Seksjonsleiar Kurs- og konferansesenteret i Bikuben

Vil du leie eit av Vestlandets viktigaste møtestader for fagleg utvikling og samhandling?

Helse Bergen søker ein nysgjerrig og framoverlent seksjonsleiar. Rolla kombinerer strategisk utviklingsansvar og operativ leiing, og gir deg moglegheita til å styrke senterets posisjon som ein profesjonell og føretrekt møteplass for fagleg utvikling, samhandling og kunnskapsdeling.

Kurs- og konferansesenteret ligg sentralt i Haukelandsområdet og tilbyr moderne fasilitetar for kurs, møte og konferansar med kapasitet på opptil 450 deltakarar. Senteret er ein viktig støttefunksjon for sjukehusets kjerneoppdrag – gjennom å legge til rette for kompetanseheving, samarbeid og utvikling på tvers av profesjonar og fagmiljø.

Som seksjonsleiar får du ansvar for å vidareutvikle tilbodet, styrke kvaliteten i leveransane og sikre effektiv drift, i tett samspel med interne og eksterne aktørar. Du vil leie eit fagleg sterkt team og bidra til gode medarbeidarprosessar og ein tydeleg retning for seksjonen.

Stillinga er organisert under Hospitaldrift i Drift/teknisk divisjon.

Arbeidsoppgåver

• Heilskapleg leiing av seksjonen, med ansvar for personal, økonomi og fagutvikling
• Vidareutvikle senterets tilbod i tråd med behov i organisasjonen og overordna strategiske føringar
• Sikre effektiv drift, gode arbeidsprosessar og høg kvalitet i alle leveransar
• Leie og utvikle medarbeidarar, og bygge ein kultur prega av samarbeid, service og forbetring
• Planlegge, prioritere og følge opp aktivitet og ressursbruk
• Samarbeide tett med kliniske miljø, stab og eksterne samarbeidspartnarar
• Bidra aktivt i utviklings- og forbetringsarbeid i Hospitaldrift

Kvalifikasjonar

Må ha krav:

• Leiarerfaring med personal- og økonomiansvar
• Relevant høgare utdanning (minimum bachelor). Solid og relevant erfaring kan kompensere
• God økonomiforståing og erfaring med budsjett og resultatoppfølging
• Gode digitale ferdigheiter

Ønska kvalifikasjonar:

• Erfaring frå service-, arrangements- eller konferanseverksemd
• Erfaring med endrings- og forbetringsarbeid
• Kjennskap til offentleg sektor eller større organisasjonar

Personlege eigenskapar

Vi ser etter ein leiar som:

• Er tydeleg og trygg i leiarrolla, og evner å prioritere og ta avgjerder
• Har utviklingsorientering og gjennomføringsevne
• Evner å balansere drift og utvikling på ein strukturert måte
• Skapar engasjement og utvikling hos medarbeidarar
• Er relasjonssterk og samarbeider godt på tvers av fagmiljø
• Har god rolleforståing og bidrar til heilskaplege løysingar i organisasjonen
  

Språk

• Norsk – god munnleg og skriftleg fremstillingsevne
• Engelsk – munnleg
  

Vi tilbyr

• Ein leiarrolle med moglegheit til å påverke utviklinga av eit viktig tilbod i Helse Bergen
• Eit kompetent fagmiljø og engasjerte medarbeidarar
• Ein variert arbeidskvardag med både strategiske og operative oppgåver
• Gode ordningar for pensjon og forsikring gjennom offentleg tenestepensjon
• Lønn etter avtale

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.