Helsefagarbeidar

Om stillinga

Heimetenesta i Vaksdal kommune har ledig 80 % fast stilling i to-delt turnus med arbeid på natt kvar 3 helg. Det kan vere moglegheit for 3‑delt turnus etter nærare avtale.

Heimetenesta yter tenester til menneske i alle aldrar og livssituasjonar. Vi arbeider for å gi trygg og god omsorg prega av respekt, høg fagleg kvalitet og menneskeleg varme - der den enkelte sine behov står i sentrum. 

Vaksdal kommune er ein kommune med sterkt fellesskap. Vi legg stor vekt på eit godt arbeidsmiljø der tillit, samarbeid og støtte står sentralt. Heimetenesta er i stadig utvikling, med fokus på velferdsteknologi, fagleg oppdatering og brukarmedverknad. Vi arbeider tverrfagleg, og du blir ein del av eit dyktig og engasjert team som brenn for å gi gode og trygge tenester - der folk bur og lever liva sine.

Arbeidsoppgåver vil mellom anna vere

• Oppfølging av pasientar med stell og pleie
• Hjelp til daglege gjeremål 
• Medisinhandsaming 
• Medisinsk oppfølging ut frå kompetansenivå 
• Kontakt og samarbeid med pårørande 

Krav til kompetanse

• Helsefagarbeidar, eller anna relevant fagbrev  
• Krav om godkjend politiattest 
• Krav om førerkort klasse B
• God framstillingsevne, både munnleg og skriftleg på norsk

Personlege eigenskapar

• Du likar å arbeide sjølvstendig og å ta ansvar 
• Du har gode kommunikasjonsferdigheiter og samarbeider godt i eit tverrfagleg miljø 
• Du evnar å sjå samanhengar og bidra til heilskapleg tenking på tvers av avdelingar og arbeidsområde 
• Du er fagleg trygg, modig og raus - og evnar å gjere tenesta, tilsette og brukarar gode 
• Du er påliteleg, stabil og løysingsorientert, med stor evne til gjennomføring

Personlege eigenskapar vert vektlagt

Vaksdal kommune kan tilby

• Gode pensjons- og forsikringsordningar 
• Individuell oppfølging 
• Gode moglegheitar for støtte til utdanning
• Løn i tråd med tariffavtale og kompetansetillegg