Sommarvikar/tilkallingsvikar sjåfør – aktiv og meiningsfull sommarjobb!

Ønskjer du ein aktiv og meiningsfull sommarjobb?

Som sjåfør i NGIR er du ein viktig del av kvardagen til folk i regionen.

Du sørgjer for at avfall blir handtert på ein smart og berekraftig måte – og held samfunnet i gang.

Du blir ein del av eit godt sjåførteam og representerer NGIR ute hos kundane våre.

Dette får du jobbe med

Du vil arbeide med køyring av renovasjonsbil og innsamling av avfall frå husstandar, hytter og næringskundar.

Jobben inneber fysisk arbeid, som handtering og flytting av avfallsdunkar.

Du vil òg nytte digitale system til føring av t.d avvik og vekt, så grunnleggande digital kompetanse er naudsynt.

Sjåførane bidrar også med enkelt vedlikehald og reinhald av bilen.

Kvalifikasjonar

Du må ha førarkort klasse C, gyldig sjåførkort og godkjent YSK.

Det er ein fordel med køyreerfaring, men ikkje eit krav.

Kven er du?

Vi ser etter deg som er påliteleg, punktleg og positiv.

Du trivst med fysisk arbeid og å jobbe ute, og du møter kundar og kollegaer med god servicehaldning.

Du kommuniserer godt på norsk og arbeider strukturert og sjølvstendig.

Kvifor velje NGIR?

• Du får ein aktiv jobb

• Du jobbar ute i frisk luft kvar dag

• Du blir del av eit inkluderande og kjekt arbeidsmiljø

• Du får god opplæring og oppfølging

• Du køyrer moderne og godt vedlikehaldne bilar

• Du får ein jobb som er viktig for miljøet og samfunnet

Lurer du på noko?

Ring transportleiar Karl André Dale på 916 78 784 – han tek gjerne ein prat!