tydeleg og strukturert person, som møter både elevar, føresette og tilsette på ein god måte. 
• Du må ha gode norskkunnskapar, og kunne uttrykkje deg godt, både skriftleg og munnleg. 
• Det er ein fordel om du har god kompetanse på IKT. 
• Det er ønskjeleg med leiarutdanning og/eller leiarerfaring

Me tilbyr

• Eit fagleg dyktig kollegium.
• Eit godt profesjonsfelleskap blant skuleleiarar
• Ein støttande og utviklingsorientert oppvekstsektor
• Leiaropplæring
• Løn etter avtale basert på utdanning og røynsle
• Gode pensjons- og forsikringsordningar
• Tilsetjing i samsvar med lov- og avtaleverk

Me er ein organisasjon i læring! 

Som ein del av arbeidet vert det forventa at du bidreg til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetodar og aktivt tek ansvar for læring, samt fagleg og personleg utvikling. I oppvekst arbeider me med vår digitale kompetanse, og nyttar teams i vår informasjonsflyt. 

Me er Alver

Me får vere der frå aller fyrste stund, og me får følgje deg gjennom livet!

Video: https://www.youtube.com/watch?v=_xHE9zF24G4&ab_channel=Alverkommune

Politiattest 

I tråd med opplæringsl § 10- 9 vert det stilt krav om tilfredsstillande politiattest ved tiltrede

Alver kommune - Ein spennande organisasjon for engasjerte og kompetente medarbeidarar! 

Velkomen til Alver kommune, ein kommune som har vakse til å bli ein av dei største kommunane i fylket. Med om lag 30 000 innbyggjarar og 2 700 dedikerte tilsette, har vi eit sterkt samfunn som søkjer å løyse utfordringar og utvikle seg vidare. 

Vår plassering nord for Bergen gir oss privilegiet av ei variert og fascinerande natur. Frå rolege fjordar og opne havområde til majestetiske fjell og lokale toppar, byr Alver kommune på ei rekkje utandørs opplevingar. Me er også stolte av å huse verdas beste korps og vere vertskap for eit rikt kulturliv. 

Me verdset meiningsfulle oppgåver og ser på kvar einaste medarbeidar som ein verdifull bidragsytar til vårt viktige samfunnsoppdrag. Som ein del av vårt team vil du få moglegheita til å engasjere deg og bruke din kompetanse til å forme framtida til vår kommune. Me legg vekt på å skape eit arbeidsmiljø der du kan bløme og utvikle deg. Alver kommune har heiltidskultur som satsingsområde i heile organisasjonen.  

Bli med på vårt eventyr i Alver kommune, der me søkjer etter dedikerte og dyktige menneske som ønsker å vere ein del av vår felles suksesshistorie. Me ser fram til å ønskje deg velkommen og gi deg ei meiningsfull og givande karriere hos oss.